Skinfaxi - 01.02.2001, Blaðsíða 26
Landsmótið 2004 á Vestfjörðum
Stjórn UMFÍ tók á fundi sínum þann 10. febrúar s.l þá ákvörðun að semja við
HSB, íþróttafélögin í Bolungarvík og HSV á ísafirði um framkvæmd Landsmóts
UMFI 2004. Skinfaxi ræddi við Katrínu Gunnarsdóttir, formann HSB og Kristinn
Jónsson formann HSV um úthlutunina.
Spennandi verkefni og ögrandi
Katrín Gunnarsdóttir
Landsmótshald leggst ágætlega í mig og mína félaga. Hér
er um að ræða gríðalega spennandi verkefni og mjög
ögrandi. Svo stórt íþróttamót hefur aldrei verið haldið á
Vestfjörðum en Vestfirðingar hafa haldið mörg minni mót,
m.a. unglingalandsmótið á Tálknafirði. Hér býr því fólk
sem hefur þekkingu og reynslu af mótahaldi. Jú vissulega
ríkir gleði hér, gleði yfir því að okkur hefur verið treyst fyrir
svo stóru verkefni og við vonum að við stöndum undir
því."
Engin endanleg ákvörðun hefur verið tekin um það hvar
keppt verður í hinum ýmsu landsmótgreinum.
Héraðssamband Bolungarvíkur og Héraðssamband
Vestfirðinga sendu ekki inn sameiginlega umsókn svo það
á eftir að ræða þá skiptingu. Eg vona að okkur takist að
leysa það mál í fullri sátt. Þau svæði sem um ræðir eru auk
Isafjarðarbæjar, Bolungarvík, Suðureyri, Þingeyri og
Flateyri."
Sameiginlegur undirbúningur er ekki farinn af stað. Það er
ákvörðun stjórnar UMFI að héraðssamböndin tvö haldi
þetta mót og því hef ég átt von á að heyra meira frá
stjórninni hverning þeir hafa hugsað þetta mál. Mér þykir
eðlilegast að fyrsti fundur sé boðaður af hálfu UMFI og svo
taki sameiginleg Landsmótsnefnd héraðssambandanna við.
Það er ljóst að við verðum að halda vel á spöðunum þau ár
sem eru fram að Landsmóti. Eitt er víst að þau eiga eftir að
líða hratt og erfið verða þau örugglega en um leið
spennandi.
Sú aðstaða sem fyrir hendi er dugar ekki til Landsmóthalds
og verður m.a. að byggja löglega sundlaug. Hvort það
verður varanlegt mannvirki eða til bráðabirgða verður að
koma í ljós. Engin frjálsíþróttaaðstaða er fyrir hendi. Hér í
í Bolungarvík er gott rými til að byggja slíka aðstöðu upp en
knattspyrnudeild UMFB hefur undanfarin ár tyrft stórt
svæði til nota sem æfingasvæði. Þar mætti hugsa sér
uppbyggingu frjálsíþróttavallar. En eins og ég sagði engar
ákvarðanir hafa verið teknar og margar hugmyndir á lofti.
Akvörðun um staðsetningu mannvirkja verður að vera
tekin af skynsemi og varast skal að hafa tilfinningar of
mikið með í ráðum.
Aðstaða fyrir keppendur og mótsgesti er allgóð á þessum
stöðum.
Eg man ekki eftir mikilli baráttu um þetta Landsmótshald.
Sjálfsagt hefur eitthvað gengið á einhvers staðar á bak við
tjöldin. Mér finnst sem ásókn í Landsmót hafa minnkað ef
eitthvað er síðustu ár. Hér áður fyrr var hart barist og oft
stóðu slíkar orrustur yfir í mörg ár og lágu oft margir sárir
á eftir. Versnandi fjárhagsstaða sveitarfélaganna hefur
sjálfsagt einnig eitthvað að segja um dvínandi ásókn að
Landsmótshaldi.
Það er rétt að Unglingalandsmótið á Tálknafirði var fyrsta
stórmótið hér á Vestfjörðum og tókst ágætlega. Hins vegar
hefði verið gott að hafa þá sem þar stóðu fyrir mótshald
með okkur til halds og traust en sjálfsagt eigum við eftir að
leita til þeirra eftir góðum ráðum.
Vestfirðingar hefja öll verk með því hugafari að ljúka þeim
og ljúka þeim vel. Eg á von á því að með samstilltu átaki
allra sem að mótinu standa náum við því markmiði og
höldum glæsilegt Landsmót árið 2004.