Skinfaxi - 01.12.2001, Blaðsíða 12

Ungmennafélags Selfoss
Upphafsár
Stofnun Ungmennafélags Selfoss og fyrstu árin
Annan dag hvítasunnu, þann 1 júní 1936
voru 10 ungir Selfossbúar saman komnir á
fundi í Tryggvaskála. Markmiðið var að
halda stofnfund að ungmennafélagi í Sand-
víkurhreppi. A þessum fundi var enginn
annar en framherji ungmennafélaganna
Sigurður Greipsson, glímukappi og skóla-
stjóri í Haukadal. Hélt hann erindi um
starfsemi ungmennafélaganna og bauð
þetta nýja félag velkomið í Héraðssam-
bandið Skarphéðinn. Björn Blöndal Guð-
mundsson las upp lög fyrir félagið sem
fundarmenn samþykktu. Var því valið
nafnið Ungmennafélagið Tíbrá. Þar sem
fáir voru á þessum stofnfundi, var ákveðið
að boða framhaldsstofnfund síðar, og voru
kosnir til að sjá um hann Björn Blöndal
Guðmundsson, Guðmundur Jóhannesson
og Grímur E. Thorarensen. Björn Blöndal
var aðalhvatamaður stofnunar félagsins.
Hann hafði stundað og verið í félagslífi
annars staðar áður.
Framhaldsstofnfundurinn var haldinn í
barnaskólanum á Selfossi þann lO.júní, og
sóttu þann fund 25 manns. Þar kynnti
Björn Blöndal lög félagsins og fékk sam-
þykkt fundarsköp þess. Frestað var stjórn-
arkosningu til næsta fundar, en sömu
mönnum falið að annast stjórnarstöfin.
Kosnar voru verkefnanefnd og skemmti-
nefnd, en þeir Björn Blöndal og Guðmund-
ur Jóhannsson lentu í báðum nefndunum.
Auk þeirra fór í verkefnanefnd Guðlaug
Þorfinnsdóttir, en Grímur Thorarensen fór
í skemmtinefnd.
A þriðja félagsfundinum sem haldinn
var 25. júní var gengið til stjórnarkjörs og
regluleg stjórn kjörin. í henni sátu Vern-
harður Jónsson, Guðmundur Jóhannsson
og Björn Blöndal. Varastjórnarmenn voru
Bjarni Sigurgeirsson, Grímur Thorarensen
og Agúst Helgason.
Vemharður Jónson var formaður félagsins
fyrsta árið. Hann var starfsmaður Kaupfé-
lags Árnesinga og síðar kaupfélagsstjóri á
Sauðárkróki. Hann studdi félagið vel fyr-
stu fetin en á 2. aðalfundi félagsins 26. jan-
úar 1937 baðst hann undan .
Fyrsta málið, sem formlega er tekið fyrir á
ungmennafélagsfundi kemur fram á þriðja
fundinum 25. júní. Björn Blöndal er sem
fyrr allra manna áhugasamastur og hefur
umræður um íþróttamálin "og þá sérstak-
lega að vinna að því að koma hér upp
sundlaug, þar eð virðist vera hér nóg af
heitu vatni. Gat hann í því sambandi um
umtal það að hita hér upp öll hús með
heitu vatni, og vildi hann helst að það gæti
farið saman - hitaveitan og sundlaugin.”
Hér er tveimur stórmerkum málum hreyft,
sem ungmennafélagið verður að teljast
frumkvöðull að á þann hátt, að þar er
málanna fyrst getið skriflega.
Um haustið 1936 hófst fimleikakennsla
undir stjórn Guðmundar Jóhanns-
sonar, og urðu þátttakendur í upp-
hafi 30 talsins. Æfingatíminn var
annan hven dag í Tryggvaskála.
Einhver leikfimitæki voru til sem
félagið fékk frá gamla ungmenna-
félaginu. Meginuppistaðan í
æfingatækjunum voru tveir
hestar, dýnur og kista. Enn var
fitjað upp á fimleikaæfingum
veturinn 1937-1938, og jafnvel
næsta vetur einnig, en þegar kom
að stríðinu og hersetunni bresku,
sem einnig var á Selfossi, féll öll
leikfimi niður að sinni. Einn
veturinn voru æfðir hnefaleikar í
Tryggvaskála, það voru danirnir í
mjólkurbúinu, sem kenndu þá. Þó nokkur
pör af hönskum voru keypt fyrir
ungmennafélagið, hvað sem síðar varð af
þeim.
Á aðalfundi Ungmennafélagsins "Tíbrár"
þann 26. janúar 1937 var samþykkt að
breyta nafni félagsins í Ungmennafélag
Selfoss. "Ymsum þótti, að félagið stæði ekki
nógu föstum fótum með því að vera í
einhverjum hillingum, þegar það loks
uppgötvaðist hvað orðið þýddi", segir
Grímur Thorarensen, en Bjarni á Fossi
hefur einfaldari skýringu: "Mönnum fannst
loft í nafninu og þótti það ekki nógu þjált."
Sigurður Árnason kom með tillögu um að
félagið héti Tryggvi í höfuðið á Tryggva
Gunnarssyni, er byggði Ölfusárbrúna.
Tillaga Björns Blöndal um nafnið Umf.
Selfoss var þó samþykkt með yfirgnæfandi
meirihluta, 17 atkvæðum gegn tveimur.
Fyrsti aðalfundur Ungmennafélags Selfoss
var haldinn 26. janúar 1937, og var Björn
Blöndal kosin formaður. Sigurður Árnason
var einnig kjörinn í stjórn og sat hann í
stjórninni út þann vetur. Var hann í mörgu
liðtækur fyrstu ár félagsins, einkum þó í
knattspyrnunni. I endurminningum sínum
segir hann "Þegar ég kom á Selfoss fór ég
brátt að sparka með þeim. Það voru víst
þeir dönsku í M.B.F., sem byrjuðu. Þeir
æfðu hjá bankanum, og allir smástrákar á
staðnum komu þarna að. Aðalmaðurinn í
liðinu var Guðmundur Jóhannsson. Fyrsta
keppnin var háð við starfsmenn Mjólkur-
stöðvarinnar í Reykjavík. Svo var keppt á
móti Stokkseyringum. Knattspyrnan varð
sjálfkrafa viðfangsefni félagsmanna, þótt
ekki sé það opinberlega fært í bækur og eru
danimir taldir upphafsmenn hennar. Þátt-
taka í knattspyrnunni var almenn meðal
þeirra sem tóku þátt í leikfiminni hjá Guð-
mundi Jóhannssyni og um vorið eftir að
inniæfingar hættu, fór hann með liðið aust-
ur á Bankaflatir og lét þau hlaupa í kapp,
stökkva og slíkt." í gegnum það að dönsku
strákarnir úr mjókurbúinu voru margir
góðir knattspynumenn, átti Umf. Selfoss
þéttingsgott lið í nokkur ár og góðum lið-
um hjá fyrirtækjum í Reykjavík þótti gam-
an að fá Selfyssinga suður að keppa við.
Sundhallarmálið fékk verulegan framgang
á félagsfundi 7. nóvember 1937 og kosin
var sundhallarnefnd, í hana völdust þeir
Guðmundur Jóhannsson, Grímur Thorar-
ensen og Sigurður Eyjólfsson, skólastjóri
og á aðalfundi þann 9. janúar 1938 var
nefndin þegar búin að panta uppdrátt að
væntanlegri sundlaug. Annað mál kom
upp á þeim aðalfundi er Björn Þorsteinsson
fékk samþykkta tillögu um að Ungmenna-
félagið fari þess á leit við stjórn Vatnsveit-
unnar á Selfossi að það fái vatn úr vatnsæð
þorpsins þann tíma sólarhringsins, sem
það er minnst notað, og koma upp skauta-
svelli fyrir félagsmenn. Skautalist hafði þá
verið iðkuð á Selfossi í nokkur ár. Skauta-
svellið komst í gagnið, það fékkst sprautað
á Sigtúna-túnið á hentugum tíma og þar að
auki notuðu menn áveiturnar framan við
þorpið og iðkuðu þar töluvert skauta-
hlaup.
Þá beitti félagið sér fyrir námskeiði í "hjálp
í viðlögum", árið 1939, og var það nám-
skeið haldið í Tryggvaskála og stóð ein 3
kvöld.
Heimild:
Úrdráttur úr bókinni "Ungmennafélag
Selfoss 40 ára." eftir Pál Lýðsson.
T'BRA
Fálagsheimili Umf. Self
-L
Kristín Gísladótti
kvæmdastjóri U
ir fram-
Selfoss
mf