Skinfaxi - 01.12.2001, Blaðsíða 23
handkna 111eisma ður
Þórir Ölafsson
Þórir Ólafsson handboltakappi er 22 ára og hefur
búið alla sína tíð á Selfossi. Hann er að leika sitt
fyrsta ár í efstu deild en Selfoss hefur ekki gengið
nógu vel það sem af er leiktíðinni. Hann á þó von
að liðið muni leika betur eftir áramót. Hann segist
sjálfur eiga meira inni, en nú er liðið ár síðan hann
var valinn í íslenska landsliðið. Valdimar Kristó-
fersson setti á sig klístur og ræddi við Þóri um
handboltann á Selfossi og íslenska landsliðið.
Það skiptir okkur gríðalega
miklu máli að það mæti
sem flestir á völlinn
íslandsmótið í handbolta er rúmlega hálfnað og þið
eruð í neðri helming deildarinnar. Sáttir við ykkar
stöðu fram til þessa?
„Það hefur gengið svona upp og ofan hjá okkur við
erum núna í 10 sæti. Við vildum auðvitað vera ofar en
deildin er býsna jöfn núna. En við erum bjartsýnir og
ætlum okkur að gera betur eftir jól."
Meðalaldur liðsins 22 ár
Hvað hefur farið útskeiðis?
„Það hefur svo sem ekkert sérstakt farið úrskeiðis, við
erum með reynslulítið lið og ég held að meðal
aldurinn sé um 22 ár. Við höfum skorað nóg af
mörkum en vörnin hefur stundum verið að kikka og
þegar að vörnin er léleg klikkar markvarslan oft
með."
Hvert var markmiðið ykkar í upphafi tímabilsins?
„Okkur var spáð 8 sæti sem við áttum ekki von á.
Fyrst og fremst ætluðum við að stimpla okkur inn í
deildina."
Þið sigruðu 2. deild í fyrra nokkuð sannfærandi, en
er mikill munur á að leika í 1. og 2. deild og í hverju
felst hann?
„Það er mikill munur á deildum sérstaklega því að
deildin hefur aldrei verið jafnari en í ár. Munur á
markvörðum og varnarleik er það sem ég sé helst. í
dag er lykill að velgengni í handbolta vörn og
markvarsla."
Nú er búið að leggja niður 2. deild og aðeins leikið
í einni deild. Hvað finnst þér um þróun handbolt-
ans á Islandi?
„Þróun handboltans er mjög slæm þessa stundina
miðað við fótbolta, körfubolta og aðrar greinar. Það
eru bara 14 lið á landinu eins og er í handboltanum og
það er því miður ekki nógu gott. Ég vona að bæjar-
félögin á landinu taki sig á og sýni handboltanum
meiri áhuga og skilning því þau gætu hjálpað til að
snúa þessari þróun við."
Hver er skýringin á slæmri stöðu handboltans í dag
og hvað þarf að gera til að lyfta honum á ný á hærri
stall?
„Ég veit nú ekki alveg hver skýringin er, en krakkar í
dag hafa um svo margt að velja í íþróttum og kannski
er handboltanum ekki sýndur nógu mikill áhugi. Af
boltagreinum sem stundaðar eru á íslandi hefur
handboltinn náð bestum árangri og verið meðal bestu
þjóða í heimi í þeirri grein. Ég held samt að áhuginn
Ég vona að
bæjarfélögin á
landinu taki sig
á og sýni
handboltanum
meiri áhuga og
skilning því
þau gætu
hjálpað til að
snúa þessari
þróun við.