Skinfaxi - 01.05.2002, Qupperneq 32

Öflugt starf í Þrastaskógi
- Einar Kristján Jónsson formaður Þrastaskógarnefndar
Einar Kristján er fæddur og uppalinn á
Saurbæ á Hvalfjarðarströnd, foreldrar hans
eru séra Jón Eyjólfur Einarsson prófastur
Borgarfjarðarprófaststdæmis sem lést
1995 og Hugrún Valný Guðjónsdóttir starfs-
maður hjá Reykjavíkurborg. Einar er í
sambúð með Liselottu Elísabetu Péturs-
dóttur. Einar er menntaður bifvélavirki og
hefur starfað sem bifreiðastjóri ráðherra hjá
Stjórnarráði íslands frá 1995. Einar hefur
verið viðloðandi ungmennafélagshreyfing-
una frá unga aldri og var meðal annars
formaður Ungmennafélagsins Vísis í Hval-
firði um fimm ára skeið. Eins sat Einar í
stjórn Ungmennasambands Borgarfjarðar
frá 1991-1996. Þá hefur Einar setið í ýms-
um stjórnum og nefndum á vegum Ung-
mennafélags íslands, ÍSÍ, FRÍ, Glímusam-
bandsins ofl.
Töluvert starf í skóginum
En um þessar mundir er Einar formaður
Þrastaskógarnefndar og hefur verið það frá
1999. Blaðamanni lá forvitni á að vita meira
um starf Þrastaskógarnefndarinnar. „Það
var ákveðið á fundi stjórnar UMFÍ í nóvem-
ber 1999 að fela Ungmennafélaginu Vest-
urhlíð starf Þrastaskógarnefndar og ég
kem inn í þetta embætti fyrir ungmennafél-
agið. En allt frá stofnun Ungmennafélags-
ins Vesturhlíðar 1987 hafa félagsmenn
þess haft veg og vanda af því að fara í
margar vinnuferðir austur í Þrastaskóg. Ég
hef verið formaður Vesturhlíðar frá 1997.
Við vorum skipaðir á sínum tíma fjórir frá
Vesturhlíð í Þrastaskógarnefndina, en
ásamt mér eru í dag í nefndinni þeir Eðvarð
Hallgrímsson, Óskar Magnússon og Hörð-
ur S. Óskarsson. Með okkur í nefndinni
situr síðan Svanur Geirsson sem fulltrúi
UMFÍ,“ sagði Einar og fór yfir hvaða hlut-
verk nefndin hefur. „Aðal starf Þrastaskóg-
arnefndar er að sjá um rekstur á skóginum.
Töluvert starf er í skóginum og má þar
nefna söluskálann Þrastarlund sem leigður
er út til rekstraraðila og stangveiði í Soginu
sem einnig er leigð út til rekstaraðila. Á
móti fáum við rekstarfé til að fara í fram-
kvæmdir í skóginum," sagði Einar. En
framkvæmir í Þrastaskógi hafa verið miklar
síðustu ár, má þar nefna bílastæði fyrir
húsbíla og fellihýsi, lagning vegar og gras-
flatar ásamt venjulegu viðhaldi hverju sinni.
Aöstaöan góð
í sumar eru starfandi tveir skógarverðir í
Þrastaskógi. „Skógarverðirnir hafa séð um
að halda utan um svæðið, grisja og merkja
gönguleiðir um skóginn. Þá hafa þeir
plantað trjám í skóginum ásmt því að rukka
inn tjaldleigu," sagði Einar. Góð aðsókn
hefur verið í tjaldleigu í skóginum síðast-
liðin ár. Vinsælt hefur verið hjá starfsfólki
vinnustaða að koma við í skóginum í dags-
ferðir, grilla og eiga saman góðan dag. „Við
erum með þrjú stór grill sem við lánum út
fyrir hópa og þá höfum við verið að bæta
við bekkjum og borðum í skóginum. Eins
gaf Ungmennafélagið Vesturhlíð út göngu-
leiðabækling í samvinnu við Búnaðar-
bankann í fyrra þar sem gönguleiðir Þrasta-
skógar eru vel kynntar," sagði Einar.
Sterkir bakhjarlar og höfðingleg gjöf
Þrastaskógamefnd á góða bakhjarla og
hefur Búnaðarbankinn og Pokasjóður stutt
rækilega við bakið á henni ásamt Lands-
virkjun. „Við höfum verið þess heiðurs að-
Einar Kristján Jónsson er
formaður Þrastaskógarnefndar
og hefur hann í mörgu að
snúast enda nóg um að vera í
Þrastaskógi. Mikið og gott starf
hefur verið unnið í skóginum
allt frá því Ungmennafélag
íslands fékk skóginn að gjöf
fyrir rétt rúmum 90 árum.
Skapti Örn Ólafsson sló á
þráðinn til Einars og spjallaði
við hann um starfið í skóginum.
njótandi að hafa átt gott samstarf bæði við
Búnaðarbankann, sem styrkti okkur um
eina og hálfa milljón á sínum tíma og nú í
ár styrkir Pokasjóður skógin um eina
milljón. Þá hefur Landsvirkjun stutt okkur
með verkefni sem hún er með sem heitir
Margar hendur vinna létt verk, og hafa
starfsmenn frá Sogsvirkjun komið og unnið
í skóginum," sagði Einar og var þakklátur
fyrir þá miklu aðstoð sem Þrastaskógur
hefur fengið í gegnum tíðina.
Nóg er um að vera hvað framkvæmdir
varðar í skóginum á næstunni. „Við þyrftum
að koma á varanlegu vatni sem myndi
duga helst allt árið og eins rafmagni inn að
tjaldstæðunum. En þetta er eitthvað sem er
á stefnuskránni hjá okkur,“ sagði Einar.
Þegar blaðamaður spurði Einar að því
hvort fyrirhugað væri að selja sumarbú-
staðalóðir í landi Þrastaskógar sagði hann
svo ekki vera þrátt fyrri að eflaust væri
hægt að fá gott verð fyrir lóðirnar. „Það er
ekki á dagskrá hjá okkur að selja sumar-
bústaðalóðir því landið hefur lengi verið í
eigu UMFÍ og meðan ég fæ einhverju ráðið
þá verður svo áfram," sagði Einar.
Ungmennafélag íslands eignaðist Þrasta-
skóg, sem er 42 hektarar að stærð, árið
1911. Tryggvi Gunnarsson bankastjóri gaf
UMFÍ skóginn og árið 1913 fékk skógurinn
nafnið Þrastaskógur. Þrastaskógur nær frá
Sogsbrú og upp að Álftavatni. í landi
Þrastaskógar eru húseignir ekki margar. Á
landinu er söluskálinn Þrastarlundur ásamt
bensínstöð hjá Esso, lítill vegavinnuskúr
sem hýsir skógarverðina og geymsluskúr
fyrir tól og tæki.
j