Sjómannablaðið Víkingur - 01.07.1949, Síða 8

3. Þá má benda á baráttu sjómanna fyrir
aukningu og eflingu Fiskveiðasjóðs, stuðning við
Fiskimálanefnd, við Fiskiðjuverið, svo og ver-
búðirnar, kælihús, tillögur um beituforðabúr o.
fl. í því sambandi.
U. Eins og áður getur, hófu samtökin lang-
varandi áfóður fyrir aukinni menntun sjómanna
og bættum námsskilyrðum með nýjustu áhöld-
um.
5. Strax og leið á veturinn 1940—41, fór
að bera á tundurduflareki við landið, einkum
eftir áramótin 1941, en náði þó hámarki síðar.
Árið 1941 tilkynntu Bretar að lagt hefði verið
duflabeltum við Austur- og Vesturland. Fór þá
mikið að bera á rekduflum, eftir verstu vetrar-
veðrin í marz og apríl. Þá komu og árásirnar
á íslenzku fiskiskipin. Varð nokkur stöðvun á
siglingum vegna árásanna. Var það aðeins
skamma stund, á meðan athugað var, hvað helzt
mætti gera til öryggis sjófarendum. Heyrðust
þá raddir um það, að íslenzkir sjómenn þyrðu
ekki að sigla, og útgerðarmenn ekki að hætta
skipum sínum. Voru þessar árásir á sjómenn
og útvegsmenn mjög óverðskuldaðar. Hins veg-
ar var alveg sjálfsagt, að leita ráða til að draga
úr hættunni. Um þessi mál var hin ákjósan-
legasta samvinna með öllum sjómönnum og
samtökum þeirra, útvegsmönnum og ríkisstjórn.
Var þá horfið að samfloti skipa, við fisk- og
vöruflutninga, þar sem því var við komið, og
gerðar aðrar þær ráðstafanir, er tiltækilegar
þóttu, til þess að auka á öryggið um borð í skip-
unum. Dagana 10.—13. júní 1941 var 5. þing
F.F.S.f. háð í Reykjavík. f sambandi við áður-
greint mál voru á þinginu meðal annars sam-
þykktar eftirfarandi tillögur:
,,5. þing F.F.S.Í. lýsir því yfir sem skoðun
sinni, að það sé lífsnauðsyn fyrir þjóðina, að
siglingar haldizt, til landsins og frá. Hins vegar
telur þingið eigi hægt að liggja mönnum á hálsi
fyrir það, þótt þeir vilja láta gera allar þær
ráðstafanir, sem unnt er og viturlegar teljast,
til þess að vernda mannslífin á sjónum. Mót-
mælir þingið því harðlega þeim aðdróttunum,
er komið hafa fram í garð sjómanna um það,
að þeir þyrðu eigi að sigla. Jafnframt skorar
þingið á ríkisstjórn landsins að láta athuga alla
möguleika, er verða megi til öryggis við sigl-
ingarnar í framtíðinni. Og er fengizt hefur sú
lausn um útbúnað, er öll stéttarfélög sjómanna
geta fellt sig við, verði gefin út reglugerð í sam-
ræmi við þær samþykktir, og eigi frá þeim vikið
nema til hins betra.
Þingið samþykkir að kjósa þriggja manna
nefnd, er vinni að því, í samráði við sambands-
stjórnina, að framfylgt verði í öllum atriðum
öryggissamningum þeim, er gerðir hafa verið
af stéttarfélögum sjómanna, vegna siglinga ís-
lenzkra skipa á stríðshættusvæðinu. Nefndin
kynni sér jafnframt allar nýjungar, er fram
koma, með tilliti til öryggisráðstafana, sem gerð-
ar kunna að verða á erlendum skipum, er sigl-
ingar annast um ófriðarsvæðin, og beiti sér
fyrir því, að þeim verði einnig komið á í íslenzk-
um skipum, eftir því sem við verður komið“.
„5. þing F.F.S.I. beinir þeirri áskorun til
ríkisstjórnarinnar, að hún hafi varðskipið Þór
fyrir Norðurlandi í sumar, til að líta eftir og
granda tundurduflum, er þar kunna að vera á
reki, þar sem vitað er, að þau tundurdufl, er
slitna upp fyrir Vestfjörðum, rekur austur með
Norðurlandi, og geta valdið aukinni hættu fyrir
skip, vegna væntanlegra síldveiða.
Stjórn sambandsins hlutist til um að til-
kynningar um tundurdufl á reki umhverfis
landið séu lesnar upp tvívegis hvert sinn og í
síðara skiptið með skriftarhraða, og í öðru lagi
hlutist stjórnin til um það, að komið verði á
betra skipulagi um tilkynningar, þannig, að
lesnar verði upp í ríkisútvarpinu allar tilkynn-
ingar um tundurdufl, sem berast utan af sjó“.
Rétt er að taka upp þessar samþykktir frá
5. þingi F.F.S.Í. til staðfestingar á því, að sam-
bandið var á verði um þessi og hliðstæð mál.
6. Eins og að líkum lætur, hefur sambandið
haft með höndum og veitt aðstoð við samninga-
gerðir og kaupgreiðslur fyrir og til sambands-
félaga þar, sem þess hefur verið óskað og það
bundið með lögum eða samþykktum. Ennfremur
fyrirgreiðslur um erlendan gjaldeyri o. fl. Út-
vegun skiprúms og milliliðastörf um útvegun
yfirmanna á skip o. fl.
7. Þá hefur sambandið ávallt síðan það var
var stofnað, látið hafnargerðir og hafnarbætur
víðsvegar um landið mjög til sín taka, að vísu
eigi ávallt með tilætluðum árangri.
8. Einnig má geta um áeggjanir sambands-
ins í sambandi við stækkanir og aukningar S. R-
og hina þrálátu baráttu um breytt fyrirkomu-
lag á stjórn þeirra, í samræmi við óskir síld-
veiðimanna.__________________________
9. Margþætt afskipti af öryggismálum al-
mennt að því er snertir sjómenn.
10. Ákveðin barátta fyrir bættu vitakerfi,
siglingatækjum, legumerkjum, radíóvitum, mið-
unarstöðvum og nýjustu tækjum í skip til ör-
yggis.
11. Þá má og nefna afskipti af veðurfregna-
kerfinu, athuganastöðvum, lestri fregnanna og
tilkynningum um hættur á sjó af hverju tagi,
sem vera kynni. Hefur þetta verið gert í hinni
beztu samvinnu við Veðurstofuna.
14B
VÍKINGUR
Á