Sjómannablaðið Víkingur - 01.08.1954, Blaðsíða 14

tfliHHiHffarcrl:
Þorbergur Steinsson, hreppstjóri
Þorbergur Steinsson hreppstjóri er fæddur í
Hvammi í Dýrafirði 27. desember 1878. Hann
var kominn af arnfirzkum og dýrfirzkum
bænda- og sjómannaættum í aldir fram. For-
eldrar hans voru Steinn Kristjánsson bóndi í
Hvammi og kona hans
Jóhanna Nathanaels-
dóttir bónda í Meðaldal
Narfasonar.
Kristján, faðirSteins,
var Jónsson Sumarliða-
sonar hreppstjóra á
Sveinseyri í Þingeyrar-
hreppi. Kona Jóns, en
móðir Kristjáns, var Guð
rún Ólafsdóttir bónda
Bjarnasonar í Hauka-
dal. Systkini Guðrúnar
voru mörg. Meðal ann-
arra Jón Ólafsson bóndi
í Yztabæ í Haukadal.
Hann og Þorbergurvoru
því skyldir að þriðja og fjórða ættlið.
Þorbergur ólzt upp í Hvammi og vandist allri
vinnu til sjávar og sveita; einkum hneigðist
hugur hans snemma til sjómennsku. Ferming-
arárið réðist hann á fiskiskútu, Önnu Sophíu,
frá ísafirði. Eftir það var hann á ýmsum fiski-
skútum, unz hann gekk á stýrimannaskólann í
Reykjavík 1898 og útskrifaðist þaðan aldamóta,-
árið 1900. Eftir það var hann skipstjórnarmað-
ur, ýmist stýrimaður eða skipstjóri, til ársins
1916, en þá hætti hann allri sjómennsku.
Á skipstjórnarárum sínum var hann lengst af
á útgerð Tangsverzlunar á ísafirði, og þá allt-
af með sama skipið, Arthúr & Fanny. I betra
meðallagi var hann að aflasæld og aldrei hlekkt-
ist honum á. Var meira gert upp úr þeirri far-
sæld þá en nú er. Sérstaklega völdust til hans
góðir fiskimenn, svo eftirtekt vakti, hve skipið
Arthúr & Fanny var ávallt vel mennt. Roskinn
maður, sem þar hafði verið háseti, var nýlega
spurður að því, hvernig á því hefði staðið, að
Þorbergur hefði valið úr mönnum. Svar hans
var á þessa leið : ,,Það gerðu áreiðanlegheit han.;,
karl minn“. I hverju komu þau helzt fram?
„Það, sem hann lofaði, það stóð alveg eins og
stafur á bók, karl minn“. Það var svo um marga
þessa gömlu skipstjóra, svo að eitthvað fleira
hlýtur að hafa komið til. ,,Já, hann hafði aura-
ráð og miðlaði hásetum sínum, þegar þeir þurftu
mest með“. Hvernig stóð á því? ,,Ja, það var
lóðið, lagsmaður. Hann lét útgerðina borga
mönnunum út hýruna í peningum, en ekki út-
tekt í uppskrúfuðu vöruverði. Sérðu, — það var
óþekkt fyrirbrigði þá-----“.
Árið 1903 kvæntist Þorbergur ágætri konu
sinni Jónínu Benjamínsdóttur, skipstjóra frá
Múla í Þingeyrarhreppi, Bjarnasonar. Þeim
varð níu barna auðið, en nú eru aðeins fimm
þeirra á lífi. Jónínu missti hann 24. sept. 1941.
Eftir að Þorbergur lét af sjómennsku hlóðust
á hann margvísleg störf. Hann varð verkstjóri
við fiskverkunarstöð Útgerðarfélagsins á Þing-
eyri frá 1916 og til þess að félag það hætti
störfum. Samtímis var hann bóndi í Hvammi.
Árið 1922 var hann í fyrsta sinn kosinn í
sveitarstjórn og átti þar sæti samfleytt til árs-
ins 1938. Helming þess tímabils, eða í átta ár,
var hann hreppsnefndaroddviti. I skattanefnd
var hann kjörinn 1932 og gegndi þar störfum
til æviloka. Hreppstjóri var hann settur 1943
og skipaður ári eftir. Því starfi gegndi hann til
dauðadags. Einn af elztu ábyrgðarmönnum
Sparisjóðs Þingeyrarhrepps í mörg ár og sýslu-
nefndarkjörinn endurskoðandi sjóðsins um
langt árabil.
Þorbergur Steinsson var starfsmaður góður,
og vannst vel, iðinn, árvakur og skyldurækinn,
óhvikull í trúnaði sínum við ábyrgðarstörf, svo
að fágætt má telja. Mun það lengst halda minn-
ingu hans á lofti. Enginn véfengdi trúnað hans.
Fyrir því var honum margt falið. Hann var
maður dulur í skapi og fáskiptinn. Hrjúfur gat
hann verið í tilsvörum og fámáll; fékk orð fyrir
að binda bagga sína ekki sömu hnútum og aðrir
samferðamenn. í sorgum og mótlæti gerði hann
kröfu til að eiga sig sjálfan: „Því fjær, sem
VÍKINQU R
17B