Sjómannablaðið Víkingur - 01.08.1954, Blaðsíða 19

KTINNI
far ai —
t ________________________
Samkvæmt skýrslu heilbrigðisstjórnarinnar í Ind-
landi, hefur meðalaldur Indverja hækkað um 10 ár
síðan 1931.
* * *
Rannsókn hefur leitt í ljós, að starfsaldur hinna fögru
flugfreyja, sem í fyrstu var aðeins 18 mánuðir, því þá
giftust þær, er nú orðinn 29 mánuðir að meðaltali.
* * *
Sjóoturinn er gríðarstórt selakyn, sem stundum nær
5 metra lengd. Hann er orðlagður fyrir hátt og sárs-
aukafullt öskur, auk þess, sem hann virðist ætíð sorg-
mæddur á svipinn. Nýlega tóku vísindamenn að rann-
saka, hvort hann hefði nú nokkra ástæðu til að vera
svona niðurdreginn og komust reyndar að þeirri niður-
stöðu, að svo var í hæsta máta. Rannsóknin leiddi nefni-
lega í ljós, að sjóoturinn, jafnt kven- sem karldýr,
þjáist af krónisku magasári, en eins og allir vita, er
sá sjúkdómur ekki til að bæta skapið.
* * *
Westminster Abbey, hin fræga kirkja í London, þar
sem brezka drottningin var krýnd í fyrra, er á hraðri
og öruggri leið að falli, eftir því sem brezkt blað upp-
lýsti fyrir nokkru. Regn, þoka, frost og ekki sízt hinn
eitraði reykur frá bílunum, hefur haft þau áhrif á
múrana, að á mörgum stöðum getur maður - krafsað
steinana og sandinn í burtu með höndunum einum.
Stoðirnar eru orðnar svo lélegar, að þær standa vart
undir sínum eigin þunga og aðeins lélegt trégrindverk
varnar því, að loftskreytingin falli niður í kirkjuna.
Þessar upplýsingar blaðsins hafa skelft brezkan al-
menning, sem hugsa til þess, hvað skeð hefði getað, er
hinar sterku hljóðsveiflur frá orgelinu fylltu kirkjuna
við krýninguna.
* * *
Amerískur frambjóðandi við fylkiskosningarnar síð-
astliðið vor, hefur nú geert upp reikninginn frá kosn-
ingabaráttunni:
— Ég tapaði 1.360 klukkustunda svefni, missti tvær
framtennur og talsvert af hárum í handalögmáli við
andstæðingana. Ég neyddist til að kyssa 150 pelabörn,
tók þátt í að slökkva 25 eldsvoða og bar við þau tæki-
færi 75 vatnsfötur. Ég heilsaði 9000 sinnum með handa-
bandi og sagði vísvitandi ósatt ca. 500 sinnum. En ræð-
ur mínar hefðu getað fyllt 10.000 bindi. Ég hringdi
2000 dyrabjöllum og var 39 sinnum bitinn af óðum
hundum, og að síðustu — tapaði ég kosningunni.
* * *
Á stjórnmálafundi í London fyrir nokkru, hvíslaði
erlendur stjórnmálamaður að manni við hlið sér:
— Finnst þér ekki Churchill vera orðinn hræðilega
gamall? Stundum sofnar hann á fundum og er orðinn
vita minnislaus.
Þá kallaði Churchill gamli, sem sat um 10 metra frá
þeim:
— Já, en verst er þó, hvað hann heyrir illa.
* * *
Fyrir 9 árum samdi portúgalinn Raul Ferrao ástaróð
til konu sinnar í tilefni af silfurbrúðkaupi þeirra hjóna.
Lagið var gefið út, en vakti enga athygli og gleymdist
fljótt alveg, þar til spænskt músikútgáfufélag lét gefa
það út á ný 1952, og brátt varð lagið hans Ferrao,
„April i Portugal", á hvers manns vörum. En skáldið
sjálft hafði litla ánægju af frægðinni, því einmitt um
þetta leyti lézt konan hans, en sjálfur lagðist hann í
sinnuleysi af sorg og söknuði. Fyrir nokkru reyndi
amerískt útgáfufyrirtæki, er þóttist skulda Ferrao stór-
fé vegna útgáfu á lagi hans, að komast í samband við
hann, en fékk þá þessa orðsendingu frá einum vina
hans:
— Raul dó af sorg í fyrra —- í apríl í Portúgal.
* * *
Maria — ein hinna heimsfi'ægu Dionne fimmbura,
er nú orðin svo slæm á taugum, vegna ágengni frétta-
ogj myndatökumanna, að hún ákvað að ganga í klaust-
ur til þess að fá frið og sálarró. Hún er nú að ljúka
reynslutímanum og er búizt við, að hún vinni klaustur-
eiðinn í september í haust. Klaustursregla þessi er ein
af þeim ströngustu og heitir: „Systur hins heilaga
sakramentis" í Quebec, Kanada.
* * *
Franskur tannlæknir kom eitt sinn að konu sinni í
rúminu með öðrum manni. Tannlæknirinn tók elskhug-
ann, batt hann við einn af hinum háu og sterku rúm-
stuðlum, tók fram verkfæri sín og dró allar hinar
fallegu tennur hans út. Málið fór fyrir dómstólana og
féll dómur þannig, að tannlæknii'inn var sýknaður af
ofbeldisákæru, en gert að greiða fyrir falskar tennur.
* * *
Utanríkismálaráðherra Júgóslavíu, Edward Kardelj,
snæddi eitt sinn miðdagsverð á fínu veitingahúsi í
Belgrad og varð svo hrifinn af hinum góða mat, að
hann fyrirskipaði að yfirmatreiðslustúlkan skyldi mat-
reiða á heimili hans. Nokkru seinna borðaði einvalds-
herrann Tito hjá honum og fyrirskipaði samstundis, að
stúlkan skyldi matreiða á sínu heimili. Nú má aum-
ingja Edward aftur snæða á matsöluhúsum.
* * *
Einræðisherrann Peron í Argentínu fyrirskipaði fyr-
ir nokkru „fiskviku", þannig að þá viku skyldu lands-
menn eingöngu snæða dýr sjávarins. Þetta kom ekki til
af góðu í þessu mikla kjötlandi. Ástæðan voru mistök
í einni stjórnarskrifstofunni, sem orsakaði að landið
var kjötlaust um tíma.
* * *
Bílasmiðurinn: — Kallið þið þetta vinnuhraða? Ég
ætla bara að láta ykkur vita, að þegar við byrjum að
byggja bíl kl. 12, á fyrsti slasaði maðurinn, sem bíln-
um hefur verið ekið á, að liggja á spítala kl. 12,30.
❖ * *
Einkennilegt má það teljast, að mannsnef skuli geta
orðið rautt af hreinu og tæru brennivíni.
VIKINGUR
103