Sjómannablaðið Víkingur - 01.01.1974, Síða 5

átt hefir sér stað áður á jafn
skömmum tíma. Þetta er gleði-
efni, því aðeins getum við verið
samkeppnisfærir við aðrar fisk-
veiðiþjóðir að við höfum ávallt
nýjustu gerðir skipa búnum full-
komnustu tækjum til þess að
stunda veiðarnar með.
Nútíma fiskveiðar eru tækni-
lega háþróaður atvinnuvegur,
sem krefst fullkomins tækjabún-
aðar og kunnáttu og þjálfunar
þeirra manna, sem stjórna þeim.
Þess vegna beitti F.F.S.Í. sér
fyrir því að haldin yrðu nám-
skeið við Stýrimannaskólann og
Vélskólann þar sem eldri nem-
endum væri kennd meðferð og
stjórnun þessara tækja. Á þessu
ári hefir verið haldið eitt nám-
skeið við Stýrimannaskólann og
tvö námskeið við Vélskólann. Að-
sókn að námskeiðunum við Vél-
skólann hefir verið meiri en hægt
hefir verið að taka á móti.
Undanþágur frá tilskildum at-
vinnuréttindum skipstj órnar-
manna og vélstjóra hafa verið
mikið ræddar að undanförnu.
Þetta er gamall draugur, sem
virðist magnast með hverju ár-
inu sem líður. Virðingarleysi
þeirra manna, sem mestu ráða í
þessum málum, fyrir störfum
þeirra sem stöðurnar skipa ræð-
ur þar mestu.
Þess eru mörg dæmi að undan-
þágur hafa verið veittar án nokk-
urrar athugunar í því hvort rétt-
indamenn væru fáanlegir í stöð-
urnar. Vitað er um mörg slys og
óhöpp, sem rekja má til kunn-
áttu- og reynsluleysis þessara
undanþágumanna.
Heyrzt hefir að námskröfur
séu of miklar, við sjómannaskól-
ana og því beri að stytta námið
að mun, svo auðveldara verði að
fá menn með réttindum í stöð-
urnar.
Það er furðulegt að útvegs-
menn, mennirnir sem eiga hvað
mest undir því að allur rekstur-
inn gangi snurðulaust, skuli að-
hyllast þessa kenningu.
Eg hefi heyrt menn segja að
þeim komi ekki til hugar að fara
í skóla til þess að verða stýri-
VlKINGUR
menn eða vélstjórar á mótorbát-
um, það sé svo auðvelt að fá und-
anþágur og það blað kosti ekki
nema nokkrar krónur.
Félagsmálaráðuneytið hefir
skipað nefnd til þess að gera til-
lögur um lausn þessa máls. Ekki
verður sagt að gætt hafi mikillar
víðsýni um val manna í nefnd-
ina, þar sem ekki var talin þörf
á því að skólastjóri Vélskólans
ætti sæti í henni. Hvað var þó
eðlilegra þar sem nefndin á að
fjalla um menntunarmál og at-
vinnuréttindi vélstjóra meðal
annars?
Óvenju góð loðnuveiði og síld-
veiði í Norðursjó samfara háu
verðlagi sjávarafurða hafa veitt
áhöfnum þeii-ra skipa, sem bezt
hafa veitt sérlega góðar tekjur á
árinu sem er að líða. Nú vaknar
spurningin, hvort sagan frá fyrri
árum muni verða endurtekin,
það er hvort launastéttir í landi
miði launakröfur sínar við tíma-
bils tekjur þessara manna.
Við skulum minnast þess að
sjávarafli er stopull og enginn
vill gefa eftir af launum sínum
þessum mönnum til handa, ef
afli bregst eða verðlag fellur.
Það eru þó sígild sannindi að
störf fiskimanna og þau auðæfi,
sem þeir draga að landi halda
Guðmundur Pétursson, vélstjóri,
fráfarandi forseti FFSl.
Guðmundui' gaf ekki kost á sér til
endurkjörs.
uppi að langmestu leyti efna-
hagskerfi þjóðarinnar. Okkur
ríður því á að í raðir fiskimanna
sæki ávallt ungir og þróttmiklir
menn, en það verður því aðeins
að þeim verði veitt trygging fyrir
góðri lífsafkomu. Þetta er okkur
hollt að hafa í huga þegar lang-
flestar launastéttir í landinu eru
með lausa samninga og allir
keppast við að ná sem mestu í
sinn hlut.
Snar þáttur í útgerð er að allt
viðhald og viðgerðir fáist á sem
stytztum tíma fyrir hóflegt verð.
Þeir sem til þekkja spyrja hvað
verði um viðhald og flokkunarað-
gerðir á hinum nýju skipum, sem
nú eru að koma til landsins, þeg-
ar þeirra er þörf? Það er ekki
annað séð en að allar meiriháttar
aðgerðir á skipastólnum þurfi að
fara fram erlendis.
Viðgerðarverkstæðin hafa ekki
aðlagazt þeirri þróun sem nauð-
synleg er og átt hefir sér stað í
öðrum starfsgreinum. Þess
vegna eru verkstæðin nú lömuð
vegna skorts á starfsfólki. Hér á
Reykjavíkursvæðinu er aðstaða
öll til skipaviðgerða fyrir neðan
allar hellur. Það má benda á að
hér hafa ekki orðið neinar fram-
farir eða hagræðing í vinnu-
brögðum við landtöku skipa eða
bolviðgerðir á þeim í síðastliðin
34 ár. Það geta því allir gert
sér í hugarlund hvernig við
stöndum í samkeppni við aðrar
þjóðir á þessum vettvangi.
28. febrúar 1971 samþykkti
stjórn F.F.S.l. áskorun til Al-
þingis þess efnis að fiskveiðilög-
sagan yrði færð út í að minnsta
kosti 50 sjómílur allt í kring um
landið.
15. febrúar 1972 var gleðidag-
ur á Alþingi Islendinga, þá voru
allar stjórnmálaerjur lagðar til
hliðar og allir alþingismenn hvar
í flokki sem þeir stóðu, gerðu að
lögum 50 sjómílna fiskveiðilög-
sögu íslands. Ég ætla ekki að við-
hafa mörg orð um landhelgis-
málið að þessu sinni, það er öll-
um í það fersku minni. Þó verður
ekki skilið svo við þennan mála-
flokk að ekki verði færðar þakkir
5