Sjómannablaðið Víkingur - 01.03.1990, Blaðsíða 46
FISKVERÐ Fréttir af veiðihorfum og gæftum hafa
að mestu fallið í skuggann af deilum sem staðið
hafa um fiskverðsákvörðun. Sjómenn kröfðust
þess að inn í það lágmarksverð sem Verðlagsráð
sjávarútvegsins ákveður yrðu reiknaðar hækkan-
ir sem bættu þeim að verulegu leyti mismuninn á
verðlagsráðsverðinu og því verði sem fæst fyrir
fisk á mörkuðum innanlands og utan. Eftir heil-
mikið þóf var fallist á þetta sjónarmið að nokkru
leyti og komið á verðkerfi sem leiðir til hærra
verðs til þeirra skipa sem landa mestöllum sfnum
afla í heimabyggð á verðlagsráðsverði. í Ijósi þró-
unar verðlags á mörkuðunum, bæði hér heima og
erlendis, er þetta réttlætismál því markaðsverðið
hefur hækkað langt umfram almennt verðlag,
hvað þá almennt fiskverð hérlendis.
Einn liður í þessu samkomulagi um fiskverð var
að komið skyldi á fót aflamiðlun til þess að skipu-
leggja flutning á gámafiski og landanir íslenskra
fiskiskipa í erlendum höfnum. Er það gert til að
sporna gegn offramboði og meðfylgjandi verð-
hruni. Ekki hefur þó gengið þrautalaust að koma
þessari aflamiðlun á laggirnar. Ákvæðin um hana
töfðu fiskverðsákvörðun um nokkra daga meðan
allt sat fast í ríkisstjórninni. Þegar samkomulagið
var svo í höfn, að því er menn héldu, upphófst
önnur lota í deilunum um aflamiðlun og er henni
ekki lokið þegar þetta er skrifað. Að þessu sinni
virðist leikmanni deilan einna helst snúast um
það hvar nákvæmlega skuli hola niður þeim
starfsmanni sem á að annast aflamiðlunina og
tilheyrandi skrifborði, síma og tölvu. Vissulega
hefur þessi deila stundum tekið á sig grátbros-
lega mynd en að baki eru að sjálfsögðu miklir
hagsmunir jafnt sjómanna sem útgerðarmanna,
fiskverkenda og landverkafólks. Vonandi fær
þessi deila farsælan endi áður en langt um líður.
LOÐNA Loðnuveiðar hafa gengið vel það sem af
er árinu og á alþjóðlega kvennadaginn 8. mars
var íslenski flotinn búinn að veiða 600.000 tonn á
vertíðinni. Þá áttu skipin eftir 160.000 tonn af kvót-
anum og má búast við að veiðarnar standi eitt-
hvað fram eftir aprílmánuði. Meðalverðið sem
verksmiðjurnar hafa greitt fyrir bræðsluloðnu á
vertíðinni er um 3.700 krónur fyrir tonnið. Hefur
einungis 25.000 tonnum verið landaö erlendis frá
áramótum. Aflahæstu skipin eru komin með um
25.000 tonn. Verðmæti loðnunnar er nú metið á
tæpa fjóra milljarða króna en á eftir að aukast
áður en vertíð lýkur. Loðnan hefur verið feit og
góð og hrognataka og frysting gengið ágætlega.
Alls var búið að landa 10.400 tonnum til frystingar
og beitu í byrjun marsmánaðar.
ÞORSKUR Landanir á þorski f breskum höfnum í
febrúarmánuði voru í meðallagi en alls var landað
2.802 tonnum. Meðalverðið var geysihátt eða
1,27 sterlingspund fyrir kílóið sem útleggst á
129.34 íslenskar krónur. Heldur minna var landað
á íslensku mörkuðunum þremur eða 2.371 tonni.
Verðið var líka mjög gott eða 81,07 kr. fyrir kílóið.
Hæsta meðalverðið fékkst í Hafnarfirði, 83,40 kr.
fyrir kílóið, á Suðurnesjum fengust 82,10 kr., en
þar var langmestu landað, og á Faxamarkaði
77.34 kr.
ÝSA í febrúarmánuði var landað 1.343 tonnum af
ýsu í breskum höfnum. Sömu sögu var aö segja
af ýsunni og þorskinum, verðið sem fyrir hana
fékkst var geysihátt og gilti einu hvort mælt var í
pundum eða krónum. Meðalverðið var 1,38 pund
fyrir kflóið sem leggur sig á 140,65 íslenskar krón-
ur. Á íslensku mörkuðunum var landað 650 tonn-
um af ýsu og fékkst fyrir hana bærilegt verð þótt
það hafi áður komist hærra. Meðalverðið var
88,32 kr. fyrir kflóið, langhæst í Hafnarfirði, 96,89
kr., en rúmlega 85 kr. á hinum mörkuðunum
tveimur.
KARFI Mikið framboð var á karfa af íslandsmið-
um í þýskum höfnum í febrúarmánuði. Alls var
landað 2.451 tonni og fékkst fyrir það alveg viðun-
andi verð, 2,85 mörk að meðaltali sem munu vera
102,15 (sienskar krónur fyrir kílóið. Á íslensku
mörkuðunum þremur var landað 663,6 tonnum í
mánuðinum og verðið var mjög hátt, 42,06 kr.
fyrir kílóið að meðaltali. Til samanburðar má
nefna að það komst hæst í 37,30 kr. í fyrra. Hæsta
meðalverðið fékkst á Suðurnesjum, 46,77 kr., í
Hafnarfirði fengust 42,44 kr. að meðaltali fyrir
kílóið og á Faxamarkaði 40.13 kr.
UFSI í þýskum höfnum var landað 318 tonnum af
ufsa í febrúarmánuði og fékkst fyrir þau dágott
verð, 2,30 mörk eða 82,30 kr. að meðaltali fyrir
kílóið. Á íslensku mörkuðunum var landað 637,4
tonnum í mánuðinum og fékkst mjög hátt verð
fyrir ufsann, 48,34 kr. að meðaltali fyrir kílóið.
Hæsta meðalverðið fékkst á Faxamarkaði, 50,09
kr. fyrir kílóið, í Hafnarfirði fengust 48,74 kr. og á
Fiskmarkaði Suðurnesja fengust 42,39 kr. að
meðaltali fyrir ufsakílóið.
KOLI í febrúar var landað 330 tonnum af kola í
breskum höfnum og er sama að segja um þá
tegund og aðrar, verðið var geysihátt. Áð meða-
Itali fengust 1,54 pund fyrir kílóið en það gerir
156,98 íslenskar krónur. Sáralitlu var landað af
skarkola á íslensku mörkuðunum eða einungis
10,7 tonnum í mánuðinum og verðið sem fékkst
fyrir hann var að meðaltali 50,52 kr. fyrir kílóið.