Sjómannablaðið Víkingur - 01.06.1992, Blaðsíða 53

Hverfihettan (rotocap) er búnaður
sem kemur í stað hefðbundinnar
gormstéttar og veldur því að lokinn
snýst um nokkrar gráður í hvert
sinnsem hann opnar og jafnar þann-
ig varmaálagið á lokakeiluna. I’egar
hettan slitnar, hægir smám saman á
snúningi lokans og að lokum hættir
hann að snúast. Þegar svo er komið
líður oftast tiltölulega skammur tími
þar til lokinn ofliitnar að hluta og
brennur ef ekkert er að gert.
Ráðið sem notað hefur verið gegn
þessu hefur verið að skipta um
hverfihettur reglubundið og nægjan-
lega tímanlega áður en snúningur
lokans hefur stöðvast. Þessi þröngu
tímamörk á notkunartíma hverfihett-
anna gera það að verkum að oft eru
þær í fullkomnu lagi þegar skipt er
um hettur og þeim gömlu hent.
Stafar það aðallega af því að á
flestum dísilvélum er mjög erfitt um
vik að fylgjast með snúningi lokanna
þegar vélin er í gangi vegna þess að
þeir eru undir loki þar sem allt flýtur
í olíu.
Nú er komið á markað hér íslenskt
mælitæki sem Útgerðartækni hf.
hefur þróað og séð um smíði á og
ætlað eriil að mæla snúning lokanna.
Með mælitækinu er því hægt að sjá
hvort hverfihettan vinnur rétt þótt
dísilvélin vinni með fullum afköstum.
Það ætti því að vera minni hætta á
skemmdum á útblásturslokum og
færri tafir sem leiða af slíkum bilun-
um þar sem tæki þetta er notað
reglubundið lil að fylgjast með snún-
ingi lokanna.
Eins og vel má sjá á myndunum er
tækið einfalt og fyrirferðarlítið. En
það er líka auðvelt í notkun. Aðeins
þarf að koma fyrir 15 mm stálröra-
nipplum í ventlalokum vélarinnar
yfir hverfihettunum og má þá renna
nema mælitækisins niður að hverfi-
hettunni og lesa snúning lokans án
þess að fjarlægja ventlalokin.
Með notkun þessa mælitækis má
því fylgjast betur með lokunum í
vélinni og tryggja að ekki sé verið að
henda hverfihettum sem eru í full-
komnu lagi og að hverfihettur sem
ekki eru í lagi séu fjarlægðar. Mögu-
leikar á að fylgjast með snúningi
lokanna verða betri og mábúast við
lengri endingu þeirra jafnt sem
hverfihettanna og þannig minnka
kostnað við endurnýjun þessara
hluta. Tækið má líka nota hvort sem
vélin er búin hverfihettu sem komið
er fyrir ofan á lokagormi eða undir
honum.
Framleiddar hafa verið tvær gerðir
af tækinu, sú sem sýnd er á mynd-
inni og ætluð er til að færa á milli
loka til að kanna hvort þeir snúist
eðlilega. Þessi gerð er mjög einföld
og gefur snúning lokans til kynna
með því að ljós á henni blikkar við
hvern hring sem lokinn snýst. Má þá
telja hve ntarga hringi lokinn snýst á
rnínútu.
Helstu mál tækisins eru sýnd á
teikningunni en það vegur um 450
gr-
Hægt er líka að fá tækið þannig
útfært að nemi er fast staðsettur við
hvern loka sem fylgjast á með og ein
aflestrarstöð er fyrir alla nemana.
Stöðin kannar þá með reglulegu
millibili snúning allra lokanna og
gefur til kynna með viðvörun ef
snúningur einhvers þeirra fer niður
fyrir innstillt viðvörunarmörk.
Örn Marelsson hjá fyrirtækinu
Útgerðartækni hf., Hafnarhúsinu
Tryggvagötu, 101 Reykjavík veitir
allar nánari upplýsingar urn tækin.
♦
L
GSvarahlutir
^ Hamarshöffta 1
Hamarshöfða 1
Sími 676744, Fax:6737Ó3

53