Náttúrufræðingurinn

Árgangur

Náttúrufræðingurinn - 01.04.1960, Blaðsíða 21

Náttúrufræðingurinn - 01.04.1960, Blaðsíða 21
NATTURUFRÆÐINGURINN 21 Sturla Friðriksson: Flugusveppur - Berserkjasveppur — Reiðikúla Sumarið 1959 birtist frétt í dagblöðum landsins, þess efnis, að fundizt hefði flugusveppur, Amanita muscaria L., hjá Bjarkarlundi í Reykhólasveit, en finnandi hans var Jochum Eggertsson. Er þetta blaðsveppur nokkur, sem í fræðiritum er talinn áður óþekktur hér á landi. Er hann auðþekktur á því, að hann ber hvelfdan hatt, eld- rauðan að ofan með hvítum, upphleyptum deplum. Að öðru leyti er hann livítur. Það er athyglisvert við þennan svepp, að hann er eitraður, þar sem í honum eru meðal annars alkaloid efnin muskarin og svampatropin. Eftir að kunnugt varð um fund sveppsins á Vestfjörðum, hafa ýmsir talið sig hafa séð áþekka sveppi á undanförnum árum á Norð- ur- og Vesturlandi. Fara einkum sögur af því, að sveppur þessi vaxi víða á Reykjaheiði, og telja kunnugir, að hann hafi eins vaxið þar um síðustu aldamót. Þessu til staðfestingar er litmynd af svepp- inum tekin af Kristni Helgasyni, Langhohsvegi 206, Reykjavík. Sýnir hún sveppinn, þar sem hann óx í svonefndum Bláskógum í Norður-Þingeyjarsýslu sumarið 1957 innan um birkikjarr og beiti- lyng (1. mynd). Þar sem nú má teljast fullvíst, að sveppurinn vaxi bæði á Vest- fjörðum og í Norður-Þingeyjarsýslu, hlýtur sú spurning að vakna, hvort hann sé raunverulega gamall meðlimur í gróðurríki lands- ins. Bendir fundarstaðurinn í Bláskógum eindregið til þess að svo kunni að vera, þar sem hann er fjarri umferð og ræktuðum gróðri. Sömuleiðis má álíta, af vitnisburði kunnugra manna, að sveppur- inn hafi vaxið þar að minnsta kosti alla þessa öld. Má það furðu sæta, að grasafræðingum skuli hafa yfirsézt svo áberandi jarðarvöxtur. Einkum þar sem sveppagróður hefur ein- mitt verið rannsakaður allýtarlega í norðurhluta landsins. Eina skýringin á því, live sveppur þessi hefur getað dulizt mönnum, ei

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.