Náttúrufræðingurinn - 1937, Qupperneq 33

NÁTTÚRUFRÆÐINGURINN 109
4IIIIIIIIIIIIIIIIIIIIIIIIIIIIIIIIIIIMIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII
dálítið út fyrir brotið beggja vegna við það, en að gildleik var
leggurinn með umvafinu ca. 1 cm. í þvermál, þar sem það var mest.
Unginn dvaldi nú þarna í hreiðrinu í nokkra daga, og ólu
foreldrarnir önn fyrir honum. Vitjaði Ingibjörn hans daglega
og sá þess glöggan mun, hvernig hann hresstist því meir sem tím-
inn leið. En aldrei þorði hann að hreyfa við fætinum í því skyni
að vita hvort hann greri. Þó þykist hann fyrir sitt leyti þess full-
viss, að mikil framför hafi átt sér stað þennan tíma. Eftir ca.
vikudvöl eða 9—10 daga hvarf unginn til hinna systkina sinna,
og síðan veit enginn neitt meira um hann.
Báðir áðurnefndir bræður eru gætnir og áreiðanlegir menn.
Og báðir telja þeir að enginn vafi geti leikið á því, að hér hafi
mannshöndin eigi verið að verki, því að enginn af heimilinu hafi
gert þetta, og um aðra gat eigi verið að ræða í því sambandi. Auk
þess var verkið svo snilldarlega gert, að þeir telja að mannshönd-
in hafi eigi getað unnið slíkt. Og er þá nokkur önnur skýring
fyrir hendi en sú, að foreldrarnir — annaðhvort eða bæði — hafi
verið hér að verki? Maður á bágt með að trúa því, en á hinn bóg-
inn verður maður að hafa það hugfast, að ýmsir smáfuglar eru
frábærir snillingar í því að vefa hreiður úr allskonar hárum og
jurtatægjum. Og þá tilgátu, að einmitt þeir hafi framkvæmt þessa
læknisaðgerð, styður sú staðreynd, að allt efni í umvafinu var hið
sama og steindepillinn notar til hreiðurgerðar.
Lóni, 29. júní 1936.
Björn Guðmundsson.
Ritfregnir.
Vísindafélag íslendinga: Greinar I, 2. Rvík 1937.
Auk ritanna, sem Vísindafélag Islendinga gefur út, og skýrsln-
anna, um meðlimi félagsins, störf þess og hag, gefur það einnig
út greinar, safn af smærri ritgerðum, sem eigi nemur að prent-
ast í sérstöku riti. Fyrsta hefti greina þessara kom út 1935, og
var þess getið í Náttúrufræðingnum (V. árg., bls. 92—93). — I
hefti því, sem nú er komið, eru átta greinar, nefnilega þessar:
1. Þorkell Þorkelsson: Serial Relations of Functions. Höf-
undurinn, sem, eins og kunnugt er, er forstjóri Veðurstofunnar,
er einn af allra afkastamestu vísindamönnum þessa lands, og rit-