Náttúrufræðingurinn - 1972, Page 73

NÁTTÚRUFRÆÐINGURINN
61
2. mynd. Straumlög í Stóru Eldborg. Hamarinn er 53 cm á lengd.
Hraunið hefur runnið til austurs og suðurs og þar hefur það fallið
fram af sjávarhömrum, sem nú ekki sér fyrir lengur. Við sjó nær
það yfir um 5 km strandlengju, en rnesta breidd þess milli fjalls
og fjöru er um 2,5 km. Gæti því látið nærri að flatarmál þess væri
um 12 km2. Sjór hefur nú brotið framan af því, svo nú er það
jafnt gxágrýtinu, sem það hvílir á. Ekki sjást þess merki hvort það
hafi áður náð eitthvað að ráði út fyrir núverandi strönd eins og
hraunið úr Litlu Eldborg hefur gert. Bendir þetta til þess að all-
verulegur aldursmunur sé á þeim systrum (sjá síðar). Að austan
hefur hraunið runnið út á eldra, slétt helluhraun, sem á kortinu ber
nafnið Herdísarvíkurhraun, og er þar um nokkur mismunandi
hraun að ræða, sem eiga upptök sín á mismunandi stöðum uppi á
Lönguhlíð. Að vestan hefur hraunið runnið út á grágrýtið, sem
myndar berggTunninn suður og vestur af Geitahlíð og sem nær
vestur að Sveifluhálsi og að Ögmundarhrauni.