Náttúrufræðingurinn - 1991, Blaðsíða 79

svefnrannsóknir. Fundargestir voru
129.
Fundarsókn var góð. Alls mættu
tæplega 560 manns á fyrirlestrana eða
um 80 að jafnaði. Háskóla Islands eru
þökkuð afnot af fyrirlestrarsal og Jóni
Kristjánssyni húsverði fyrir sérlega
lipurð og hjálpsemi við undirbúning.
FERÐIR OG NÁMSKEIÐ
Á árinu voru farnar 5 ferðir á veg-
um félagsins, 3 dagsferðir og tvær
lengri ferðir. Tvær ferðir féllu niður,
ein reyndar tvisvar. Þátttakendur
voru alls 209, sem er færra en oftast
undanfarin ár. Veður var heldur leið-
inlegt og hefur það áreiðanlega haft
einhver áhrif. Reyndar hittist þannig á
með margar dagsferðir að illa viðraði
eða veðurspá var slæm.
Sunnudaginn 21. maí var fyrirhuguð
ferð á Hafnarbjarg til að skoða fugla
og gróður. Þann dag var hávaðarok
og rigning og var ferðinni því frestað
um viku, en hún féll einnig niður þá
vegna lítillar þátttöku.
Þann 25. júní var efnt til ferðar frá
Miðdal að Nesjavöllum undir leiðsögn
Einars Gunnlaugssonar jarðfræðings
hjá Hitaveitu Reykjavíkur. Ekið og
gengið var meðfram nýju Nesjavalla-
æðinni en vegurinn fylgir að hluta
hinni gömlu Dyradalsleið. Skýrði Ein-
ar mönnum frá jarðfræði svæðisins og
framkvæmdum Hitaveitunnar á
Nesjavöllum sem skoðaðar voru í lok
ferðarinnar. Með í för var einnig
Magnús H. Jóhannsson líffræðingur
sem sagði frá plöntum og gróðri. Þátt-
takendur voru 54.
Langa ferðin var í Mývatnssveit
dagana 13.-16. júlí. Ekið var frá
Reykjavík en þeim sem vildu, var gef-
inn kostur á að hitta hópinn á Akur-
eyri eða á Mývatni. Leiðsögumenn
voru líffræðingarnir Árni Einarsson
og Gísli Már Gíslason, og jarð-
fræðingarnir Freysteinn Sigurðsson og
Kristján Sæmundsson. Fararstjóri var
Þóra Ellen Þórhallsdóttir. Þátttakend-
ur voru um 90 talsins. Ekið var norð-
ur Holtavörðuheiði og tjaldað hjá
Skútustöðum að kvöldi. Hópnum var
skipt í tvennt, þannig að leiðsögu-
menn fóru með helming hópsins sinn
hvorn daginn. Öðrum deginum var
varið til að kynnast lífríki vatnsins.
Var gengið niður með Laxá og litið á
endur, en síðan ekið meðfram
Mývatni að Belgjarfjalli. Gengið var á
fjallið og litið til plantna en af fjallinu
var fagurt útsýni báða dagana. Árni
Einarsson og Gísli Már Gíslason
sögðu frá landslagi og lífríki vatnsins
og Laxár og þeim viðamiklu líffræði-
rannsóknum sem þar er unnið að. Síð-
degis var haldið út í Slútnes þar sem
gróskulegt blómstóð var skoðað. Um
kvöldið var opið hús á Rannsókna-
stöðinni við Mývatn og þar gafst tæki-
færi til að skoða í smásjá hið fjöl-
skrúðuga og smásæja líf vatnsins.
Hinn daginn var haldið austur og
norður með vatninu í fylgd Kristjáns
Sæmundssonar sem rakti jarðsögu
svæðisins. Gengið var á Halaskógar-
fjall og skoðuð þar elstu hraunlögin
sem koma fram á Kröflusvæðinu en
ofan á þeim er flikruberg. Þar má
einnig sjá brún Kröfluöskjunnar. Síð-
an voru gígar og öskulög í nágrenni
Vítis skoðuð, en að því búnu gengið
norður á Hreindýrahól en af honum
er gott útsýni. Af hólnum var haldið
norðvestur eftir gossprungum sem
fylgja norðurjaðri Kröfluöskjunnar og
þaðan áfram vestur að nýja hrauninu,
síðan í suður og upp á Rauðkoll.
Áfram var haldið suður eftir gos-
sprungunni alveg suður í Leirhnúk.
Gengið var á hann og skoðaðir hverir
og misgengi í nágrenninu. Að lokum
73