Náttúrufræðingurinn - 1991, Síða 80

var gengið austur yfir Vítismó og að
rútunum sem biðu þar.
Minnst var aldarafmælis félagsins
að kvöldi 15. júlí en þá bauð félagið
þátttakendum til kökuveislu með
heitu súkkulaði. Pöntuð var skreytt
rjómaterta frá Hótel Reykjahlíð og
reyndist hún vera á annan metra á
lengd. Einstök veðurblíða var og naut
fólk veitinganna utandyra við hús
Rannsóknastöðvarinnar.
Að morgni 16. júlí var haldið suður
Kjöl til Reykjavíkur. A leiðinni var
stansað við Blönduvirkjun og þar
gafst tækifæri til að skoða jarðgöng
virkjunarinnar í fylgd staðarverkfræð-
ings Sveins Þorgrímssonar. Einnig var
beitartilraun Rannsóknastofnunar
landbúnaðarins á Auðkúluheiði
skoðuð undir leiðsögn Sigþrúðar
Ólafsdóttur landbúnaðarfræðings. Til
Reykjavíkur var komið um mið-
nætti.
Þann 27. júlí hélt 8 manna vaskur
hópur upp í gönguferð í Esjufjöll und-
ir leiðsögn þeirra Eyþórs Einarssonar
grasafræðings og Hálfdánar Björns-
sonar náttúrufræðings og bónda á
Kvískerjum. Ekki var spáð góðu veðri
og hættu allmargir við rétt fyrir ferð-
ina. Svo fór þó að einstaklega gott
veður hélst allan tímann. Snjóbíll og
vélsleðar sáu um flutning á farangri.
Ferðin tók alls 5 daga og var dvalist
tvo heila daga í Esjufjöllum og gist í
skála Jöklarannsóknafélagsins. M.a.
var gengið um vesturhlíðar Skála-
bjarga en þar er einna mestur gróður.
Einnig var gengið upp á Lyngbrekku-
tind sem er hæsti tindurinn í Skála-
björgum. Eftir tveggja daga náttúru-
skoðun var gengið niður af jöklinum
en bíll beið á Breiðamerkursandi.
Sveppanámskeið og sveppaferð
voru haldin í ágúst. Leiðbeinandi var
eins og oftast áður, Eiríkur Jensson.
Pátttaka á námskeiðinu var takmörk-
uð en það sóttu 27 manns. í sveppa-
ferðina í Skorradal komu alls 38.
Jarðfræðiferð sem fyrirhuguð var
um Bláfjallasvæðið í september féll
niður vegna veðurs.
Þann 17. september var haldið í
landgræðsluferð um Rangárvallasýslu.
Leiðsögumaður var Anna Guðrún
Þórhallsdóttir beitarfræðingur hjá
Landgræðslu ríkisins. Haldið var upp
Gnúpverjahrepp, yfir Þjórsá hjá Sult-
artanga og þaðan niður Landsveit.
Rakin var saga gróðureyðingar og
landgræðslu á svæðinu og voru m.a.
skoðaðar gróðurleifar sem eftir urðu á
nokkrum stöðum þegar Landsveit
blés upp. Að lokum voru höfuðstöðv-
ar Landgræðslu ríkisins í Gunnars-
holti heimsóttar og þar sagði land-
græðslustjóri Sveinn Runólfsson frá
starfi Landgræðslunnar og bauð þátt-
takendum upp á kaffi.
Leiðsögumönnum er þakkað þeirra
framlag og Ferðaskrifstofu Guðmund-
ar Jónassonar er þökkuð lipurð og
ágæt þjónusta.
ÚTGÁFUSTARFSEMI
Útgáfa Náttúrufræðingsins hefur
dregist lítillega aftur úr en á næstunni
mun koma út 3 & 4. hefti 59. árgangs.
Sala á fugla- og flóruspjöldum félags-
ins gekk ágætlega. Seldust rétt tæp-
lega 500 eintök á árinu sem er svipuð
sala og í fyrra.
ALDARAFMÆLI FÉLAGSINS
Ýmislegt var gert til hátíðarbrigða
til að minnast þess að á árinu voru lið-
in 100 ár frá stofnun félagsins. Þegar
hefur verið getið um afmælisveislu
norður í Mývatnssveit 15. júlí.
I mars var efnt til samkeppni um
merki félagsins. Dómnefnd skipuðu
þau Arnþór Garðarsson prófessor
(formaður), Eggert Pétursson mynd-
listarmaður og Kristín Þorkelsdóttir
74