Fréttablaðið - 27.05.2009, Blaðsíða 14

14 27. maí 2009 MIÐVIKUDAGUR
timamot@frettabladid.is
HENRY KISSINGER ER 86 ÁRA Í DAG.
„Enginn mun nokkurn tím-
ann sigra í baráttu kynj-
anna. Nándin við óvininn er
of mikil.“
Henry Kissinger, sem var utan-
ríkisráðherra í stjórn Richard
Nixons Bandaríkjaforseta á
tímabilinu 1973 til 1977, hafði
mikil áhrif á utanríkismála-
stefnu Bandaríkjanna á 7. og 8.
áratug síðustu aldar.
Á þessum degi fyrir 114 árum
var írska skáldið, leikritaskáldið
og rithöfundurinn Oscar Wilde
dæmdur til fangelsisvistar
vegna samkynhneigðar sinnar.
Wilde, sem var þekktur fyrir
kaldhæðni sína, orðsnilld og
hnyttin tilsvör, gerði ungur upp-
reisn gegn karlmannlegum
gildum. Hann varð hugfang-
inn af fegurðinni og ekki síst
eigin útliti. Hann safnaði síðu
hári, klæddist spjátrungsleg-
um fötum og skreytti vistarver-
ur sínar með páfuglsfjöðrum og
fögrum blómum.
Kynhneigð Wilde varð fólki
óendanleg uppspretta umræðu
og hneykslan. Honum hefur
bæði verið lýst sem samkyn-
hneigðum og tvíkynhneigðum,
en hann átti í mörgum ástar-
samböndum um ævina, bæði
við karla og konur. Samskipti
hans við unga drengi fóru ekki
síst fyrir brjóstið á samtímafólki
hans en þau fór hann síður en
svo leynt með.
Wilde sat inni í tvö ár og
fór fangelsisvistin illa með
heilsu hans. Eftir að honum
var sleppt lausum hinn 19. maí
1897 var hann peningalaus og
eyddi tíma sínum í sjálfskip-
aðri útlegð frá samfélaginu og
kreðsum listamanna. Hann dó
þremur árum síðar, þá 46 ára
gamall.
ÞETTA GERÐIST: 27. MAÍ 1895
Í fangelsi fyrir samkynhneigð
Elskulegur eiginmaður minn, faðir okkar,
tengdafaðir og afi,
Þórir Davíðsson
Hvassaleiti 58, áður Akurgerði 18,
Reykjavík,
sem lést mánudaginn 18. maí sl., verður jarðsunginn
frá Fossvogskirkju fimmtudaginn 28. maí kl. 13.00.
Elísa Jóna Jónsdóttir
Elísabet Bjarklind Þórisdóttir
Þórdís Þórisdóttir
Linda Sjöfn Þórisdóttir Páll Daníel Sigurðsson
Páll Hinrik Þórisson Stefanía Bjarnason
og barnabörn.
Okkur innilegustu þakkir til allra þeirra
sem auðsýndu okkur samúð og hlýhug við
andlát og útför eiginmanns míns, föður,
tengdaföður, afa og langafa,
Gunnars Guðjónssonar
frá Hofstöðum.
Guð blessi ykkur öll.
Eiginkona, börn, tengdabörn og fjölskyldur þeirra.
Ástkær móðir mín, tengdamóðir okkar,
amma og langamma,
Björg Steindórsdóttir
áður til heimilis að Grænumýri 7, Akureyri,
lést á Kristnesspítala þriðjudaginn 19. maí sl. Útförin
verður gerð frá Akureyrarkirkju föstudaginn 29. maí
kl. 13.30. Þeim sem vildu minnast hennar er bent
á líknarsjóðinn Ljósberann – minningarsjóð séra
Þórhalls Höskuldssonar, sem er í vörslu Akureyrar-
kirkju.
Hulda Kristjánsdóttir Gestur Jónsson
Kristján Gestsson Ingibjörg Dagný Jóhannsdóttir
Jón Ásgeir Gestsson Hrund Steingrímsdóttir
Árni Björn Gestsson
Þóra Steinunn Gísladóttir
Gísli Sigurjón Jónsson
Björg Þórhallsdóttir
Höskuldur Þór Þórhallsson Þórey Árnadóttir
Anna Kristín Þórhallsdóttir Runólfur Viðar Guðmundsson
og barnabarnabörn.
Ástkær móðir okkar, tengdamóðir, amma
og langamma,
Ásta Sigríður Guðjónsdóttir
verður jarðsungin frá Grafarvogskirkju í dag, mið-
vikudag, kl. 15.00. Blóm og kransar afþakkaðir en
þeim sem vilja minnast hennar er bent á líknarsjóð
Oddfellowstúku nr. 5, Þórsteinn.
Guðjón Pétur Ólafsson Hildur Gunnarsdóttir
Ragnar Ólafsson Jóhanna G.Z. Jónsdóttir
Anna Margrét Ólafsdóttir Birgir Eðvarðsson
Ásta Björg Ólafsdóttir Jón Ingiberg Guðmundsson
barnabörn og barnabarnabörn.
Okkar elskulega
Rannveig Sveinsdóttir
Ásvallagötu 17, 101 Reykjavík,
andaðist á Landspítalanum fimmtudaginn 21. maí.
Útför hennar fer fram frá Fossvogskapellu fimmtudag-
inn 28. maí kl. 15.00.
Fyrir hönd aðstandenda,
Friðgerður Friðgeirsdóttir
Birgir Jóhannesson.
MOSAIK
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar sendist á auglysingar@frettabladid.is
eða hringja í síma 512 5000.
MERKISATBURÐIR
1746 Sett er tilskipun um hús-
vitjanir og skulu prestar
minnst tvisvar á ári hús-
vitja.
1857 Settar eru reglur um að
danskir embættismenn
skuli standast íslensku-
próf til að fá stöður á Ís-
landi.
1981 Fjórir menn farast í flug-
slysi á Holtavörðuheiði.
1982 Ólafur Jóhann Ólafsson
lauk stúdentsprófi með
9,67, hæstu einkunn sem
gefin hafði verið frá MR.
1982 Davíð Oddsson tók við
starfi borgarstjóra Reykja-
víkur.
1983 Hús verslunarinnar í
Reykjavík tekið í notkun.
1991 Landsbankinn yfirtekur
rekstur Samvinnubank-
ans.
„Auðvitað er ég ánægður með að fá
þessi verðlaun, þó ég taki venjulega
ekki þátt í sýningum með samkeppn-
issjónarmið í huga,“ segir myndlist-
armaðurinn Kristján Guðmundsson. Í
gær var tilkynnt að hann hlyti Carneg-
ie-verðlaunin, sem munu vera ein veg-
legustu myndlistarverðlaun sem veitt
eru í heiminum. Verðlaunaupphæð-
in hljóðar upp á eina milljón sænskra
króna, sem í dag jafngildir um sautján
milljónum íslenskra króna.
Stofnað var til Carnegie-verðlaun-
anna árið 1999 af Carnegie Investment
Bank AB til að efla framúrskarandi
norræna listamenn. Þetta er í fyrsta
skipti sem Íslendingur hlýtur fyrstu
verðlaunin.
Við hátíðlega athöfn í Listasafni
Íslands í gær, þar sem Kristján var
heiðraður, kom fram í máli aðstand-
enda verðlaunanna að dómnefndin hafi
verið sammála um að veita Kristjáni
fyrstu verðlaunin, enda sé hann vel að
þeim kominn. Þau hlýtur hann fyrir
verk „þar sem hann teflir saman efni
og hugmynd á þann sérstæða hátt sem
er dæmigerður fyrir stíl listamanns-
ins“, eins og segir í tilkynningu.
Nýverið var opnuð í Listasafninu
stór sýning með verkum Kristjáns. Þar
má meðal annars sjá „hljóðdempandi
málverk“, svipuð þeim sem verða á
Carnegie-sýningunni. Þar er einnig að
finna önnur verk, meðal annars stórar
myndir samansettar úr litlum kubbum.
„Þetta er sama system og lego, svart-
ar takkaplötur sem eru settar saman,“
útskýrir hann. „Verkin sýna nákvæm-
ar bakhliðar póstkorta en ég læt mynd-
irnar ráða því hvernig þau snúa,“ segir
Kristján, sem er þekktur fyrir að vekja
áhorfendur til umhugsunar með sér-
stæðum verkum sínum.
Kristján mun taka við verðlaun-
unum úr hendi Margrétar Þórhildar
Danadrottningar hinn 17. septemb-
er næstkomandi við athöfn í Kunst-
hal Charlottenborg í Kaupmannahöfn.
Við það tækifæri verður opnuð sýn-
ing á verkum þeirra 23 norrænu lista-
manna sem dómnefndin valdi úr hópi
148 tilnefninga til Carnegie-verðlaun-
anna 2010. Þeirra á meðal er einnig ís-
lenski listamaðurinn Egill Sæbjörns-
son.
Sýningin mun fara víða, til höf-
uðborga allra Norðurlandanna, auk
London, Peking og Nice á næsta eina
og hálfa ári. Kristján á ekki von á að
vera viðstaddur allar sýningarnar,
þrátt fyrir að hafa hlotið fyrstu verð-
launin. „Ég reikna ekki með að elta
alla sýninguna. Ætli ég láti það ekki
duga að fara á opnunina.“
holmfridur@frettabladid.is
KRISTJÁN GUÐMUNDSSON: HLÝTUR HIN VIRTU CARNEGIE-VERÐLAUN
Vel að verðlaununum kominn
VIÐ VERKIN SÍN Bakhliðar póstkorta urðu Kristjáni Guðmundssyni innblástur fyrir þessi verk sem gerð eru úr smáum plastplötum.
FRÉTTABLAÐIÐ/VALLI