Fréttablaðið - 27.05.2009, Blaðsíða 25

MIÐVIKUDAGUR 27. MAÍ 2009 3útivist og veiði ● fréttablaðið ●
Gæsir seinni hluta ágúst fram í okt óber,
hreindýr í byrjun september, rjúpa
í nóvember og stangveiði á sumrin.
Þannig skipta mæðgurnar Sandra
Franks og Birna Árnadóttir niður árinu
eftir helsta áhugamálinu, veiðum,
sem þær segja hina bestu fjölskyldu-
skemmtun.
„Mér finnst þetta alveg æðislegt. Þetta er í
mínum huga sport númer eitt,“ segir dóttir-
in Birna. „Fyrir mér er það nú bara aðal lega
útiveran,“ útskýrir Sandra öllu hógværari,
þegar þær mæðgur eru beðnar um að lýsa
í hverju aðdráttarafl veiðimennskunnar sé
fólgið en hana hafa þær stundað um ára-
bil. En hver er helsti munurinn á skot- og
stangveiði?
„Þetta er bara tvennt ólíkt og eiginlega
ekki hægt að líkja þessu saman,“ útskýrir
þá Birna. „Fjölskyldan getur sameinast um
stangveiðina, sem tekur allan daginn, en
skotveiðin tekur styttri tíma.“ Sandra bætir
við að skotveiðin gangi frekar út á eltinga-
leiki og burð og reyni töluvert á. Menn þurfi
hins vegar að temja sér mikla þolinmæði í
stangveiði og hafa vit á að njóta náttúrunn-
ar þar sem þeir séu oft bundnir sama staðn-
um svo klukkustundum skiptir.
Mæðgurnar eru þó ekki einar um veiði-
delluna í fjölskyldunni. Eiginmennirnir og
yngri bróðir Birnu láta ekki sitt eftir liggja
og syni hennar virðist ætla að kippa í kynið
þar sem hann er farinn að veiða á stöng ný-
orðinn sjö ára. Blaðamanni leikur þá for-
vitni á að vita hvort keppnisskapið geri
aldrei vart við sig innan fjölskyldunnar?
Móðirin verður fyrst fyrir svörum. „Jú,
svo sannarlega og þá mest á milli þeirra
feðgina, þótt tengdasonurinn blandi sér
eitthvað líka í málið,“ segir hún og hlær
við. Birna bendir á að keppnisskapið láti þó
frekar á sér kræla í stangveiðinni þar sem
fjölskyldan sameinist um bráðina í skotveið-
inni, hvort sem verið er að eltast við gæsir,
rjúpur eða hreindýr. Reyndar taki karlpen-
ingurinn sig stundum til og fari á veiðar án
þess að bjóða kvenfólkinu með, en það geri
svo sem ekkert til þar sem þær mæðgurnar
séu farnar að svara í sömu mynt.
„Síðast bauð ég mömmu með mér á
hreindýraveiðar í september. Það var
alveg æðis legt,“ segir Birna og Sandra
tekur heilshugar undir það. Þær fóru upp
á Fljótsdalsheiði og felldu kú strax á fyrsta
degi eftir mikinn eltingaleik við hjörðina,
undir leiðsögn Magnúsar Karlssonar leið-
sögumanns. Skrokkinn þurftu þau svo að
draga þangað sem bílnum hafði verið lagt
og koma fyrir á pallinum. Birna segir það
ekki hafa reynt mikið á og ekki komið að
sök þótt hún hafi eignast dreng í maí sama
ár. „Nei, nei, maður var búinn að æfa sig
fyrir þetta.“
En hvar þykir þeim skemmtilegast að
veiða á stöng? „Í Hítarvatni,“ segja þær þá
í kór. Bæta því við að einnig sé veitt í Þing-
vallavatni, og í öðrum vötnum og ám fyrir
norðaustan og svo nærliggjandi vötnum
á höfuðborgarsvæðinu. Næst verði Þing-
vallavatn líklegast fyrir valinu, og þótt ekki
veiðist endilega mikið í fyrstu atrennu þá sé
alltaf hægt að njóta útiverunnar og góðs fé-
lagsskapar. - rve
Stangveiði góð fjölskylduskemmtun
Birna er búin að veiða á stöng um árabil. Hún fékk
sér skotveiðileyfi um leið og hún gat. MYND/ÚR EINKASAFNI
Sandra segist hafa veitt um árabil. Úitveran skipti hana mestu og samveran með fjölskyldunni.
MYND/ÚR EINKSAFNI
Norðurá í Borgarfirði og Blanda eru fyrstu árnar sem opnað-
ar verða formlega fyrir laxveiði þetta sumarið. Það gerist föstu-
daginn 5. júní. „Löng hefð er fyrir því að laxveiðitímabilið hefjist
með opnun Norðurár og þá er alltaf smá viðhöfn. Hún fer þannig
fram að eftir góðan morgunmat fer formaður Stangaveiðifélags
Reykjavíkur fyrstur út í og tekur fyrstu köstin á veiðistað sem
heitir Brotið,“ segir Guðmundur Stefán Maríasson. Hann hlakkar
greinilega til enda formaður nú um stundir.
Veiðihúsið við Norðurá er á Rjúpnahæð og sést ekki frá
þjóðveginum. Hátt á annað hundrað veiðistaðir eru í ánni en
níu stöngum verður sveiflað við opnunina. „Það er nú ekkert
„garantí“ að maður fái fisk í fyrstu köstunum,“ tekur Guðmundur
fram. „Snemmgengnum stórlaxi fer fækkandi og eftir mikla
þurrka er ekki öruggt að tilteknir staðir haldi fiski. Við höfum
samt engar áhyggjur. Veiðimenn eru bjartsýnir að eðlisfari.“ - gun
Veiðitímabilið hefst
með viðhöfn 5. júní
Guðmundur Stefán í Norðurá, sem er ein af bestu og dýrustu laxveiðiám landsins.
Veiðileyfi
um land allt
Stangveiðifélag Reykjavíkur | www.svfr.is
HVAR VILTU VEIÐA?
HVAÐ VILTU VEIÐA?
HVENÆR VILTU VEIÐA?
Byrjaðu veiðiferðina á heimasíðunni okkar!
Þú færð upplýsingar um veiðisvæði um land allt,
lest nýjustu veiðifréttirnar og gengur frá kaupum
á veiðileyfum á vefnum okkar, www.svfr.is
Smelltu þér í veiði.
www.svfr.is
ÍS
LE
N
SK
A
SI
A
.I
S
S
VF
4
63
72