Fréttablaðið - 04.07.2009, Page 62

OKKUR
LANGAR Í
…
utlit@frettabladid.is
DAÐRAÐ VIÐ TÍSKUNA
Kolbrún Björt Sigfúsdóttir
Það er byrjun júlí og ég er að skoða helstu tískustrauma í haust- og
vetrar línunni. Blúndur segja þeir. Svart og rómantískt í bland við áhrif
frá níunda áratugnum, en ekki hvað? Er nokkur lína laus við þau? Það
er byrjun júlí og ég er farin að spá í því hverju ég mun klæðast í vetur.
Eins og veturinn sé ekki nógu langur, hans sé sárt saknað héðan úr sól-
inni. Tískan er aldrei í núinu. Hún er á morgun eða
í gær en aldrei í dag. Um leið og orðin „það heit-
asta í dag“ hafa verið muldruð er augnablikið farið.
Það sem var heitast í dag er orðið allra og þar með
hallærislegt. Tíska sérhvers tíma er því bara til í
fortíð og framtíð.
Þess vegna eru þeir sem eru skrefinu á undan,
til dæmis í svörtu á sumrin og gulu á veturna, oft
taldir tískugoð eða frömuðir. Hvers vegna gerum
við það þá ekki öll? Einfaldast væri náttúrlega að
vera allan daginn, alla daga í svörtu. Svart er hið
nýja svart jafnvel þegar grátt er hið nýja svart.
Getur það klikkað? Ef tískan er aldrei núsins er erf-
itt að tolla í henni, nema maður sé alltaf í eigin stíl.
Með svart er það vitað að næsta haust verður það
aftur orðið heitt (þar með kalt um leið) og þú verð-
ur stjarna sumarsins. Eins gott að birgja sig upp af
svitalyktareyði.
Svo er sagt að tískan gangi alltaf í hringi. Getur
maður þá bara valið sér áratug til að tolla í? Hring-
irnir eru orðnir svo stuttir að maður verður örugg-
lega á toppi tískunnar einu sinni á ári, oftar ef
maður ákveður að níundi áratugurinn hafi alltaf klætt mann best.
Tvenns konar tískugoð eru til; þau sem eru sjálfum sér samkvæm, það
er yfirleitt í svipuðum stíl, annars vegar og hins vegar þau sem eru alltaf
að breytast, yfirleitt óháð því sem á að þykja fínt og flott. Í seinni flokk-
inn falla til dæmis Madonna og David Bowie. Í þann fyrri mætti flokka
Michael Jackson, Audrey Hepburn og Jackie Kennedy. Það sem þetta fólk
á hins vegar allt sameiginlegt er að það fylgir ekki tískunni, tískan fylgir
því. Er þá nokkuð hægt að gera annað en að forðast tískuna eins og heitan
eldinn?
Tískan er ekki til í núinu
SVART Hér sjást föt úr
vor- og sumarlínunni
2010 eftir Marcel
Ostertag.
> TÍSKUFRÉTT VIKUNNAR
Rapparinn Kanye West er í eins konar starfsnámi
hjá Gap í New York. Kanye reynir að afla sér eins
mikillar vitneskju um fatahönnun og tískugeir-
ann eins og hann getur áður en hann kemur eigin
hönnunarlínu á laggirnar.
litrík sólgleraugu til
að nota í sólinni.
þennan yndislega blómahring
og eyrnalokka í stíl frá Steinunni
Völu Sigfúsdóttur.
fallega bleikan varalit
fyrir sumarið.
Þó að veðrið hafi ekki leikið við okkur Íslendinga það sem
af er sumri er engin ástæða til að halda áfram að klæðast
svörtu í sumar. Falleg mittishá pils og skemmtilegar stutt-
buxur eru tilvalinn klæðnaður fyrir sumar fríið eða bæjar-
röltið. Einnig koma röndóttir eða doppóttir bolir sterkir
inn ásamt skemmtilegum munstrum og blómlegum litum,
á borð við gulan, rauðan og laxableikan, sem munu kalla
fram sólskinsskapið í hverjum manni. - sm
STERKIR OG BLÓMLEGIR LITIR ERU ALLSRÁÐANDI Í SUMAR:
Sól í hjarta og blóm í haga
BLÓMLEGIR KJÓLAR Fallegir kjólar með
blómamynstri verða vinsælir í sólinni í
sumar.
SUMARPILS Þetta pils fæst í versluninni
Spútnik í Kringlunni.
FR
ÉT
TA
BL
AÐ
IÐ
/A
N
TO
N
GLAÐLEGUR BOLUR Bolurinn fæst í
versluninni Spútnik í Kringlunni.
Ný fatalína hönnuðarins Jet Kor-
ine, #01 Endless Light, verður
frumsýnd í versluninni Belleville
á Laugavegi í dag. Þetta er fyrsta
línan sem hún hannar undir eigin
nafni og eru flíkurnar nokkuð
sérstakar fyrir þær sakir að þær
eru allar unnar á lífrænan hátt.
„Ég var búin að starfa í tísku-
bransanum í nokkur ár og fékk
svo á endanum ógeð. Ég er með
ákveðnar hugmyndir um heiminn
og heimilið og vil sjálf hafa sem
mest lífrænt og umhverfisvænt
í kringum mig og þegar ég upp-
götvaði hvað tískubransinn var
fjarri þeim hugsunarhætti fannst
mér ég ekki geta tekið þátt í þessu
lengur. Þegar ég fór af stað með
þessa fatalínu vildi ég ekki setja
nafnið mitt við neitt sem ekki
væri lífrænt í framleiðslu,“ segir
Jet um hugmyndina að baki lín-
unni.
Fötin eru handlituð með nátt-
úrulegum lit og svo þvegin upp
úr sjó; með þessari aðferð skipt-
ir flíkin litum í mismunandi birtu
og breytist eftir því hversu mikið
hún er notuð.
Frumsýningarteitið hefst klukk-
an 16 og verður gestum þá boðið
að skoða flíkurnar auk þess sem
sérstök innsetning verður í glugga
verslunarinnar.
- sm
Breytast eftir veðri og vindum
NÁTTÚRULEGAR FLÍKUR Jet Korine mun selja hönnun sína í versluninni Belleville, sem er í eigu Bjarna og Önnu. FRÉTTABLAÐIÐ/ANTON
Þú gætir unniÐ bíómiÐa!
SendU SMS skeytiÐ
ESL ICE á númeriÐ 1900
vinningar eru:
Tölvuleikir, dvd myndir, bíómiÐAR,
GOS og margt fleira
WWW.BREIK.IS/ISOLD
FRUMSÝND1. JÚLÍ Í
SJÁÐU MYNDINASPILAÐU LEIKINN!
9. hver
vinnur!
Vinningar verða afhentir í ELKO Lindum.149 kr/skeytið.
Með því að taka þátt ertu kominn í SMS klúbb.
SKEMMTILEG
SAMSETNING
Þessi röndótti
kjóll í svörtu og
hvítu fer vel með
dökkbláum jakka.