Fréttablaðið - 04.07.2009, Page 70

46 4. júlí 2009 LAUGARDAGUR
sport@frettabladid.is
KR-ingar misstu stóran spón úr aski sínum í gær þegar leikstjórn-
andinn Jakob Örn Sigurðarson skrifaði undir eins árs samning
við sænsku meistarana í Sundsvall Dragons. Hann er því annar
Íslendingurinn sem fer í sænska boltann en þjálfarinn Sigurður
Ingimundarson mun þjálfa Solna á næstu leiktíð.
„Þetta leggst bara vel í mig. Þetta er öflugt og traust
félag sem sýndi mikinn áhuga á að fá mig. Þeir unnu
deildina í fyrra og stefna á að verja titilinn næsta vetur.
Þetta er félag með mikinn metnað,“ segir Jakob Örn
sem er með fleiri járn í eldinum.
„Ég fékk tilboð frá Danmörku og Belgíu sem ég
hafnaði. Svo voru einhver félög að skoða mig á
Spáni en ég ákvað að kýla á þetta,“ segir Jakob
sem segist vera mjög sáttur við samninginn sem
hann fékk hjá félaginu.
„Ég þekki lítið til þessarar deildar. Hef ekki séð neina
leiki þaðan en hef spilað á móti sænska landsliðinu
og það er sterkt. Þetta á að vera nokkuð sterk deild en
það er talað um að sænska og finnska deildin séu þær
sterkustu á Norðurlöndunum,“ segir Jakob en hann gerir aðeins
eins árs samning líkt og er oft gert í körfuboltanum í Evrópu.
„Það var ekki lengri samningur í boði. Svona er karfan bara
í Evrópu, þar er mikið um eins árs samninga og sérstaklega
ef maður fer í nýtt lið. Ef maður stendur sig vel fær maður
kannski lengri samning.“
Það var mikil lyftistöng fyrir íslenskan körfubolta þegar
Jakob og Jón Arnór Stefánsson snéru heim úr atvinnu-
mennsku síðasta vetur til þess að leika í eitt ár með
uppeldisfélagi sínu, KR.
„Það var alltaf stefnan að fara aftur út eftir þetta
eina ár. Ástandið hér heima er svo ekki beint að
halda í mann. Engu að síður var frábært að koma
hér heim í eitt ár og ég er gríðarlega sáttur með
þetta ár. Sé alls ekki eftir því að hafa komið heim.
Núna er ég bara til í að fara aftur út og gera þetta á
fullu,“ segir Jakob og bætir við: „Það var rétt ákvörðun að
koma heim og gaman að koma aftur í íslenska hversdags-
leikann. Þetta var hrikalega gaman.“
JAKOB ÖRN SIGURÐARSON: SKRIFAÐI UNDIR EINS ÁRS SAMNING VIÐ SÆNSKU MEISTARANA Í SUNDSVALL
Sé alls ekki eftir þessu ári hérna heima
> VISA-bikarinn um helgina
Fimm leikir fara fram í 16 liða úrslitum VISA-bikars karla
á morgun. Tveir innbyrðisleikir liða úr
Pepsi-deildinni eru þá í boði en
ÍBV og FH mætast í Vestmanna-
eyjum og Fram og Grindavík
mætast í Laugardalnum. Þá
fá Keflvíkingar 1. deildarlið Þórs
frá Akureyri í heimsókn, Fylkir og 1.
deildar lið Fjarðabyggðar mætast í
Árbænum og 2. deildarlið Hattar freistar
þess að slá út Breiðablik á Kópavogs-
velli.
Verð kr. 265.000.-
Hrein fjárfesting ehf
Dalbraut 3 105 reykjavík • rainbow@rainbow.is
Sími verslun 567 7773 . kvöld og helgar 893 6337
www.rainbow.is
Rainbow
Bjóðum nokkrar Rainbow á 186,000
Eða gömul Rainbow upp í nýja tilboð 155,000
Eigum einnig notaðar yfi rfarnar rainbow
með ábyrgð verð 80.000 tilboð 58.000
meðan byrgðir endast.

FÓTBOLTI Valsmenn sendu frá sér
tilkynningu í gærdag um að Atli
Eðvaldsson myndi stýra Hlíðar-
endaliðinu það sem eftir lifir leik-
tíðar. Atli er Valsmönnum að góðu
kunnur en hann lék með meistara-
flokki félagsins á árunum 1974-
1980 og svo aftur árin 1988-1989
en hann hefur áður þjálfað ÍBV,
Fylki, KR og Þrótt ásamt því að
vera fyrrverandi landsliðsþjálf-
ari Íslands. Atli var ekki lengi að
svara þegar kallið kom frá Vals-
mönnum.
„Þetta var hálfgert sprett-
hlaup því þetta gerðist allt svo
fljótt. Ég var búinn að heyra af
möguleikanum á stöðunni degin-
um áður en Valsmenn hringdu í
mig í hádeginu og við fórum yfir
stöðuna og eftir að ég var búinn
að hringja nokkur símtöl og ræða
við mitt fólk þá gaf ég grænt ljós á
þetta,“ segir Atli.
Tími til að rísa upp
Valur steinlá sem kunnugt er fyrir
Íslandsmeisturum FH í síðasta leik
sínum í Pepsi-deildinni en Atli er
fullur tilhlökkunar að takast á við
komandi verkefni með Valsmönn-
um. Hann segist lengi hafa beðið
eftir þessu tækifæri og er hvergi
banginn.
„Ég hefði náttúrlega átt að vera
fyrir löngu kominn á Hlíðarenda
en núna þegar neyðin er mest þá
verð ég að segja að ég kvíði engu.
Þegar ég var að spila með Val þá
þekktum við bara sigur. Það er
metnaðurinn sem Valur hefur stað-
ið fyrir og á að standa fyrir og ég
mun reyna að koma þeim skilaboð-
um til leikmannanna. Það hefur nú
líka oft verið sagt að það sé allt í
lagi að bogna, bara ef maður brotn-
ar ekki. Ef maður bara bognar, þá
reisir maður sig einfaldlega upp
aftur. Nú er tími til þess að rísa
upp,“ segir Atli.
„Strákarnir eiga eftir að fá að
kynnast mér og ég þeim en ég
þekki auðvitað þessa stráka og
veit hverjir þetta eru. Ég er því
sannfærður um að við munum
finna réttu línuna í sameiningu og
ná góðum árangri,“ segir Atli að
lokum.
Mikill heiður
Guðmundur Benediktsson, fram-
herji KR, var fyrsti kostur hjá
Valsmönnum þegar þeir leituðu
að eftirmanni Willums Þórs en
Vesturbæjarliðið vildi ekki sleppa
hendi af honum. Guðmundur er
þakklátur Valsmönnum fyrir að
hafa haft trú á sér en það sama
gildi í raun í garð KR-inga.
„Mér fannst það að sjálfsögðu
vera mikill heiður að Valsmenn
skyldu vilja fara þessa leið og
greinilegt að þeir bera mikið
traust til mín. Ég er mjög þakklát-
ur fyrir það en það var bara ekki
í mínum höndum hvort af yrði eða
ekki. Ég er samningsbundinn KR
sem vill halda mér og það er líka
ákveðin viðurkenning þannig að
ég er alveg ánægður,“ segir Guð-
mundur. omar@frettabladid.is
Munum ná góðum árangri
Valsmenn voru fljótir að tryggja sér þjónustu Atla Eðvaldssonar í þjálfarastarf
á Hlíðarenda eftir að viðræður við KR út af Guðmundi Benediktssyni sigldu í
strand í gær. Atli segist lengi hafa beðið eftir rétta tækifærinu til að þjálfa Val.
TILHLÖKKUN Atli Eðvaldsson getur ekki beðið eftir því að mæta til starfa á Hlíðar-
enda og segist í raun hafa beðið lengi eftir þessu tækifæri. FRÉTTABLAÐIÐ/VILHELM
FÓTBOLTI Valur og Stjarnan unnu
góða sigra í Pepsi-deild kvenna
í gær og eru áfram efst og jöfn.
Valur vann 4-1 sigur á KR og
Stjarnan vann 3-0 sigur á Aftur-
eldingu/Fjölni. Breiðablik missteig
sig hins vegar á Akureyri.
Valsstúlkur gerðu út um leikinn
gegn KR á Vodafonevellinum með
fjórum mörkum í fyrri hálfleik en
Kristín Ýr Bjarnadóttir skoraði
tvö mörk og Katrín Jónsdóttir og
Dóra María Lárusdóttir sitt mark-
ið hvort. Katrín Ásbjörnsdóttir
minnkaði svo muninn fyrir KR.
Stjarnan vann öruggan 3-0
sigur gegn Aftureldingu/Fjölni
en Stjörnustúlkur hafa unnið alla
fimm heimaleiki sína í deildinni,
með markatölunni 14-1.
Þór/KA náði fram hefndum
gegn Blikastúlkum með 2-0 sigri
en fyrri leikur liðanna endaði 6-1
í Kópavogi.
Dragan Stojanovic, þjálfari Þórs/
KA, var í skýjunum með sigur liðs
síns í gær en Rakel Hönnudóttir
skoraði bæði mörk Þór/KA.
„Ég er gríðarlega ánægður með
lið mitt og mér fannst við spila vel
í níutíu mínútur. Við unnum frá-
bæran sigur gegn frábæru liði og
erum nú að nálgast toppinn eftir
erfiða byrjun á mótinu,“ segir
Dragan glaður í bragði.
Þá vann Grindavík 2-1 sigur
gegn ÍR á heimavelli og Fylkir
vann 8-0 stórsigur á lánlausu liði
Keflavíkur sem er enn án stiga á
deildinni. - óþ
Baráttan í Pepsi-deild kvenna heldur áfram en heil umferð var leikin í gær:
Öruggur sigur Valsstúlkna
VALSSIGUR Valsstúlkur lentu ekki í erfið-
leikum gegn KR í gær. FRÉTTABLAÐIÐ/STEFÁN