Fréttablaðið - 09.07.2009, Blaðsíða 12

12 9. júlí 2009 FIMMTUDAGUR
BRUSSEL, AP Evrópusambandið
hefur samþykkt að framlengja
kaup sín á smjöri og undanrennu-
dufti þangað til í febrúar á næsta
ári til þess að koma í veg fyrir
verðhrun. Hugsanlega verða
kaupin framlengd þangað til í
febrúar árið 2011 ef þörf krefur.
Venjulega hefur ESB keypt
þessar vörur á tímabilinu mars
til ágúst á ári hverju, og sett í
geymslur. Mjólkurbændur hafa
hins vegar krafist frekari aðstoð-
ar vegna 50 prósenta verðlækk-
unar á mjólkurvörum undanfarið
ár. Sú lækkun hefur orðið til þess
að þeir þurfa að selja vörur sínar
undir kostnaðarverði. - gb
Evrópusambandið til bjargar:
Kaupir meiri
mjólkurvörur
KJARAMÁL Slitastjórn SPRON er
heimilt að greiða ógreidd laun
rúmlega 100 starfsmanna SPRON
á uppsagnarfresti, samkvæmt áliti
réttarfarsnefndar. Ekki sé laga-
breytinga þörf, eins og slitastjórn-
in telur.
Gylfi Magnússon viðskiptaráð-
herra segir álit réttarfarsnefnd-
ar hljóta að vega þungt og vonar
að það dugi til þess að slitastjórn-
in greiði út launin. „Slitastjórnin
verður að færa fram rök ef þeir
ætla að hafna þessu,“ segir Gylfi.
„Þetta rennir stoðum undir það
sem allir vissu, að þetta er kolröng
túlkun hjá slitastjórninni,“ segir
Ólafur Már Svavarsson, fyrrum
starfsmaður SPRON. „Slitastjórn
er ekki stætt á öðru en að una þess-
ari niðurstöðu.“
Ef ákvörðun slitastjórnar verður
að greiða ekki launin án lagabreyt-
inga munu starfsmenn kanna sína
möguleika. „Mönnum hefur dott-
ið í hug að kanna hvort hægt sé
að leggja fram vantrauststillögu á
slitastjórnina,“ segir Ólafur.
Hlynur Jónsson, formaður slita-
stjórnar SPRON, segir afstöðu
stjórnarinnar óbreytta. Breyta
þurfi lögum til að hægt sé að greiða
út launin. Það sé undir stjórnvöld-
um komið.
Í áliti réttarfarsnefndar er vísað
til gjaldþrotaskiptalaga. Þar segir
að ef skiptum er ólokið skuli greiða
kröfur sem hlotið hafa viðurkenn-
ingu. Hins vegar er kröfulýsingar-
fresti ólokið hjá SPRON, sem er
skilyrði samkvæmt lögunum, að
sögn Hlyns. Gert er ráð fyrir að sá
frestur verði um sex mánuðir hjá
SPRON. Því er í fyrsta lagi hægt
að beita þessari lagagrein eftir sex
mánuði, að sögn Hlyns.
Í lögum um fjármálafyrirtæki
er mælt fyrir um að slitastjórn sé
heimilt að greiða kröfur að loknum
fyrsta kröfuhafafundi. Sá fundur
hefur hins vegar ekki átt sér stað
hjá SPRON, að sögn Hlyns.
Álfheiður Ingadóttir, formaður
viðskiptanefndar, segir álit réttar-
farsnefndar staðfesta álit sitt að
lagabreyting sé ekki nauðsynleg.
En eru slitastjórnin og stjórnvöld
ekki að senda boltann á milli sín?
„Boltinn hefur verið hjá slitastjórn-
inni allan tímann. Mér finnst að
verið sé að gera úlfalda úr mýflugu
og vona að menn átti sig á því að
það eru lagaheimildir fyrir þessu,“
segir Álfheiður.
vidirp@frettabladid.is
SPRON hunsar
álit réttarfars-
nefndarinnar
Réttarfarsnefnd telur lagabreytingu óþarfa til að
greiða laun starfsmanna SPRON. Starfsmaður
SPRON segir hugsanlegt að lögð verði fram van-
trauststillaga á slitastjórnina vegna málsins.
STARFSMENN SPRON Starfsmennirnir hittust við Austurvöll til að ná tali af viðskipta-
nefnd á þriðjudag. Til greina kemur að leggja fram vantrauststillögu á slitastjórnina.
FRÉTTABLAÐIÐ/VALLI
ÁLFHEIÐUR
INGADÓTTIR
HLYNUR
JÓNSSON
KJAMSAR Á SÍLD Þessi kópur er í
hópi nærri 70 selkópa sem fundust
yfirgefnir við norðurströnd Þýska-
lands. Selirnir hafa fengið athvarf í
bænum Friedrichskoog þangað til í
ágúst þegar þeim verður sleppt út í
náttúruna á ný. FRÉTTABLAÐIÐ/AP
MENNTAMÁL „Fimmtán einstakl-
ingar sem eru að koma úr 10. bekk
eru ekki búnir að fá pláss,“ segir
Katrín Jakobsdóttir menntamála-
ráðherra spurð hvernig staðan sé á
umsóknum í framhaldsskóla lands-
ins. Verið er að vinna í málum
þeirra, að sögn Katrínar.
Í Fréttablaðinu í síðustu viku
sagði Katrín að allir væru búnir
að fá skólavist sem kæmu úr 10.
bekk. Ekki væri búið að afgreiða
umsóknir þeirra sem eldri væru.
Um 170 manns á aldrinum 16
til 18 ára hafa ekki fengið skóla-
vist, að sögn Katrínar. Allir sem
lokið hafa grunnskólaprófi eða eru
16 ára eiga rétt á að stunda nám
í framhaldsskóla. Eiga þau rétt á
því að stunda nám til 18 ára aldurs.
„Við setjum lögbundna aldurinn í
forgang,“ segir Katrín.
Ekki er hægt að segja til um
hversu margir verða út undan úr
hópnum eldri en 18 ára en Katrín
segir að sá hópur sé töluvert stærri
en hópur 16 til 18 ára umsækjenda.
Alltaf er hópur af eldra fólkinu
sem ekki kemst inn í framhalds-
skólana.
„Fyrir þá eldri sem ekki kom-
ast inn munum við skoða leiðir
varðandi símenntun og fullorðins-
fræðslu til að finna úrræði þó fólk-
ið komist ekki í hefðbundið fram-
haldsskólanám,“ segir Katrín.
Vegna skrifstofulokana í fram-
haldsskólum er mikill hægagang-
ur á afgreiðslu umsókna í júlí, að
sögn Katrínar. „Þetta mun ekki
skýrast fyrr en í ágúst,“ svarar
Katrín spurningunni hvenær ljóst
verði hverjir komist í framhalds-
skólana. - vsp
Fimmtán manns sem koma úr 10. bekk eru ekki með pláss í framhaldsskólum:
Lögbundni aldurinn í forgang
KATRÍN
JAKOBSDÓTTIR
Menntamálaráð-
herra segir mál-
efni framhalds-
skólanna skýrast
í ágúst.
Slitastjórn-
in verður
að færa fram rök
ef þeir ætla að
hafna þessu,
GYLFI MAGNÚSSON
VIÐSKIPTARÁÐHERRA
STYRKIR Faglega ráðnum aðstoðar-
mönnum ráðherra tók að fjölga
þegar ríkisstjórn Sjálfstæðisflokks
og Samfylkingar tók við völdum
árið 2007. Þetta er meðal niður-
staðna BA-verkefnis Gests Páls
Reynissonar í stjórnmálafræði,
sem hlaut á dögunum verkefna-
styrk Félagsstofnunar stúdenta.
Þá segir í ritgerðinni að töluverð-
ur munur sé á bakgrunni aðstoðar-
manna ef tekið er mið af stjórn-
málaflokki ráðherra og virðist
einnig sem flokkstengsl séu mis-
jafnlega sterk eftir því um hvaða
stjórnmálaflokk er að ræða.
Þrjú önnur verkefni hlutu styrk
úr verkefnasjóðnum í gær. Eitt
þeirra, eftir Kristrúnu Guðmunds-
dóttur og Ragnheiði Erlu Eiríks-
dóttur, er á sviði hjúkrunarfræði
og fjallar um tíðni og alvarleika
mótorhjólaslysa á árunum 2003 til
2007. Í umsögn um verkefnið segir
að það hafi mikla samfélagslega
þýðingu og geti nýst yfirvöldum á
sviði löggæslu, umferðarmála og
heilbrigðismála og áhugafólki um
mótorhjól.
Þá hlutu styrk Anna Hinriks-
dóttir fyrir meistaraverkefni í
hagnýtri menningarmiðlun um
dagbækur Bjarna Jónssonar úr
Bólstaðarhlíðarhreppi og Sigríður
Klara Böðvarsdóttir fyrir doktors-
verkefni í líf- og læknavísindum
um litninga í brjóstaæxlum.
- sh
Félagsstofnun stúdenta úthlutar verkefnastyrkjum:
Rannsakaði aðstoðar-
menn ráðherraPÁFAGARÐUR, AP Benedikt XVI. páfi vill að fjármálakerfi heims
verði endur-
nýjað á grund-
velli siðferðis,
gagnkvæmrar
virðingar og
almannahags.
„Gróði er nyt-
samlegur til að
ná fram öðrum
markmiðum,“
segir hann í
þriðja páfabréfi sínu til kaþólsku
kirkjunnar. „Þegar gróði verður
eina markmiðið og hann er feng-
inn með óprúttnum aðferðum án
þess að stefnt sé að almannahag,
þá er hætta á að útkoman verði
eyðing auðs og sköpun fátæktar.“
Tímasetning páfabréfsins er
talin tengjast leiðtogafundi G8-
ríkjanna, sem nú stendur yfir . - gb
Páfi sendir frá sér boðskap:
Gróðahyggjan
er varasöm
BENEDIKT XVI. PÁFI