Fréttablaðið - 09.07.2009, Blaðsíða 18

18 9. júlí 2009 FIMMTUDAGUR
hagur heimilanna
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Langlundargeði Sigrúnar Elfu var misboðið eftir
að hún heimsótti Espresso-barinn á Lækjartorgi.
Hún skrifar: „Ég keypti kaffi og djús og súkkulaði-
kökusneið handa barnabarninu og kostaði þessi
kökusneið 790 krónur. Hún var í minni kantinum.
Ég áttaði mig ekki á verðinu fyrr en ég var búin að
borga. Daginn eftir átti ég leið í Sandholtsbakarí
á Laugaveginum og þar sá ég nákvæmlega eins
súkkulaðiköku. Ég spurði hvað sneiðin kostaði
þar og er hún seld á 520 krónur. Ég gat ekki orða
bundist við afgreiðslumanninn í bakaríinu og sagði
frá hvað sneiðin hefði kostað á Espresso-barnum.
Afgreiðslumaðurinn sagði mér að þeir keyptu
súkkulaðikökurnar hjá þeim. Ég bara hreinlega
skil ekki þessa verðlagningu. Það er greinilega
svona dýr flutningskostnaðurinn frá Sandholts-
bakaríi á Laugaveginum og niður á Lækjartorg!“
Í framhaldi af þessu bréfi gerði ég súkkulaðiköku-
sneiðarverðkönnun. Niðurstöðurnar eru eftirfar-
andi, en þess ber að geta að um ýmsar tegundir
súkkulaðikaka er að ræða.
Verð á súkkulaðikökusneið:
Ikea (terta dagsins) 215 kr.
Kaffi Hljómalind 400 kr.
Bláa kannan, Akureyri 590 kr.
Babalú 650 kr.
Café Loki 650 kr.
Kaffi París (frönsk) 690 kr.
Café Bleu (djöflaterta) 740 kr.
Hressó 750 kr.
Súfistinn 770 kr.
Kaffi Mílanó (Sacher) 930 kr.
Neytendur: Misdýrar súkkulaðikökusneiðar
Gaga súkkulaðikaka
Verslun með veiðivörur
hefur rokið upp síðustu
mánuði. Fréttablaðið kann-
aði málið og komst að því að
vörur í ódýrari kantinum
njóta síaukinna vinsælda.
„Ég kýs að orða þetta þannig að
við séum komin aftur í ástandið
sem við þekktum áður. Síðustu
þrjú árin, með þessum öfgum
sem ríktu í veiði, bílum, fatnaði,
úrum og nánast hverju sem var,
það partý er bara búið,“ segir
Ólafur Vigfússon, verslunarmað-
ur í Veiðihorninu. Veruleg veltu-
aukning hefur orðið í verslun-
inni síðustu mánuði, og að sögn
Ólafs skiptir þar mestu aukinn
fjöldi fjölskyldufólks, sem kalla
má „venjulegt fólk“, sem leitar í
veiðibúnað í ódýrari kantinum.
Að sama skapi segir Ólafur nokk-
urn samdrátt hafa orðið í sölu á
dýrari búnaði. „Við seljum ekki
jafn mikið af 100.000 króna vöðl-
um nú eins og var, þótt þær seljist
alltaf af og til. En meginástæðan
fyrir þessari auknu alhliða sölu
er að Íslendingar ferðast síður til
útlanda í sumarfríinu sínu. Hing-
að koma heilu fjölskyldurnar sem
vilja eyða sumarfríinu saman
í sínu tjaldi, kasta fyrir fisk og
njóta náttúrunnar. Þetta er aðal-
skýringin.“
Ólafur segir veiðimennsku
mjög ódýrt áhugamál, þvert á
það sem margir halda. „Fréttir
um veiði í fjölmiðlum fjalla yfir-
leitt allar um forstjóra og banka-
stjóra í laxveiði og allt bruðlið í
kringum það, sem er vissulega til,
en það er ekkert talað um norm-
ið sem er og hefur alltaf verið til
staðar. Ég býst við að þetta norm
sé að taka við aftur,“ segir Ólaf-
ur Vigfússon.
Guðmundur Guðmundsson,
starfsmaður í veiðideild Elling-
sen, segir nýliðinn júnímánuð
með þeim stærstu sem starfs-
menn muni eftir. „Við höfum
lent í því að lagerinn á ýmsum
vörum, sem við höfðum áætlað
að myndi duga fram undir versl-
unarmannahelgi, kláraðist strax
í júní. Sem betur fer er ekki allt
stopp alls staðar. Núna gengur
til að mynda vel í ferðaþjónustu,
og við erum hluti af því batteríi,“
segir Guðmundur Guðmundsson.
kjartan@frettabladid.is
Öfgarnar láta undan síga
ÓDÝRT TÓMSTUNDAGAMAN Veiðar þurfa ekki að kosta mikið, eins og þessir piltar
lærðu á leikjanámskeiði í Kópavogi. FRÉTTABLAÐIÐ/ANTON
Neytendasamtökin könnuðu verð á Livostin-augndropum í sjö apótekum.
Droparnir eru notaðir við óþægindum í augum vegna frjókornaofnæmis. Munur
á hæsta og lægsta verði er 34 prósent. Lægst er verðið í Apótekaranum og
Skipholtsapóteki en hæst í Lyfju. Þetta kemur fram í niðurstöðu samtakanna
sem birt var á mánudag.
Verðið í Apótekaranum er 2.213 krónur en droparnir kosta 2.972
krónur í Lyfju. Athygli vekur hversu lítið framboð af vörum er á augn-
dropamarkaðinum, samkvæmt könnuninni, því miðað við verðið á
þessari vöru er eftir einhverju að slægjast. Aðeins ein tegund augn-
dropa er seld í flöskum, Livostin, en einnig eru seldir dropar í litlum
kapsúlum frá Zaditen. Er þá úrvalið upptalið. Á Norðurlöndunum
eru mun fleiri tegundir augndropa á markaði og verðið jafnan
mun hagstæðara. Fyrir ári var verð á sömu augndropum kannað í
sex apótekum. Athyglisvert er að þrátt fyrir gríðarlega gengislækk-
un hefur verðið á dropunum ekki hækkað mikið. Greinilegt er að
apótekin hafa séð að sér og lækkað álagningu sína.
■ Verðmunur á augndropunum allt að 34 prósent
Dýrustu augndroparnir eru í Lyfju
Útgjöldin
> Meðalverð á einu kílói af vínberjum í maí
HEIMILD: HAGSTOFA ÍSLANDS
„Verstu kaup sem ég hef gert eru klár-
lega stigvél sem ég keypti til að bæta
heilsuna. Hún var keypt fyrir heimilið
og var aðeins einu sinni notuð að mig
minnir,“ segir Jóhann R. Benediktsson,
fyrrverandi lögreglustjóri á Suðurnesj-
um. Hann hefur frá því í haust starfað
hjá fyrirtækinu HBT International, sem
Kristjón, bróðir hans, stofnaði.
„Einhvers staðar sá ég stig-
vélina á tilboði og hélt
að þetta væri hið mesta
þarfaþing fyrir heimilið
en svo reyndist svo
sannarlega ekki vera,“
segir Jóhann.
Bestu kaup
Jóhanns, að hans
sögn, eru þó heldur
betur rómantískari. Árið 1996 keypti hann
pitsu á veitingastaðnum Horninu sem
endaði með hamingjusömu hjónabandi.
„Þetta var fyrsta alvöru stefnumótið
eftir að ég kynntist konunni sem síðar
varð eiginkona mína. Á veitingastaðnum
innsigluðum við formlega samband
okkar og eftir þessa máltíð hefur þetta
samband borið ríkulegan
ávöxt,“ segir Jóhann,
ánægður með pitsu-
kaupin. Ári síðar kom
svo hringurinn á fing-
ur konunnar og þar
með var sambandið
innsiglað til eilífðar
en þau hafa verið
gift síðan þá.
NEYTANDINN: JÓHANN R. BENEDIKTSSON, FYRRVERANDI LÖGREGLUSTJÓRI
Bestu kaupin voru pitsa á Horninu500
400
300
200
100
0
2005 2006 2007 2008 2009
21
6
kr
. 30
0
kr
.
31
3
kr
.
46
0
kr
.
42
6
kr
.
„Amma mín sem ég bjó með kenndi
mér mjög praktískt
húsráð, sérstaklega fyrir
mann eins og mig sem
er mjög oft í skyrtum,“
segir Greipur. „Það er að
þvo hvítar skyrtur með
ljósbláum skyrtum í
þvottavélinni. Þá verða hvítu skyrturn-
ar ennþá hvítari, þær einhvern veginn
hreinsast við það. Það mega samt
ekki vera dökkbláar skyrtur og kannski
er ekki sniðugt að gera þetta í fyrsta
skipti sem skyrturnar eru þvegnar.“
Hvítari skyrtur eru þó ekki eini kostur
húsráðsins því með því að þvo skyrt-
urnar saman sparast nokkrar ferðir í
þvottavélinni.
GÓÐ HÚSRÁÐ
ÞVÆR MISLITAR SKYRTUR
■ Greipur Gíslason, framleiðandi
Alþjóðlegrar kvikmyndahátíðar, þvær
hvítar og ljósbláar skyrtur alltaf saman.