Samvinnan - 01.09.1955, Blaðsíða 2

Útgefandi: Samband íslenzkra
samvinnufélaga.
Ritstjóri: Benedikt Gröndal.
Ritstjórn og afgreiðsla í
Sambandshúsinu, Reykjavík.
Ritstjórnarsími 7080.
Kemur út mánaðarlega.
Verð árgangsins kr. 50.00. •
Verð í lausasölu 5 kr.
Prentsmiðjan Edda.
Nokkur orð um útsvarsmál 3
Alþjóðasamband samvinnu-
manna sextíu ára........... 4
Nafn drottningarinnar, önn-
ur verðlaunasaga Samvinn-
unnar eftir Rósu B. Blöndals 6
Ferðasaga frá frostavetrinum
1917—18 eftir Sigurð Egils-
son frá Laxamýri....... . . 9
Sautján ára fuglateiknari ... 11
Afrekin batna ár frá ári, tíu
beztu afrek Islendinga í
frjálsum íþróttum, tekin
saman af Brynólfi Ingólfs-
syni ..................... 12
Svipir samtíðarmanna:
Nikolai Alexandrovich Bul-
ganin ............... 15
Hvernig verður hin íslenzka
hljómplata til? ........ 16
Sonur sakborningsins, fram-
haldssagan, sögulok .... 18
Frá iðnstefnu samvinnuverk-
smiðjanna á Akureyri . .21
Danska bókasýningin........ 22
Fréttir og fleira ..........29
SEPT. 1955
XLIX. ÁRG. 9.
KÁPAN á þessu hefti Samvinnunn-
ar er með nokkuð öðru sniði en venju-
lega, því að ekki hefur farið mikið
fyrir tízkumyndum framan á ritinu
hingað til. Þessi mynd er þó að vissu
leyti söguleg, ekki sízt fyrir samvinnu-
hreyfinguna, því að loðfeldirnir, sem
hinar fögru meyjar prýða, eru nýj-
asta framleiðsla elztu iðngreinar sam-
vinnufélaganna. Með öðrum orðum:
Skinnaverksmiðjan Iðunn hefur verk-
að íslenzk lambskinn á þann undra-
verða hátt, að úr þeim mátti sauma
loðfeldina. Sýnir þetta mætavel,
hvers íslenzkur iðnaður getur verið
megnugur, enda þótt hann vinni að-
eins úr íslenzkum hráefnum. Sem
betur fer virðist nú vera minnkandi
þörf á að kveða þessa góðu vísu, þvi
að margt bendir til þess, að almenn-
ingur í landinu hafi hraðvaxandi trú
á íslenzkri framleiðslu og styðji hana
betur en áður.
LOÐFELDIRNIR eru ekki vara, sem
unnt verður að framleiða mikið af,
enda þótt fleiri og fleiri íslenzkar kon-
ur ættu á næstu árum að eignast ís-
lenzka loðfeldi. Hins vegar er sá höf-
uðkostur á þessari framleiðslu Iðunn-
ar, að hún er ekki dýr, miðað við aðra
sambærilega vöru. Sennilegt er, að
slíkir feldir, sem myndirnar sýna,
muni kosta innan við 2000 krónur. •—
Stúlkurnar, sem brugðu sér í feldina
til að unnt væri að sýna myndir af
þeim í Samvinnunni, eru báðar skrif-
stofustúlkur hjá SÍS, Þórunn Böðv-
arsdóttir til vinstri á forsíðunni og
Ester Ólafsdóttir til hægri.
BANDARÍSKIR sérfræðingar í verzl-
unarmálum hafa komið hingað marg-
ir á þessu ári, og eru þeir á vegum
framleiðniráðs Evrópu og Iðnaðar-
málastofnunar íslands. Hafa hin
ýmsu verzlunarsamtök, þar á meðal
samvinnufélögin, hagnýtt sér leið-
beiningar þeirra og sótt námskeið
þeirra, sem haldin hafa verið fyrir
hundruðum manna og kvenna. Þess-
ir menn hafa yfirleitt reynt að leið-
beina og kynna nýjungar í verzlunar-
háttum, en þeir hafa líka Iátið í ljós
álit sitt á verzlunarháttum fslendinga.
Þykir þeim þjónusta í verzlunum hér
á landi vera léleg og telja mikið skorta
á, að starfsfólk verzlana hafi nægi-
lega þjálfun til að bera. Leggja þeir
sök í þessum efnum fyrst og fremst
við dyr verzlunarstjóranna, en þeir
telja það eitt höfuðhlutverk þeirra að
þjálfa starfsfólk sitt og gera því þann-
ig kleift að veita betri þjónustu. Þá
finnst hinum erlendu sérfræðingum.
að mikið þurfi að fegra og snyrta ís-
lenzkar verzlanir að utan og um-
hverfi þeirra allt.
MARGT AF ÞVÍ, sem þessir gestir
hafa bent á og lagt áherzlu á, hefur
verið hugsandi mönnum ljóst um
langan tíma, þótt einhvern veginn
virðist áhrifameira, þegar erlendir
sérfræðingar lýsa sömu sannindum.
Hér á landi þarf að gera mikið til að
bæta þjónustu verzlunarinnar við al-
menning, gera verzlanir aðgengilegri,.
veita starfsfólkinu meiri fræðslu til
þess að geta leiðbeint og hjálpað við-
skiptavinum betur og um leið bætt
hag verzlunarinnar með auknum við-
skiptum. Nú eru ýms teikn á lofti,
sem benda í þá átt, að breytingar á
verzlunarháttum séu framundan. Eru
hinar fyrirhuguðu sjálfsafgreiðslu-
verzlanir (enn vantar gott, íslenzkt
orð) eitt merkasta dæmi þess. Verða
fjórar slíkar verzlanir opnaðar á veg-
um samvinnufélaganna á næstunni, f
Austurstræti í Reykjavík, í Hafnar-
firði, á Selfossi og á Akureyri.
FYRSTA VERÐLAUNASAGA Sam-
vinnunnar, sem birtist í síðasta hefti,
hefur þegar vakið nokkra athygli,
eins og vænta mátti. T. d. birtist f
einu dagblaðanna langt viðtal við
höfundinn, Jón Dan. Kemur þar í ljós,
að hann á talsvert af ritverkum í fór-
um sínum, — hefur skrifað leikrit og
á skáldsögu í smíðum, sem fjallar um
svipað efni og verðlaunasagan. Verð-
ur fróðlegt að kynnast þessum verk-
um og fylgjast með höfundinum í
framtíðinni.
í þessu hefti birtist önnur verð-
launasagan, Nafn drottningarinnar,
eftir Rósu B. Blöndals, og í næsta hefti
birtist hin þriðja, Glóðin, eftir Bjart-
mar Guðmundsson.
FORSÍÐUMYNDIN og myndirnar á
bls. 21 eru teknar af ljósmyndastof-
unni Asis, íþróttamyndir á bls. 12 og
13 tók Ingimundur Magnússon og
Halldór Pétursson myndskreytti verð-
launasöguna. Myndir við greinina um
hina íslenzku hljómplötu eru fengnar
hjá íslenzkum tónum.