Samvinnan - 01.01.1964, Blaðsíða 12

ÞÁTTASKIL
Um leið og undirritaður hættir
afskiptum af tímaritaútgáfu sam-
vinnuhreyfingarinnar, sem um
skeið hefur verið felld undir
fræðslumiðstöð hennar í Bifröst,
virðist eðlilegt, að þeirri breytingu
fylgi nokkur greinargerð af hans
hendi.
—O—
Fræðslumiðstöðin í Bifröst er enn
I fyrstu mótun. Tekizt hefur að
hasla nokkrum hluta skólastarf-
semi samvinnuhreyfingarinnar þar
völl, þ. e. a. s. Samvinnuskólanum
sjálfum. Önnur skólastarfsemi, svo
sem Bréfaskólinn hefur ekki fengið
þar fast aðsetur, þótt honum eigi
að vera þaðan stjórnað. Námskeið-
in, er vera áttu þriðja grein skóla-
starfsemi hreyfingarinnar, hefur
orðið nokkur hornreka síðustu árin,
sumpart vegna lítils áhuga al-
mennings í landinu fyrir slíkum
skólarekstri, en sumpart vegna hins,
að ekki hefur gefizt nægilega mik-
ill tími til undirbúnings og skipu-
lagningar þessa mikilvæga þáttar.
Er það samt skoðun undirritaðs, að
einmitt í þeim þættinum kunni að
liggja tiltækustu möguleikarnir að
leysa ýmis þau vandamál starfs-
mannahalds samvinnufélaganna,
er erfiðust hafa reynzt síðustu árin.
Meðan verkefni, er snerta ein-
földustu uppbyggingu fræðslumið-
stöðvar samvinnuhreyfingarinnar í
Bifröst bíða þannig úrlausnar og
ýmsar aðstæður virðast ótvírætt
benda til, að endanleg lausn þeirra
sé ekki á næsta leyti, en mikið og
vaxandi starf framundan að auka
skólastarfsemina verulega og gera
hana fjölþættari, virðist full á-
stæða til að forðast að dreifa kröft-
um, sem Bifröst eru tengdir með
því að ætla þeim afskipti af enn
fleiri þáttum og óskyldari. Þar um
skiptir engu, þótt skipulagning og
sundurgreining verkefna hafi áður
verið hugsuð á annan veg. Aðstæður
dagsins í dag krefjast, að skólaþátt-
ur fræðslustarfseminnar fái að þró-
ast ótruflaður af annarlegum verk-
efnum, og þeir, sem honum sinna,
séu leystir undan vanda þeirra.
—O—
Tímaritaútgáfa samvinnuhreyf-
ingarinnar hlýtur að verða einn
höfuðþátturinn í fræðslustarfi
hennar. Nauðsynlegt er, að lausn
verkefna hans sitji í fyrirrúmi hjá
þeim, er hann annast. Slíkt getur
naumast orðið, ef tímaritaútgáfan
er sett við hlið skólastarfseminnar.
Það er því einnig af virðingu fyrir
hinum merka þætti ritaðs orðs til
útbreiðslu og eflingar samvinnu-
hugsjónarinnar í landinu, að sú
freisting er yfirunnin að auka veg
sinn með verkefnum, sem látin eru
sitja á hakanum, þegar skyldan við
hið lifandi orð kennslunnar kallar.
Ég sé sérstaka ástæðu til á þess-
um tímamótum að þakka sam-
starfsmönnum mínum öllum við
tímaritaútgáfuna, sem eiga með
mér draumsýnina um menningar-
miðstöðina í Bifröst, er gæti orðið
virkt og sérstætt afl í hugsjónabar-
áttu samvinnuhreyfingarinnar,
ekki sízt vegna þess, að þar er
stefnt öfugt við stundarþróun ís-
lenzks þjóðfélags, er öllum þáttum
hrúgar saman í Reykjavík og vill
koma þeirri trú á framfæri við ís-
lendinga, að utan Reykjavíkur sé
algert myrkur menningarlega.
Guðmundur Sveinsson.
m 03
Níunda skip
íslenzka
samvinnu-
flotans
Myndin sýnir uppdrátt af liinu nýja samvinnuskipi.
Hinn 3. desember sl. hljóp
af stokkunum í skipasmíða-
stöðinni Aukra Bruk A/S í
Noregi skip það, er Samband
íslenzkra samvinnufélaga á
þar í smíðum. Frú Borghildur
Jónsdóttir, kona Jakobs Frí-
mannssonar formanns SÍS,
gaf skipinu nafn. Það heitir
Mælifell og heimahöfn þess
verður Sauðárkrókur.
Þetta er vöruflutningaskip,
2750 burðarlestir, sérstaklega
ætlað til flutnings farma
einnar tegundar, t. d. á lausu
korni. Aðalvél skipsins verð-
ur af Deutz gerð, 2150 hest-
öfl og ganghraði með fulla
hleðslu er áætlaður 13 sjó-
mílur. Það er byggt eftir
ströngustu kröfum um gerð
slíkra skipa og er með ýmsar
nýjungar í útbúnaði. Það er
sérstaklega styrkt til siglinga
í ís og með tilliti til hinna
erfiðu hafnarskilyrða við
strendur íslands.
Það er gleðiefni allri þjóð-
inni, þegar nýtt og gott skip
bætist í siglingaflotann. Sér-
stakt fagnaðarefni er það
Samvinnufólkinu, að eignast
nú með nýju ári níunda sam-
vinnuskipið. Fyrsta skip
Sambandsins var Hvassafell.
Kom það til Akureyrar 27.
Framhald á bls. 27.
8 SAMVINNAN