Andvari - 01.01.1932, Page 63

Andvari
Heyþurkunarvél.
59
vit hafa á, myndu ljúka upp einum munni um það, að
betur verkað og fallegra hey sé ekki unnt að fá. —
Ýmsar skýrslur voru fyrir hendi, þar á meðal frá há-
skólunum í Oxford og Manchester, þar sem skýrt var
frá rannsóknum á heyi, sem þurkað var í vél þessari,
og bar þeim saman um það, að ekki væri mögulegt að
þurka hey svo vel á túní, hversu vel sem það hirtist,
að það missti ekki meira af fóðurmagni en hið vélþurk-
aða hey. Ekki skulu þær skýrslur birtar hér, enda voru
rannsóknirnar gerðar á ensku heyi, en ekki íslenzku.
Að eins skal þess getið, að aðal-næringarefnin í grasinu,
eggjahvíta, fita og sykurefni, reyndust koma næstum öll
fram í vélþurkaða heyinu, svo að sama sem ekkert af
þeim tapaðist, en það mun aldrei koma fyrir, hversu
vel sem hey hirðist úti.
Það verður ekki hjá þvi komizt, að kostnaðarhliðin á
þessu máli hlýtur að verða eftirtektarverð, þeim mönn-
um sérstaklega, sem reka landbúnað í smáum stíl. En
hins ber að gæta, að hér virðist vera um haganlega
vinnuaðferð að ræða, þar sem svo mikið er heyjað, að
leigja verður fólk til heyskaparins, svo að nokkru verulegu
nemi. Það er víst, að annmarkarnir eru miklir, en kostur
er það, að geta hirt hey sitt af ljánum, hvernig sem
viðrar, og fengið það betra en hingað til hefir þekkzt.
Hér hefir verið reynt að lýsa þessari nýung frá báð-
um hliðum, en láta ódæmt um það, hvort vér íslend-
ngar munum geta tekið hana upp, svo að nokkru muni.
Vona eg, að menn geti sjálfir dæmt um málið í aðal-
atriðum eftir þeim upplýsingum, sem hér eru saman
komnar.
Eins og um var getið, hefir hið enska félag búið til
fleiri en eina gerð af heyþurkunarvélum, en hafnað þeim
aftur, nema hinni síðustu. Þetta bendir til þess, að