Andvari - 01.01.1932, Page 93

Andvari
Enn um kornyrkju á íslandi.
89
Ef nú um það er spurt, hvort korn ræktað á íslandi
sé eins næringarríkt og erlent sömu tegundar, þá er því
til þess að svara, að fáum rannsóknum er á að byggja
í því efni. Tvær efnarannsóknir hafa verið gerðar á
byggi og ein á höfrum, og sýna þær, að efnainnihald
íslenzks korns og erlends er mjög svipað.
Um hálminn má segja, að hann virtist vera betri en
erlendur hálmur, og er vel nýtilegt fóður með minna
fóðurbæti en þarf með erlendum hálmi. Fyrir þessu
hefi ég töluverða reynslu.
Nú munu margir halda, að árangur sá, sem hér hefir
lítillega verið minnzt á, sé nokkuð einhæfur og reynslan
einhliða. Má vel vera, að svo sé, en þó ekki að öllu.
Land það, sem notað hefir verið á Sámsstöðum til
kornyrkjunnar, hefir hvergi nærri verið gott kornyrkju-
land. Mikið af kornlandinu hefir verið nýbrotin jörð,
framræst mýrlendi og fremur raklendir leirmóar, meðlitlum
halla. Hentugasti jarðvegurinn er sandkennd leirmóajörð.
Þá má og benda á, að korn, einkum bygg, hefir verið
reynt til ræktunar víðar en á Sámsstöðum, þótt nýting
hafi orðið misjöfn. Ég hefi reynt bæði bygg og hafra í
Gunnarsholti og Stóra-Hofi á Rangárvöllum, og hafa
báðar þessar korntegundir náð þar fullum þroska. —
Bygg hefir verið reynt á Rauðnefsstöðum á Rangár-
völlum og náð þar þroska; sömuleiðis verið reynt í
Ásum í Skaftártungu og Blikastöðum í Mosfellssveit.
Mjög víða í Holtum í Rangárvallasýslu, Dalsseli í Land-
eyjum, Hafursá í Fljótsdalshéraði og víðar, og alstaðar
á þessum stöðum náð sæmilegum þroska.
Það eru því nokkrar sannanir fengnar fyrir því, að
bygg nær fullum þroska í líku árferði sem undanfarin ár.
Af því, sem nú hefir verið sagt og færðar sönnur á,
má ætla, að kornyrkja eigi erindi til íslenzkra bænda,