Fréttablaðið - 04.09.2009, Blaðsíða 6

6 4. september 2009 FÖSTUDAGUR
Má starfsemi Alþjóðahúss
missa sín?
JÁ 47,8%
Nei 52,2%
SPURNING DAGSINS Í DAG:
Telur þú mansal vera vandamál
hér á landi?
Segðu þína skoðun á visir.is
ORKUMÁL Borgarráð frestaði í
gær afgreiðslu á sölu Orkuveitu
Reykjavíkur á 32 prósenta hlut í
HS Orku til kanadíska orkufyrir-
tækisins Magma Energy um viku.
Borgarráðsfulltrúar meirihlutans
styðja söluna en fulltrúar minni-
hlutans lögðu fram á fjórða tug
fyrirspurna vegna hennar.
Tilboð Magma í hlut Orkuveit-
unnar er ásættanlegt fyrir Orku-
veituna, og niðurstaðan fjárhags-
lega góð fyrir félagið, segir í
tilkynningu frá meirihluta borg-
arráðs, fulltrúum Sjálfstæðis-
flokks og Framsóknarflokks. Það
sé fagnaðarefni að erlendir aðil-
ar hafi áhuga á að koma með fjár-
magn inn í landið.
Fjármálasvið Orkuveitunnar
telur andvirði samningsins um 12
milljarða króna. Útreikningar á
verðmæti samningsins hafa verið
yfirfarnir af ytri endurskoðendum
Orkuveitunnar, og hafa þeir stað-
fest mat fjármálasviðs, segir í til-
kynningu meirihlutans. Pólitískum
reikningsaðferðum Samfylkingar-
innar sé því vísað á bug.
Fulltrúi Vinstri grænna í borg-
arráði lagði í gær til að teknar yrðu
upp viðræður við ríkisvaldið með
það að markmiði að HS Orka verði
alfarið í opinberri eigu. Þeirri til-
lögu var vísað frá.
Í bókun meirihlutans vegna frá-
vísunarinnar segir að söluferli á
hlutnum í HS Orku hafi verið langt
og málsmeðferð vönduð. Ríkið hafi
haft hálft ár til að koma að ferlinu
en ekki sýnt því áhuga fyrr en til-
boð Magma hafi legið fyrir.
Borgarráðsfulltrúar Samfylk-
ingarinnar lögðu í gær fram lista
með 32 spurningum vegna sölu á
hlut Orkuveitunnar til Magma.
Fulltrúar Samfylkingarinnar
vilja meðal annars fá rökstuðn-
ing fyrir því að 1,5 prósent vextir
á eftirstöðvum kaupverðsins, sem
er í Bandaríkjadölum, séu ásætt-
anlegir. Þeir benda á að miðað við
meðalverðbólgu í Bandaríkjunum
síðastliðinn áratug séu þetta nei-
kvæðir vextir og vilja fá útreikn-
inga á því hversu neikvæðra raun-
vaxta megi vænta. Einnig hversu
mikið gengistap verði vegna láns-
ins ef krónan styrkist áður en lánið
verður greitt upp eftir sjö ár.
Þá biðja þeir um upplýsing-
ar um það hverjir standi að baki
þeim eignarhaldsfélögum sem eigi
Magma Energy og Geysi Green
Energy. Geysir Green á meirihluta
í HS Orku.
Vinnubrögðin sem viðhöfð hafa
verið við sölu á hlutnum í HS Orku
hafa einkennst af undanbrögðum
og óhreinskilni, að mati Ólafs F.
Magnússonar, borgarfulltrúa F-
lista. Í bókun Ólafs, sem lögð var
fram í borgarráði í gær, er þess
krafist að tillaga Ólafs um bann
við sölu á eignum almennings í
orkulindum og orkufyrirtækjum
til einkaaðila verði afgreidd áður
en málefni HS Orku verði tekin
fyrir á ný.
brjann@frettabladid.is
Fresta sölu á hlut í
HS Orku um viku
Verðmæti samnings um sölu OR á hlut í HS Orku er um 12 milljarðar króna
samkvæmt fjármálasviði OR. Minnihlutinn í borgarráði vill svör við á fjórða
tug spurninga um fyrirhugaða sölu. Fulltrúi F-lista mótmælir vinnubrögðum.
ORKA Hart var tekist á um sölu á hlut Orkuveitu Reykjavíkur í HS Orku á fundi borg-
arráðs í gær og afgreiðslu málsins frestað um viku. FRÉTTABLAÐIÐ/VALLI
REYKJANESBÆR Árni Sigfússon, bæj-
arstjóri Reykjanesbæjar, undir-
strikaði mikilvægi þess að þau 55
þjóðarbrot sem nú búa í bæjarfé-
laginu geti lifað og starfað saman
í sátt og samlyndi í setningarræðu
Ljósanætur í gær. Hátíðin var sett
í tíunda sinn við Myllubakkaskóla
í gærmorgun, þegar nemendur
í leik- og grunnskólum bæjarins
slepptu 2.000 blöðrum upp í loft-
ið.
Nemendurnir gengu í skrúð-
göngu, hver frá sínum skóla, og
tengist gangan og setningin friði,
gleði og fjölmenningu. Ganga
barnanna var í raun þjófstart á
Heimsgöngu til friðar, sem hefst
formlega þann 2. október næst-
komandi.
Megininntak Heimsgöngunnar
er að jarðarbúar hjálpist allir að
við að skapa á jörðinni kringum-
stæður sem leitt geta til friðar og
tilvistar án ofbeldis.
Við tekur fjölbreytt dagskrá
Ljósanætur, en áhersla verður lögð
á tónlistarviðburði í tengslum við
tíu ára afmæli hátíðarinnar. - kg
Börn í Reykjanesbæ „þjófstörtuðu“ friðargöngu við setningu Ljósanætur:
Umburðarlyndi undirstrikað
HÁTÍÐIN SETT Nemendur í leik- og grunnskólum bæjarins slepptu tvö þúsund
blöðrum við setningu Ljósanætur. MYND/VÍKURFRÉTTIR
REYKJAVÍK Borgarráð samþykkti á
fundi sínum í gær að kanna kosti
þess að selja bílastæðahús borg-
arinnar til einkaaðila. Tillagan
var lögð fram af fulltrúa Vinstri
grænna og samþykkt með atkvæð-
um hans og meirihluta Sjálfstæðis-
flokks og Framsóknarflokks.
Þorleifur Gunnlaugsson, borgar-
fulltrúi Vinstri grænna, segir að
eðlilega reki margir upp stór augu
þegar hugmyndir um einkavæð-
ingu kvikna í herbúðum Vinstri
grænna. Á tímum mikilla efna-
hagsþrenginga ríði hins vegar á
að sýna ábyrgð.
„Bílastæðahús tilheyra í sjálfu
sér ekki samfélagslegum verkefn-
um,“ segir Þorleifur, og því geti
verið eðlilegt, þegar verulegur nið-
urskurður er fyrirséður hjá borg-
inni, að kanna hvort annaðhvort
megi spara fé eða afla þess eftir
þessari leið.
Fulltrúar Samfylkingarinnar í
borgarráði sátu hjá við afgreiðsl-
una og bókuðu fyrirvara við málið.
Í henni segir að Samfylkingin hafi
fyrirvara á slíkum einkavæðingar-
áformum, enda sé augljóst að þau
gætu leitt til stórhækkunar á bíla-
stæðagjöldum í borginni.
Þá sé vandséð hvernig hægt sé
að skilja stefnu um verðlagningu
og aðgengi að miðborginni frá
rekstri bílastæðahúsa. - sh
Borgarfulltrúi Vinstri grænna lætur kanna einkavæðingu bílastæðahúsa:
Möguleg sala bílastæðahúsa skoðuð
BÍLASTÆÐAHÚS Nú á að skoða hvort
bílastæðahús borgarinnar skuli seld til
einkaaðila. FRÉTTABLAÐIÐ/GVA
UMHVERFISMÁL Staðfest hefur
verið að skipsflak sem Landhelg-
isgæslan fann á um 90 metra dýpi
á botni Faxaflóa nýverið er flak
bandaríska strandgæsluskipsins
Alexander Hamilton sem grandað
var af þýskum kafbáti árið 1942.
Þetta er niðurstaðan eftir
að bornar voru saman mynd-
ir af skipsskrúfum sem teknar
voru með á mánudag og gögn frá
bandarísku strandgæslunni.
Georg Lárusson, forstjóri
Landhelgisgæslunnar, sagði í
samtali við Vísi að skipið hafi trú-
lega verið það fyrsta sem Banda-
ríkjamenn hafi misst eftir árás-
ina á Pearl Harbour árið 1941. - bj
Flak sögufrægs skips fundið:
Staðfest með
samanburði
RÚSSLAND, AP Hæstiréttur Rúss-
lands vísaði óvænt í gær til föð-
urhúsanna úrskurði undirréttar
og veitti fjölskyldu myrtu blaða-
konunnar Önnu Politkovsköju
heimild til að fara fram á víðtæk-
ari rannsókn en áður hefur verið
gerð í málinu.
Politkovskaja var myrt í íbúð-
arblokk í Moskvu haustið 2006.
Hún hafði gagnrýnt stjórn
Vladimírs Pútín fyrir mannrétt-
indabrot í Tsjetsjeníu.
Þrír menn hafa verið sýknaðir
af minni háttar aðild að morðinu,
en enn hefur enginn verið ákærð-
ur fyrir sjálft morðið. Óvíst er
hvort úrskurður Hæstaréttar
verður til þess að málið verði
rannsakað í þaula. - gb
Morðið á Politkovsköju:
Hæstiréttur vill
nýja rannsókn
ANNA POLITKOVSKAJA Morðinginn er
enn ófundinn. FRÉTTABLAÐIÐ/AP
TRÚMÁL Valnefnd Hafnarfjarðar-
prestakalls ákvað í gær að leggja
til að sr. Guðbjörg Jóhannesdótt-
ir verði skipaður prestur í Hafn-
arfjarðarprestakalli. Embættið
veitist frá 1. október.
Guðbjörg Jóhannesdóttir vígð-
ist til Sauðárkróksprestakalls 5.
ágúst 1998. Hún þjónaði þar í níu
ár, eða til hausts 2007. Frá þeim
tíma hefur hún meðal annars
þjónað í Háteigskirkju, Selfoss-
kirkju og Neskirkju. Guðbjörg
er með MA-próf í sáttamiðlun og
átakastjórnun frá Háskólanum í
Kaupmannahöfn. Átta umsækj-
endur voru um embættið. Biskup
Íslands skipar í embættið til
fimm ára að fenginni umsögn
valnefndar. - kh
Nýr prestur í Hafnarfirði:
Guðbjörg þjónar
Hafnfirðingum
5.000 vagnar enn óskoðaðir
Enn á eftir að skoða rúmlega 5.000
fellihýsi, tjaldvagna og hjólhýsi skráð
fyrir árið 2005. Samkvæmt nýlegri
reglugerð átti að skoða þá fyrir 1.
ágúst síðastliðinn. Frestur hefur verið
veittur til að láta skoða vagnana til 1.
október, þegar vanrækslugjald verður
lagt á eigendur þeirra.
UMFERÐARMÁL
ÍRLAND, AP Stuðningur við ríkis-
stjórn Írlands hefur aldrei verið
minni, samkvæmt nýrri skoðana-
könnun. Stjórnmálamenn segja
auknar líkur á að efnt verði til
kosninga.
Stuðningur við stjórnarflokk-
inn Fianna Fáil, sem hlaut rúm-
lega 40 prósent atkvæða í kosn-
ingunum 2007, mælist nú aðeins
um 17 prósent og hefur aldrei
verið minni. Stuðningur við sam-
starfsflokk þeirra, Græningja,
mælist 3 prósent. Samanlagð-
ur stuðningur við tvo stærstu
flokkana í stjórnarandstöðu,
Fianna Gael og Verkalýðsflokk-
inn, mælist aftur á móti 58 pró-
sent. Írland varð illa úti í fjár-
málakreppunni og telur formaður
Græningja líkurnar á að efnt
verði til kosninga fara vaxandi.
- bs
Líkur á kosningum á Írlandi:
Ríkisstjórnin
aldrei óvinsælli
GABON, AP Ali Bongo Ondimba,
sonur nýlátins einræðisherra
í Afríkuríkinu Gabon, Omars
Bongo, var í gær lýstur sigur-
vegari í forsetakosningum sem
haldnar voru síðastliðinn sunnu-
dag.
Sautján frambjóðendur voru í
kjöri, en Ondimba er sagður hafa
fengið tæp 42 prósent atkvæða.
Hann hafði mun meira fé til
umráða í kosningabaráttunni en
aðrir frambjóðendur.
Töluverður órói hefur verið
í landinu síðustu daga, meðan
úrslita hefur verið beðið. Í gær
beitti lögregla táragasi á hóp mót-
mælenda. - gb
Kosningaúrslit í Gabon:
Sonur tekur við
af föður sínum
ALI BONGO ODIMBA Hafði meira
fjármagn til kosningabaráttunnar en
mótframbjóðendurnir. FRÉTTABLAÐIÐ/AP
LÖGREGLUMÁL Maður sem hugðist
ræna verslun í verslunarmiðstöð
á höfuðborgarsvæðinu í fyrra-
kvöld var gómaður áður en hann
lét til skarar skríða. Óeinkennis-
klæddir lögreglumenn sáu mann-
inn grímuklæddan og með barefli
og handtóku hann þegar í stað.
Þá voru tveir unglingspiltar
staðnir að búðarhnupli í verslun
10-11 í Glæsibæ í fyrrinótt. Þegar
starfsmaður sá til þjófanna lögðu
þeir á flótta en skildu þýfið eftir.
- kh
Þjófar staðnir að verki:
Grímuklæddur
ræningi gripinn
KJÖRKASSINN