Fréttablaðið - 04.09.2009, Síða 13

FÖSTUDAGUR 4. september 2009
MENNTUN Í haust hefst nýtt nám í
Norðurlandafræðum við Háskóla
Íslands, þar sem lögð verður sér-
stök áhersla á norræn tjáskipti og
menningu. Námið, sem gefur mast-
ersgráðu, er ætlað þeim sem hafa
lokið BA-eða BS-gráðu og hafa að
minnsta kosti eitt Norðurlandamál
á hraðbergi.
Jón Yngvi Jóhannsson, einn
kennaranna, segir að með náminu
sé ætlunin að efla norrænt sam-
starf. Nemendur verði mun hæfari
til þátttöku í því að náminu loknu.
Námið er fjölbreytt og mun
fjöldi gestakennara frá Norður-
löndunum hafa umsjón með því.
Jón Yngvi segir að í sínum hluta
taki nemendur þátt í bókmennta-
hátíð og eins í málþingi um Knut
Hamsun sem haldið verður í okt-
óber.
Jón Yngvi segir norrænt sam-
starf síst vera á undanhaldi og
raunar séu líkur á að það verði æ
mikilvægara. „Geysilega mikið af
öllu starfi í háskólum, stjórnsýslu
og því sem viðkemur menningar-
lífi byggir á norrænu samstarfi.
Það verður manni mun fremur að
gagni ef maður hefur innsýn í mál
og menningu hinna Norðurland-
anna. Ég hef grun um að norrænt
samstarf verði mun mikilvægara
á næstunni, ekki síst ef við förum
inn í Evrópusambandið.“
Námið tekur tvö ár, en hægt er
að ljúka diplómanámi eftir eitt ár.
Umsóknarfrestur rennur út 15.
september. - kóp
Nýtt mastersnám í Norðurlandafræðum:
Námið ýtir undir
norrænt samstarf
NÁMIÐ KYNNT Kynningarfundur fyrir mastersnám í Norðurlandafræðum fór fram í
gær. Umsóknarfrestur rennur út 15. september. FRÉTTABLAÐIÐ/VILHELM
MENNTUN Meistaranám í skipulags-
fræðum hóf göngu sína í Landbún-
aðarháskólanum á Hvanneyri nú á
haustmisseri.
Að sögn Sig-
ríðar Kristjáns-
dóttur, lektors í
skipulagsfræði
við skólann, þá
er mikil þörf
fyrir skipulags-
fræðinga t i l
starfa á Íslandi;
t i l starfa í
stjórnsýslunni,
bæði á sveitarstjórnarstigi og í
ráðuneytum.
„Við vonumst til þess að bæta
þekkingu og skipulagsmenningu á
Íslandi með náminu,“ segir Sigríð-
ur sem hefur doktorsnám í faginu
að baki. Skipulagsmál hafa verið
mikið til umfjöllunar undanfarin
ár og segir Sigríður að margt hefði
mátt betur fara í þeim málum;
starfskraftar menntaðra skipu-
lagsfræðinga eigi þannig örugg-
lega eftir að nýtast vel.
„Tilgangur námsins er þó alls
ekki að gagnrýna allt og alla held-
ur að kenna réttar aðferðir við
skipulagsmál,“ segir Sigríður. Hún
hefur sjálf oft verið kölluð til sem
sérfróður dómari í dómsmálum
sem tengjast skipulagi og bend-
ir á að með betra unnu skipulagi
megi forðast slíkar deilur og þar
með spara milljónir.
Nám í skipulagsfræðum er opið
öllum sem hafa lokið BA- eða BS-
námi í háskóla en nemendur sem
koma úr ólíkum greinum geta
tekið námskeið á BS-stigi samhliða
náminu til að bæta við grunnþekk-
ingu á faginu. Einnig verða endur-
menntunarkúrsar í boði. - sbt
Meistaranám í skipulagsfræðum kennt á Hvanneyri:
Skipulagsfræðinga
vantar til starfa
UMDEILT Margar ákvarðanir í skipulagsmálum hafa verið umdeildar undanfarin ár, til
dæmis framkvæmdir við Höfðatorg í Borgartúni. FRÉTTABLAÐIÐ/GVA
SIGRÍÐUR
KRISTJÁNSDÓTTIR
Geysilega mikið af
öllu starfi í háskólum,
stjórnsýslu og því sem viðkemur
menningarlífi byggir á norrænu
samstarfi
JÓN YNGVI JÓHANNSSON
KENNARI Í NORÐURLANDA-
FRÆÐUM VIÐ HÍ