Fréttablaðið - 01.10.2009, Qupperneq 39

FIMMTUDAGUR 1. október 2009 3
Tískan er alltaf á skjön við okkar daglega líf og þess vegna kynna tísku-hönnuðir tísku sumars-
ins 2010 þegar við erum að taka
fram vetrarúlpur og peysur. Nú
rétt fyrir opnun tískuvikunnar
í París spyrja menn sig þeirrar
spurningar hvort kreppan (til að
mynda í tískunni) sé liðin hjá.
Það hefur vissulega verið minna
um stórfenglegar sýningar síð-
ustu misseri og bæði hönnuðir
og innkaupastjórar hafa haldið
sig við þá vöru sem líklegust er
til þess að seljast frekar en að
bjóða upp á framúrstefnulega
tísku. Eftir tískuvikuna í París
verða tískufræðingar búnir að
horfa á 386 sýningar, hvorki
meira né minna.
Ef marka má nýafstaðnar
tískuvikur bæði í Mílanó, New
York og Lundúnum má kannski
láta sig dreyma um endalok
kreppunnar. Andrúmsloftið var
líflegra og hönnunin skemmti-
legri, bæði hvað varðar stíl og
liti. Hressandi þegar litið er á
þá drungalegu tísku sem seld
er í búðum um þessar mundir.
Næsta sumar verður undir
yfirskrift lita og gleði og meiri
dirfska í hönnun.
Tvennt er merki um uppgang
í tískunni. Í Lundúnum var tals-
vert meira af innkaupastjórum
á tískuviku en undanfarið og
þrátt fyrir samdrátt í Evrópu og
Bandaríkjunum er sífellt stærri
hluti af markaðnum í Indlandi,
Kína og nokkrum löndum í
austri þar sem kreppan hefur
haft minni áhrif og efnameiri
eru sífellt fleiri. Af þessu njóta
tískuhúsin góðs.
Annað sem einnig er talið
vera tákn um hækkandi loftvog
í tískunni, þessum annars yfir-
borðslega heimi, er hversu
mörg kampavínsteiti eru í boði,
hversu margir eru boðnir og
auðvitað umfram allt hversu
margar stjörnur láta sjá sig. Í
New York á dögunum var það
opnun á nýjum veitingastað,
Boom Boom Room, sem dró
að fimm hundruð manns,
meðal annarra stjörnur eins og
Madonnu og Jude Law. Þetta
er heitasta heimilisfangið í
dag. Í London var það sýning
Burberry Prorsum sem dró
að flesta úr þotuliðinu eins og
Victoriu Beckham, Gwyneth
Paltrow, Liv Tyler og fleiri en
tískuvikan í Lundúnum á tut-
tugu og fimm ára afmæli um
þessar mundir. Á sýningunum
hvort sem var í New York,
Mílanó eða London einkennd-
ist andinn af bjartsýni og því að
vilja gleðja augað. Þarna sáust
skemmtileg kvenleg snið með
þröngu mitti, breiðum herðum
og stuttum síddum og hálsmálið
er svo flegið að nánast sést
niður í nafla. Litirnir verða
skærir, til dæmis bleikir, turkis-
bláir en einnig vatnsgrænir og
laxableikir með nokkrum tónum
af ljósum sandlit.
Það verður því spennandi að
fylgjast með tískusýningunum
hér í París sem hefst í dag og
sjá hvort endalok kreppunnar
staðfestast hér líka.
bergb75@free.fr
Kreppan á enda í tískuheiminum
Hátískuhönnuðurinn franski,
Sonia Rykiel, hannar undirföt og
prjónafatnað fyrir fatamerkið
H&M.
Rykiel verður nokkurs konar
gestahönnuður verslunarkeðj-
unnar H&M í tvö misseri. Fyrir
þennan vetur mun hún hanna sér-
staka línu af undirfötum og fyrir
vorið prjónalínu með fylgihlutum
í stíl, fyrir konur og stúlkur frá 18
mánaða til 8 ára.
Undirfatalínan kemur í verslan-
ir í byrjun desember í 1.500 H&M-
verslunum. Þá verða undirfötin
einnig til sölu í verslunum Soniu
Rykiel um allan heim. Prjónalín-
an kemur síðan í verslanir í lok
febrúar.
Rykiel er heimsþekkt í heimi
hátískunnar og hefur sett mark
sitt á tískuheiminn frá árinu 1968.
Hún hefur oft kallað hönnun sína
„démodé“ eða ótísku. Hún er
þekktust fyrir peysur sínar, áber-
andi rendur á svörtum grunni,
hnyttin slagorð, sauma að utan-
verðu og að sjálfsögðu alpahúf-
ur eins og sönnum Parísarbúa
sæmir.
Hún hefur unnið fjölda við-
urkenninga og hefur samið níu
bækur og allt frá árinu 1975
hafa undir fyrirtæki hennar
verið hannaðar línurnar Sonia
by Sonia Rykiel, Rykiel Woman
og Rykiel Enfant, svo og skór og
fylgihlutir.
Sonia fylgir nú í fótspor ann-
arra frægra hönnuða sem starf-
að hafa fyrir H&M undanfarin ár.
Þar má nefna Stellu McCartney,
Karl Lagerfeld, Rei Kawakubo frá
Comme des Garçons og Matthew
Williamson. Nýjasta viðbótin er
svo sérhönnuð lína skóa, veskja
og fatnaðar frá Cimmy Choo sem
kemur í verslanir í nóvember. - sg
Sonia Rykiel
hannar fyrir H&M
Franski fatahönnuðurinn Sonia Rykiel mun hanna föt fyrir H&M.
ÚR HÁBORG TÍSKUNNAR
Bergþór Bjarnason skrifar frá París
ANDAM-tískuverðlaunin voru veitt
í tuttugasta sinn í vikunni. Þá var
tilkynnt að breski fatahönnuðurinn
Giles Deacon
hlyti verðlaunin.
Athöfnin fór
fram með
pomp og pragt
í gylltum sölum
menningarráðu-
neytis Frakka
sem er til húsa
á fyrrverandi
heimili Jérôme
Bonaparte,
yngsta bróður
Napóleons.
ANDAM
(Association
Nationale pour le Développement
des Art de la Mode) eru verðlaun
styrkt af frönskum yfirvöldum og
eru ein elstu verðlaun í heimi sem
styðja við unga og upprennandi
hönnuði. Þau voru fyrst veitt árið
1989 að undirlagi Nathalie Dufour
og Pierre Bergé sem var einn af
stofnendum Yves Saint
Laurent.
Deacon, sem útskrif-
aðist árið 1992 frá
Central Saint Martins,
kom fram með
eigin tískulínu árið
2003. Hann var
útnefndur tísku-
hönnuður ársins
í Bretlandi árið
2006.
Deacon mun
sýna í fyrsta sinn
í París hinn 8.
október næst-
komandi.
ANDAM-tískuverð-
launin veitt í 20. sinn
GILES DEACON HLÝTUR ANDAM-
TÍSKUVERÐLAUNIN VIÐ UPPHAF
TÍSKUVIKUNNAR Í PARÍS
Giles Deacon
hlaut ANDAM-
tískuverðlaunin
í ár.