Fálkinn - 21.06.1961, Blaðsíða 6

■
Ég hef hitt menn sem hafa sett upp
fyrirlitningarsvip þegar ég hef spurt þá
ósköp sakleysislega: ætlarðu ekki á
völlinn í kvöld? Á völlinn? Nei, takk,
ég hef enga ánægju af að sjá 22
menn hlaupa á eftir einum bolta! Og
sem þeir segja þetta reka þeir upp
hrossahlátur og gretta sig gáfulega á
eftir.
Það eru nefnilega sumir sem halda
að það sé skortur á skynsemi að hafa
gaman af að sjá 22 menn elta einn bolta.
Einu sinni átti ég þess kost að ræða
við tvo „hámenntaða“ Spánverja og þeir
tóku það sérstaklega fram að þeir færu
aldrei að horfa á knattspyrnukappleik
eins og sauðsvartur almúginn þar syðra.
Þegar þeir voru búnir að gefa þessa yf-
irlýsingu þóttust þeir sannfærðir um
að nú væri ég ekki lengur í vafa um
hvar þeir væru staddir á sviði intelli-
gensunnar.
Persónulega er ég ekki greindari en
gengur og gerist og til allrar hamingju
ekki svo gáfaður að ég hafi ekki gaman
af knattspyrnu. En það er með mig eins
og svo marga fleiri að ég hef eins mikla
raun af að sjá lélega knattspyrnu og á-
nægju af að sjá góða knattspyrnu.
Þegar þetta er hripað niður hafa
gestir frá Skotlandi leikið hér tvo leiki
og leikið landana sundur og saman svo
legið hefur við að maður hafi verulega
fundið til með strákunum okkar. En svo
Stutt spjall um völlinn og þá sem haía
ánægju af að sjá tuttugu og tvo menn
hlaupa á eftir einum bolta...
6 PÁLKINN