Fálkinn - 21.06.1961, Blaðsíða 31
gegn því. Þetta rit er til í mörgum
handritum og hefur þótt merkilegt. Hér
verður nú til tínt nokkuð smávegis úr
riti séra Guðmundar og stuðzt við rit-
gerð Ólafs Davíðssonar um galdur og
galdramál.
★
Séra Guðmundur sannar með biblíunni
og tilvitnunum í ýmsa kirkjufeður að í
Fjandafælu sé ekki orð af viti. Hann
segir að Jón hafi „hjúfrað djöfulinn að
sér“ og að Fjandafæla sé „djöflanna
skækja, en faðirinn sjálfur þeirra flón
og narri“. „Jóns Guðmundssonar diktur
er hentugri að vera grashagi djöflanna
en grashagi Kristí sauða“. „Þessi af-
rekskappi, sem svo segist á Snjáfjöllum
hólmgöngu framið hafa við þann draug,
sem þar kastaði sorpi, beinum og stein-
um opinberlega nótt og dag, hann
sjálfur yfir lýsir þeim virðingartitli og
lofstír, sem hann þar vestra í þann tíma
af þvílíkri konst segist fengið hafa, sem
er, að sín þjónustugjörð hafi af andlegu
valdi sem veraldlegu sér þökkuð verið,
svo sem hjálp og aðstoð af himnaföð-
urnum send. Og sannarlega, hann hefur
um stund hér á kjálka í stóru afhaldi
verið hjá alþýðunni, einkum þá einn eð-
ur annar hefir reynt freistingar þess
vonda anda.“ Er auðsætt að prófasti
hefur blöskrað það álit er Jón naut hjá
mörgum fyrir kunnáttu sína. Hann tel-
ur Jón til „fífldjarfra fantasta, sem hafa
að eins vizkunnar yfirlit fyrir útvalinn
heilagleik, fara með fáfeingilegt hé-
gómatal, svo heimsk alþýða dáist að.“
„Þessi sami maður hefir með svo smekk-
góðri beitu hér á kjálka um stundir
dregið heimulega að sér vitgranna
menn, sem meir hafa elskað djöfulsins
lygar sér og sínum sálum til glötunar
en sannleik guðs sér og sínum sálum
til sáluhjálpar, hverir alhuga óskað
hafa, svo sém ég hefi með mínum eyr-
um upp á heyrt, að þeir mættu Jóns
Guðmundssonar vísdóms fyrir sál og
líf njótandi verða.“
Séra Guðmundur klykkir út með
þessum orðum: „Hvar verður þá (þ. e.
á dómsdegi) Jón Guðmundsson með
alla sína djöflasvæfing á Snjáfjöllum
eða Fjandafælu sína og öllu því fíflsku-
drafli og heimskuþvagli sem þar í stend-
ur, með hverju hann hefir svo hér á
kjálka um nokkur ár sem vestra æst
og fælt vitgranna menn? Hvar, segi ég,
mun hann og þess konar svikarar og
djöfulsins útsendarar með öllum sín-
um kraftaverkum þá lenda? Svar: í
helvíti, nema þeir í tíma sjái að sér.“
Séra Guðmundur hafði og komizt yf-
ir galdrakver, samið af Jóni. Fjallar því
mikill hluti rits hans um það, með harla
óvægum orðum. Og 1627 var svo kom-
ið, vafalaust að miklu leyti fyrir áhrif
Guðmundar prests, að Jón lærði hrökkl-
aðist af Snæfellsnesi og suður á Akranes.
Enn átti hann eftir stormasaman feril,
sem hér verður ekki rakinn. Yfirgefum
við hér Snæfjalladrauginn og mál hans.
(Heimildir: Annálar 1400—1800; Reisu-
bók Jóns Indíafara; Þjóðsögur Jóns
Árnasonar; Huld; Galdur og galdramál
á íslandi (Ól. Dav.); Sæmundur Eyjólfs-
son: Vestfirzkar sagnir af Galdra-Leifa
o, fl. o. fl.).
Sólföt -
Frh. af bls. 25
arnar saman miðja vegu milli tveggja
neðri hnappanna. Lokið efri hlutanum
með 4 smellum, 2 hvorum megin.
Axlaböndin saumuð saman á röng-
unni, snúið við og pressuð. Saumið þau
við að aftanverðu á skáhliðina, þau eiga
að krossleggjast á bakinu. Saumið hnapp
í hinn endann. Búið til hæfilega stór
hnappagöt á smekkinn.
Jakkinn: Saumið hliðarsaumana í vél,
bezt að hafa lokaðan saum. Neðri brún
jakkans földuð í höndunum, hinar brún-
irnar bryddaðar með bláu skábandi. 3
hnappagöt gerð á vinstri boðung, 3
hnappar saumaðir á hægri boðung. Vas-
inn bryddaður að ofan með skábandi,
saumaðar í höndunum á jakkann.
Kæri Astró!
Ég er fædd 30. júlí 1943 að
morgni til klukkan 8.30 í
Reykj avík.
Ég lauk gagnfræðaprófi í
fyrra, fór til England og stund-
aði enskunám í hálft ár.
Núna vinn ég á skrifstofu
og líkar það prýðilega.
Vandamál mitt er, hve bráð
ég er, og hefur það valdið mér
miklum örðugleikum, bæði á
heimili mínu og annars staðar.
Mig langar til að vita örlög
mín, bæði í ástamálum o. fl.
Ein áhugasöm.
Svar til Einnar áhugasamrar:
Höfuðvandamál þitt telur
þú vera vanstillingu á skaps-
munum. í stjörnukorti þínu
er Sólin í Ljónsmerkinu en
Máninn í Krabbamerkinu.
Þetta skapar andstætt tilfinn-
ingalíf, þannig að ýmist ertu
uppi í skýjunum eða erfiðleik-
arnir virðast vera óyfirstígan-
legir, og skapsmunirnir verða
eftir því. Þessi afstaða er einn-
ig talin oft valda mistökum
í vali maka.
Til að skilja þetta betur,
verður að athuga þau áhrif,
sem Sólmerki þitt og Tungl-
merki búa yfir. T. d. er Sól-
merkið merki Ljónsins, sem
hvetur fólk til að ráða og
drottna og gerir fólk yfirleitt
mjög metnaðargjarnt, hrifið
af skemmtunum og barngott.
Það nýtur sín bezt þar sem
það getur látið aðra njóta
rausnar sinnar. Merki Mánans
býr yfir allt öðrum eiginleik-
um. Höfuðeinkenni Mánans í
merki Krabba eru meðal ann-
ars síngirni í mótsögn við
rausn Ljónsmerkisins, einnig
ríkt tilfinningalíf, sem sprott-
ið er af næmleika. Krabba-
mei’kisfólk er mikið einrænna
heldur en fólk almennt. I fæð-
ingarkortinu stendur Máninn
fyrir hugsanalíf mannsins, en
Sólin er talin tákna viljann.
Þannig sérðu, að árekstrar eru
milli þessara tveggja þátta í
lífi þínu.
Um ástamálin vildi ég segja,
að þau eru undir ágætum á-
hrifum að mörgu leyti, en ég
er hræddur um að dráttur geti
orðið á giftingu eða heimils-
stofnun, þar sem maðurinn
stundar langskólanám, Að
öðru leyti virðast þessi mál
vera undir prýðis áhrifum.
Mér þykir mjög sennilegt, að
þú hittir hann 1965 eða þar
um. Hann er undir heilla-
stjörnu í fæðingarkorti þínu,
svo þú mátt vel við una.
Ég býst fastlega við, að af-
koma þín verði fyrr eða síðar
mjög undir afkomu hins opin-
bera komin. Mér þætti því
ekki ótrúlegt, að maður þinn
starfaði eitthvað á þess vegum.
Þér verður gott til vina, og
mér Þykir alls ekki ótrúlegt,
að þú eigir eftir að koma ein-
hvern tíma fram opinberlega.
Hér er náttúrlega nokkuð erf-
itt sakir skapgerðar þinnar,
en það er nokkuð, sem þú
verður að komast yfir og
stilla. Ég kann enga betri að-
ferð en þá, sem ég hef ráðlagt
mörgum undir svipuðum
kringumstæðum, en hún er
að kynna sér Yoga-æfingar,
sérstaklega öndunaræfingar,
því þær virka sérstaklega sef j-
andi og stillandi, jafnframt
því, sem þú öðlast vald, sem
ekki er þessa heims. Einnig
mun vera gott að hugsa eða
temja sér að hugleiða hið
fagra og góða og varast mik-
inn spenning.
FÁLKINN 31