Fálkinn - 21.06.1961, Blaðsíða 7

þegar maður hefur náð sér eftir síðasta
stórtap vakna vonir um það að nú
standi KR kannski í þeim — ef þeir
verði vel upplagðir og „finni hverjir
aðra“ eins og íþróttafréttaritararnir
skrifa, já, og svo er ekki alveg óhugsandi
að úrvalið okkar komi einum bolta í
markið hjá honum Brown sem passar
markið jafnt og aurana sína (ef trúa má
skotasögum). Þannig hugsum við þessir
góðviljuðu knattspyrnuunnendur og við
kaupum okkur inn aftur og aftur í þeirri
von að nú — einmitt nú taki þeir útlend-
inginn rækilega í karphúsið.
Æ, það er ekki lengur neinn Rikki
og enginn Þórður Þórðar og heldur eng-
inn Albert — a. m. k. ekki hinn gamli
góði Albert og hárin eru löngu hætt að
rísa á höfði manns eins og í gamla daga.
Jú, annars, einstöku sinnum. Hann
Þórður Rikkabróðir var nú fjandi góður
í leiknum um daginn. Ég sagði þá við
manninn sem stóð við hliðina á mér inni
á Laugardalsvelli: Hann Þórður er nú
alveg í sama klassa og Skotarnir. En svo
voru bara allt of margir fyrir neðan alla
klassa (Klassi er íþróttamál) og því fór
sem fór. Þegar við gengum út af vell-
inum, sagði maðurinn við mig: Já, þetta
var ekki gott, en ég hugsa nú að KR-
ingarnir standi sig nú betur. Já, sagði
ég og gleymdi á stundinni þessum 7
mörkum, sem höfðu reyndar flest kom-
ið fyrir klaufaskap, — já, ég á nú von
á því að hann Þórólfur plati þá ræki-
lega, já hann er viss með að gera mark,
já ef til vill fleiri en eitt. Já, svo er KR-
vörnin svo miklu sterkari en hjá Skaga-
mönnum — ég er ekki frá því að þeir
vinni þá.
Við verðum áreiðanlega til staðar
þegar KR leikur og ef illa skyldi fara, þá
hlýtur landsliðið að bursta Skotana.
Því miður eru ekki allir jafn barns-
lega bjartsýnir og einfaldir og ég og
maðurinn sem ég var að tala um áð-
an. Margir kunningjar mínir sem áttu
sínar beztu stimdir á vellinum hér
áður fyrr fara nú ekki á völlinn nema
tvsivar til þrisvar á sumri. Þeir segja
sem svo: Það er ekkert gaman að þessu
lengur, þetta er ekki nokkur knatt-
spyrna sem strákarnir okkar sýna. Það
var annað hér í gamla daga, manstu
ekki ...
í yndislegu veðri þegar Akranes lék
á móti Skotum komu um 2000 manns að
horfa á leikinn. Fyrir þrem fjórum ár-
um hefðu komið 5—6000 manns. Ef
svona heldur áfram sem horfir verður
knattpyrna útdauð innan fárra ára, a.
m. k. í vitund okkar sem hingað til höf-
um skipað sætin og stæðin á vellinum.
Boltakarl.
Myndin hér neðst til hægri er af hin-
um þekktu íþróttafréttariturum blað-
anna. Fremstur er Atli Steinarsson hjá
Morgunblaðinu og fyrir aftan hann
Einar Björnsson hjá Alþýðublaðinu.
Aðrar myndir á þessari síðu eru teknar
umrædd kvöld í stúku og á áhorfenda-
pöllunum. Skopteikn. eftir Ragnar Lár-
usson.