Fálkinn - 20.02.1963, Blaðsíða 31

að fara ekki og sjá hann. „Bara hinztu
kveðju,“ sagði hún.
„Nei, vina mín,“ svaraði ég og tók
utan um axlir hennar, „gerðu það ekki.
Þú skalt minnast hans eins og hann
var, ungur, fagur og sterkur. Það, sem
við fundum er ekki sá Jack, sem þú
áttir. Ef þú lítur hann núna, þá minn-
istu hans í framtíðinni aðeins sem dauðs
manns, en ekki sem mannsins, sem
þú þekktir og elskaðir! Þetta, sem við
fundum, er alls ekki þinn Jack.“
Nokkrum klukkustundum síðar kom
lögreglan, og við vorum öll yfirheyrð.
Læknirinn hafði nýlokið við að skrifa
dánarvottorðið, er fyrsti blaðamaður-
inn kom á vettvang. Ég sá um hann.
Nú var ekki annað að gera, en kistu-
leggja líkið og senda það til Bandaríkj-
anna. Ég skrifaði fjölskyldu hans í
Bandaríkjunum í nafni Maizie — hún
hafði ekki kjark til að gera það sjálf
— og auk þess skrifaði ég sjálfur bréf
til þeirra og sagði alla málavexti. Allt
þetta tók marga daga og þá fyrst datt
mér Jungler í hug aftur.
Enginn hafði séð hann síðan daginn
sem slysið varð. Það leit ekki sem bezt
út, og mig fór að gruna margt. Einhver
sagði: „Nú fær hann loksins tækifærið
hjá Maizie.“ En ég held, að það hafi nú
ekki verið rétt. Hún hafði vissulega
áhuga á Jungler, en hún hefði aldrei
getað lifað því lífi sem Jungler lifði
og elskaði. Auk þess var hann fátækur.
En auðvitað hafði Maizie nú erft heil-
miklar fjárfúlgur, og til voru listamenn,
sem kvæntust til fjár til þess að geta
sinnt áhugamálum sínum áhyggjulaus-
ir.
Ég ákvað nú að fá mér hreint loft
og gekk upp klettana til húss þess er
Jungler bjó í. Það var engin ástæða til
að ætla, að ég hitti hann heima, og
út af fyrir sig yrði miklu þægilegra
fyrir mig að hitta hann ekki, vegna
þess, að ég var mjög áhyggjufullur. Ég
hafði grunað Jungler, þangað til Quer-
ling hafði hreint og beint ákært hann
fyrir að hafa myrt Jack. Ég var á báð-
um áttum, en brátt hallaðist ég að
þeirri kenningu, að svonalagað segði
enginn með hreina samvizku og ég ein-
setti mér að komast að sannleikanum
í máli þessu.
Enginn svaraði, er ég barði að dyrum,
en þar eð þær voru ekki læstar, gekk
ég inn. Hann lá í rúmi sínu og leit
hræðilega út.
„Hvað er að?“ Hann leit á mig eins
og ég væri draugur. „Ég hef beðið Guð
almáttugan um að senda yður hingað,"
sagði hann.
„Hvað gengur hér á?“ sagði ég og
gekk að rúminu.
„Gætið að!“ hrópaði hann. „Gætið
að ljósmyndavélinni!" Myndavélin hans
lá á gólfinu. Ég vissi að honum þótti
sérlegá vænt um ljósmyndavélina sína,
en þetta óp hans var næstum móður-
sýkiskennt. Ég er mjög gætinn maður
að eðlisfari, svo að ég olli engum skaða.
Mér datt sem snöggvast í hug, að hann
hefði ekki enn þá heyrt um slysið og
dauða Jacks. Þess vegna sagði ég án
frekari málalenginga: „Það hefur orðið
hræðilegt slys. Jack Smith drukknaði.
Vissurðu það?“
,,Slys!“ sagði hann. „Það var alls ekki
slys — það var morð.“
Merkilegt hugsaði ég, hvernig skyldi
hann vita það? „Það lítur út fyrir að
þér hafið meitt yður,“ sagði ég.
„Já, ég datt,“ sagði Jungler. „Ég
rann, sneri á mér annan fótinn og rak
höfuðið í.“ Hann var mikið meiddur
ofan við annað eyrað. Ég sá það er
Sjá næstu síðu.
Kæri Astró.
Mig langar til að biðja þig
að segja mér um framtíðina.
Mig langar tl að vita hvort ég
giftist, hvernig heilsufarið
verður og hve mörg börn ég
kem til með að eignast.
Gjörðu svo vel að sleppa fæð-
ingardegi, ári, fæðingarstund
og stað. Ég er búin að skrifa
þrisvar og hef aldrei fengið
svar. Viltu svara þessu?
Með fyrirfram þökk.
Kolla.
Svar til Kollu.
Það bezta í korti þínu eru
afstöðurnar í fjármálunum
en Júpíter og Venus eru báðir
í öðru húsi fjármálanna.
Þetta eru beztu áhrifaplánet-
urnar og benda til þess að þú
munir eignast fé á auðveldan
og skjótan hátt. í þessu tilfelli
er tímabilið upp úr þrítugasta
aldursári þínu mjög heppilegt
allt fram til 36 ára. Það má
segja að það verði blómaskeið-
ið hjá þér á fjármálalega svið-
inu. Einnig má segja að ald-
ursskeiðið um 45 ára verði
talsvert gott, en hætt er við
að þú lendir í atburðarás, sem
skerða hann álit þitt og heið-
ur út á við um svipað leyti.
Einnig er ýmslegt, sem bendir
til þess að hjónaband þitt
verði fyrir einhverjum erfið-
leikum í sambandi við þetta
allt saman.
Merki hrútsins á geisla sjö-
unda húss bendir til að all-
mikil hugsjón ríki í sambandi
við ástamálin og giftingu,
en hagsýni þarf að gæta, þeg-
ar til kastanna kemur í sam-
bandi við stofnun hjónabands.
Vissar manngerðir virðast
hafa fremur sérstæð árif á
þig og valda þér hrifninga-
vímu og gætirðu ekki sjálf-
stjórnar þá er hætt við að þú
stofnir til óæskilegra sam-
banda, sem gætu valdið vin-
slitum við menn, sem þú hef-
ur áður staðið í góðu sam-
bandi við. Þér er því ávallt
nauðsynlegt að fara að með
gát í þessum efnum. Þegar
til giftingarinnar hefur komið
þá bendir þetta merki oft til
árekstra við makann og jafn-
vel handalögmála, en fjöl-
skyldan mun ávallt standa
saman út á við og deilurnar
hjaðna venjulega jafn skjótt
niður og þær risu upp. Þrátt
fyrir allt slíkt eru fullar horf-
ur á að þú munir njóta sam-
vistanna við maka þinn full-
komlega og að hann verði
ánægður með þig þrátt fyrir
allt. Bezta makaval þitt yrði
meðal karlmanna, sem fædd-
ir eru á tímabilinu 24. júlí
til 23. ágúst eða undir merki
Ljónsins. Einnig á tímabilinu
frá 23. nóv. til 21. des. eða
undan merki Bogmannsins.
Þú ættir alls ekki að giftast
manni undan merki Stein-
geitarinnar eða þeim, sem
fæddir eru á tímabilinu frá
22. des. til 20 jan. og einnig
þeim, sem fæddir eru undir
merki Krabbans eða á tíma-
bilinu frá 22. júní til 23. júlí.
Eitt bezta tímabil ársins í
ástamálunum hjá þér er frá
13. febr. til 10. marz. En þá
gengur Sólin í gegn um
fimmta hús ástamálanna. Þér
ætti að ganga venju fremur
vel undir þeim áhrifum að
kynnast piltum, sem eru þér
að skapi. Þessi áhrif eru fyrir
hendi öll ár á þessu tímabili.
Beztu áhrifin til giftingar eru
um tvítugt og þó sérstaklega
þegar þú ert 25 ára. Það eru
ekki horfur á að þú eignist
mörg börn í mesta lagi þrjú.
en barnalán ætti að fylgja
þér.
Merki fiskanna á geisla
sjötta húss er fremur veikt
merki varðandi heilsufarið og
bendir til þarfar til aðgæzlu
um að vissir smákvillar verði
ekki ólæknandi. Þetta merki
hefur áhrif á öndunarfærin
og lungun, einnig á lifrina og
fæturnar. Það bendir til þess
að maður ætti ekki að láta sér
sjást yfir minniháttar kvilla
þrátt fyrir að þeir virðist
sakleysislegir. í þessu tilliti
eru horfur á að 39. aldursár
þitt geti orðið nokkuð erfitt,
en þú kemst yfir það.
Hagstæð afstaða milli Sólar
og Úranusar þegar þú ert um
tuttugu og fimm ára bendir
til þess að ferðalag til útlanda
sé í vændum, jafnvel eitthvað
í sambandi við ástamál þín.
☆ ★ ☆
FALKINN
31