Iðnneminn - 01.05.1989, Blaðsíða 8

8
IÐNNEMINN
Spurt og svarað
í þessum kafla munum við svara nokkrum spurningum sem iðnnemar hafa sent
okkur og vonum við að svörin komi að góðum notum.
1. sp: Hver er staða starfsþjálfunarnema í verkfalli?
svar: Starfsþjálfunarnemar fylgja sveinum í verkfalli.
2. sp: Hvað er sumarfrí iðnnema langt?
svar: 24 dagar eða tveir dagar fyrir hvern unnin mánuð hjá starfsþjálfunarnemum.
3. sp: Hver er veikindaréttur iðnnema?
svar: „í slysa- og sjúkdómstilfellum skal iðnnemi hjá meistara eða iðnfyrirtæki njóta sömu
réttinda og gert er ráð fyrir í lögum sem gilda á hverjum tíma, svo og þeirra fríðinda
umfram lög sem felast í kjarasamningi viðkomandi stéttarfélags." (30. gr. reglugerð um
iðnfræðslu) Samningsbundinn iðnnemi má vera frá vinnu vegna veikinda 6 mánuði
samfellt á samningstímanum.
4. sp: Hver borgar kostnað við sveinspróf?
svar: Meistari eða iðnfyrirtæki greiðir fyrir próftaka þann kostnað sem ekki greiðist af
opinberu fé, svo sem efnisgjald og kaup próftaka meðan á prófi stendur þegar það á við
samkvæmt samningi. Þeir sem hafa leyfi menntamálaráðuneytisins til verklegs sveins-
prófs eingöngu, svo og þeir sem þreyta próf í annað og þriðja skiptið, skulu greiða
prófkostnað sjálfir. (53.gr. reglugerð um iðnfræðslu)