Iðnneminn - 01.05.1989, Page 29

IÐNNEMINN
29
Kjaramálahugleiðing
Þegar þetta er skrifað eru
samningaviðræður í gangi á milli
ASÍ og VSÍ, einnig eru opinberir
starfsmenn í viðræðum við fjár-
málaráðuneytið. Sú hugmynd er
komin upp á borðið að lágmarks-
laun verði 50.000 kr. og kaup
hækki um 6500 kr. á alla línuna
sem þýðir að þeir lægst launuðu
hækka mest hlutfallslega.
Þessi hugmynd er all athyglis-
verð að mínu mati og vona ég að
fjármálaráðherra gleymi þessum
þúsundkalli sem hann hefur boð-
ið og fari að snúa sér að alvöru
viðræðum og almennilegum
kauphækkunum. Á hinum víg-
stöðvunum hafa vinnuveitendur
sagt að þeir hafi ekkert að bjóða.
Það eina sem þeir segjast geta
boðið sé kauplækkun. Það er
ekki lengur hægt að bjóða okkur
þetta kjaftæði að ekki sé hægt að
hækka laun í landinu. Það er ekki
hægt að hugsa eingöngu um hag
fyrirtækjanna og sleppa hags-
munum launafólks í landinu.
Iðnnemar eru örugglega með
þeim lægst launuðustu í landinu
og einu verkalýðssamtökin sem
ekki hafa verkfalls- né samnings-
rétt. Iðnnemar ættu því að hug-
leiða nú á vordögum hvort þeir
ætla að búa við þetta ástand til
frambúðar að vera upp á aðra
komnir í samningum eða hvort
menn ætla sér að gera eitthvað í
málunum. Vinnuveitendur hafa
nefnilega litið á iðnnema sem
ódýrt vinnuafl sem hægt er að
ráðskast með eftir hentugleikum
og hafa iðnnemar fengið að
kynnast því svo um munar á síð-
ustu árum að þeir hafa lítið sem
ekkert um það að segja hvernig
samningar eru gerðir. Má þar
nefna samningana sem gerðir
voru 1986 þar sem iðnnemum var
fórnað fyrir lélega kauphækkun
handa þeim lægst launuðu.Ég
bið menn að hugleiða þetta með
verkfalls- og samningsréttinn og
hafi menn einhverjar tillögur um
úrbætur þá eru þeir vinsamlegast
beðnir um að koma þeim á fram-
færi.
Eyþór Einarsson
FÉLAG ÍSLENSKRA IÐNREKENDA
veljum
ÍSLENSKT