Iðnneminn - 01.10.1997, Qupperneq 21

I
endurmenntun. Farskóli Austurlands sem er
hluti af starfsemi verkmenntaskólans hefur
umsjón með þessu námi og í bígerð er iðn-
meistaranám sem er skipulagt í samvinnu við
aðra framhaldsskóla.
Á heimavistinni eru rúmgóð eins til tveggja
manna herbergi og mötuneyti. Einnig er hægt
að leigja rúmgóða tveggja herbergja íbúð.
FÉLAGSLÍFIÐ
Nemendaráð skóians skipuleggur félagsiífið,
þorrablót, menningarferðir og aðrar smærri
uppákomur. Hljómsveitir og annað biómlegt
tónlistarlíf er innan skólans sem utan.
Aðstaða til heilsuræktar og útivistar er
fjölbreytt, stutt er í skíðaparadísina í Odds-
skarði. Hægt er að stunda sund og gufuböð,
vera í líkamsræktinni og stunda ýmsar íþróttir í
stærsta íþróttahúsi á Austurlandi.
Mikil áhersla er lögð á að nemendum líði vel
og hafi góð tengsl við sína kennara.
Námsráðgjöf, stuðningskennsla og umsjón
með nemendum eru áhersluþættir í skólanum
sem efla vitund nemenda fyrir námi og starfi.
Skólinn er vaxandi stofnun og valkostur í
samræmdu námsframboði austfirsku framhalds-
skólanna.
Aðsókn í skólann haustið 1997 er mjög góð
og allar deildir að fyllast.
Heimavistin sem hefur 60 rúmum á að skipa
er um það bil að verða fullbókuð.
Nemendafjöldinn við skólann er á bilinu 180-
200. Við skólann starfa tæplega tuttugu
kennarar, húsvörður og ræstingarfólk auk
fjármálastjóra og skólaritara.