Iðnneminn - 01.10.1997, Blaðsíða 26

FíVlVVlkílM( (fcÓliHH
Iðn- og verknám í Vestmannaeyjum.
Framhaldsskólinn í Vestmannaeyjum er nú
sá skóli sem annast alla kennslu fyrir
nemendur í verknámsgreinum í Eyjum.
Skólinn er fjölbrautarskóli og var stofnaður
1979. A síðasta ári sameinaðist Stýri-
mannaskólinn Framhaldsskólanum. Fað
nám sem hér verður til umfjöllunar undir
samheitinu verknám er iðnnámið, vélstjóra-
námið og nám skipstjórnarmanna. Skólinn
býður einnig upp á hefbundið nám til
stúdentsprófs, nám fyrir sjúkraliða og
nokkrar styttri námsbrautir. Nemendur eru
nú 300 talsins og af þeim stunda milli 70 og
80 iðn- eða verknám, þ.e. um 25 %.
Iðnnámið
Iðnnámið er annars vegar verklegt nám í
grunndeildum, sem tekur einn vetur, og hins
vegar bóklegur hluti samningsbundins iðnnáms
hjá meistara. Grunndeildirnar sem bjóðast eru í
rafiðnum og málmiðnum, en tréiðnir bíða
vegna húsnæðisskorts. Aðsókn að grunn-
deildum hefur verið nokkuð sveiflukennd,
sérstaklega í málmiðnum. Nú er kennslu-
aðstaða orðin mjög góð og atvinnumöguleikar
í málmiðnum hafa batnað mikið, þannig að
þessi námsleið er góður kostur fyrir unga menn
og konur. Nám á grunndeild tekur 9 mánuði
og er að verulegu leyti verklegt. Námið styttir
samningstíma hjá meistara um eitt ár.
Samningsbundna iðnnámið fer fram á mörgum
námsbrautum. Pessar eru helstar: bifvéla-
virkjun, húsasmíði, pípulagnir, raft'irkjun,
rennismíði, stálskipasmíði og vélsmíði. Náminu
er hagað þannig að nemendur þurfa fýrst að
ljúka almennum greinum (kjarna) sem er
svipaður á öllum þessum brautum. Er þar um
að ræða einn vetur í fullu námi eða lengri tíma
ef náminu er dreift að ósk nemenda. Síðan eru
fagbóklegar greinar, sem eru mismunandi eftir
brautum. Þar er nemum „safnað saman“ og
þeir kallaðir inn þegar að þeirra greinum
kemur. Faggreinarnar eru í flestum tilfellum
teknar á hálfu ári í fullu námi. I öðrum
iðngreinum þarf að sækja fagbóklega hlutann í
aðra skóla og hefur Framhaldsskólinn átt ágætt
samstarf við iðn og verkmenntaskóla á
suðvesturlandi og í Reykjavík í því sambandi.
Fjöldi iðnnema í skólanum hefur undanfarið
verið nálægt 30, en þeir sem útskrifaðir eru
mættu vera fleiri. Iðnnámið er stutt hagnýtt
nám sem gefiir ágæta starfs og tekjumöguleika
og einkennilegt að ekki sæki fleiri í það.
Skipstjórnamámið
Skipstjórnarnámið er nýr valkostur innan
Framhaldsskólans, því að fram til þessa hefur
starfað í Eyjum sérstakur Stýrimannaskóli.
Nemendur geta lokið námi bæði af fyrsta og
öðru stigi. Hvort stig er eins vetrar nám. Um
30 nemendur stunda þetta nám nú við skólann.
Framundan eru breytingar á skipulagi og inni-
haldi skipstjórnarnámsins. Pá þurfa nemendur
fyrst að ljúka tt'eggja ára sjávarútvegsbraut, sem
að mestu er almennur grunnur, en síðan tekur
fagnámið við (mest tvö ár í viðbót). Sjávar-
útvegsbrautin verður í boði við Framhalds-
skólann næsta vetur og síðan væntanlega
einhver hluti fagnámsins, því að hér hefur verið
byggð upp góð aðstaða til kennslunnar og
ntikil reynsla. Störf skipstjórnarmanna eru
eðlilega fyrst og fremst til sjós. Því miður hefur
störfum fækkað með færri skipum í kjölfar
kvótakerfisins, en stöðugt er þó þörf á
endurnýjun. Launin hafa verið mjög góð.
26 Iðnneminn