Iðnneminn - 01.10.1997, Side 28

Iðnfræðslu á Suðurnesjum má rekja til ársins
1943, en þá hófst iðnnám í Keflavík á vegum
samtaka iðnaðarmanna í Iðnskólanum í
Keflavík. Iðnfræðslunni var hagað með ýmsu
móti næstu þrjá áratugi, en árið 1972 var
Iðnskóli Suðurnesja formlega stofnaður og hóf
starfsemi sína í nýju og glæsilegu húsi við
Sunnubraut í Keflavík. Fjölbrautaskóli
Suðurnesja var síðan stofnaður 1976 og er því
nýlega orðinn tvítugur. Þriggja hæða
viðbótarbygging, sem hýsir m.a. verknámið,
var tekin í notkun 1992 og er nú allt starf
skólans undir sama þaki. I skólanum eru
grunndeildir í tréiðnum, málmiðnum,
rafiðnum og hársnyrtingu. Auk þess eru
áfangar í fatasaumi og framhaldsnám í
rafiðnum og bóklegt framhaldsnám í
byggingariðnum'. Meistaraskóli er einnig
starfræktur við Fjölbrautaskóla Suðurnesja.
Aðsókn að skólanum er góð og er oft ekki
hægt að taka við öllum sem sækja um nám
í verknámsgreinum. Heildarnemcndafjöldi
er um 740 og geta verknámsdeildir rúrnað
u.þ.b. 60 til 70 nemendur. Rétt er að geta
þess að skólinn býður einnig upp á
vélstjórnarnám bæði til 1. og 2. stigs
réttinda og er stór hluti af því verklegur.
Málmiðnaðarbraut
Við FS er starfrækt grunndeild málmiðna.
Nám í þeirri deild fer eftir sérstakri námsskrá og
er nú tvær annir. Breytingar eru þó væntanlegar
til lengingar í fjórar annir. Námið er að mestu
verklegt og eru smíðaðir ýmsir hlutir. T.d. er
smíðaður lítill vörubíll á haustönn þar sem
reynir á marga þætti eins og að merkja, saga,
sverfa, bora og renna. A vorönn eru fleiri
verkefni tii kynningar á vinnu í pípulögnum,
blikksmíði, vélsmíði og öðrum þáttum
málmiðna. Málmsuða er kennd báðar annir,
þ.e. rafsuða (pinnasuða), logsuða og
hlífðargassuða. I lok vorannar hefur verið efnt
til keppni innan skólans í málmsuðu og hafa
verið veitt vegleg verðlaun fyrir bestu
frammistöðuna. Farið er í skoðunarferðir í
fyrirtæki og í maí s.l. var farið til Danmerkur í
10 daga ferð á vegum Leonardo áætlunarinnar
og heppnaðist hún vel.
Rafiðnaðardeild
Viljir þú verða rafidrki þá getur þú komið í
Fjölbrautaskóla Suðurnesja og skráð þig í
grunndeild rafiðna, sem er tveggja anna nám
eða einn vetur. I grunndeildinni geta verið 12
nemendur í einu. Að grunndeild lokinni er
hægt að velja um tvær leiðir, það er að fara í
samningsbundið iðnnám (sjá RK 9 í námsvísi)
sem rniðast við að gerður er samningur við
raftárkjameistara útí í bæ, eða velja þá leið að
fara í framhaldsdeild rafiðna í skólanum (sjá RK
8 í námsvísi). Báðum leiðum lýkur með
burtfararprófi úr skólanum og hafa þá
nemendur rétt á að fara í sveinspróf í rafvirkjun
sem aðilar vinnumarkaðarins leggja fyrir
nemendur.
Störf rafi'irkja tengjast öllum sviðum
nútíma samfélags. Rafi'irkinn vinnur jafnt
við orkuframleiðslu sem hinar flóknustu
raflagnir og viðhald tækjabúnaðar sem
notast í samtímanum. Skólinn leitast við
að veita nemendum innsýn í alla þessa
þætti og gera þá hæfa til að vinna að
úrlausnum þeirra verkefna sem þeir taka
að sér.
28 Iflnneminn