Fréttablaðið - 19.11.2009, Síða 73

FIMMTUDAGUR 19. nóvember 2009 53
„Maður verður að líta kreppuna annað
hvort jákvæðum eða neikvæðum augum
og ég ákvað að líta á þetta sem tækifæri,“
segir arkitektinn og innanhússhönnuður-
inn Gulla Jónsdóttir, sem hefur sagt skilið
við hönnunarfyrirtækið Dodd Mitchell og
stofnað sitt eigið undir nafninu G+ Gulla
Jonsdottir Design Group. Gulla hefur hlotið
fjölda verðlauna fyrir hönnun sína og hlaut
meðal annars fimm verðlaun á hönnunar-
hátíðinni Boutique Design 2008 í Miami.
„Ég mun sinna arkitektúr, innanhúss-
arkitektúr og hönnun í framtíðinni. Ég
lærði arkitektúr á sínum tíma en með
árunum hef ég leiðst meira út í innanhúss-
arkitektúr. Mig langaði að breyta til og fara
aftur í arkitektúrinn en sinna hönnuninni
líka áfram,“ útskýrir Gulla.
Aðspurð segist hún hafa ráðið til sín tvo
arkitekta og verða aðalskrifstofur fyrir-
tækisins í Los Angeles þar sem Gulla er
búsett. Þegar Fréttablaðið náði tali af Gullu
stóð hún í ströngu við að mála og stand-
setja skrifstofuna en sagðist bjartsýn á
framtíðina og sér ekki eftir ákvörðun sinni.
„Með hverjum deginum sem líður verð ég
sannfærðari um að ég hafi gert rétt. Ég er
spennt á að byrja vinnudaginn og það er
góð tilfinning,“ segir Gulla að lokum.
- sm
Spennt fyrir hverjum degi
SINN EIGIN HERRA Gulla Jónsdóttir hefur stofnað sitt
eigið hönnunarfyrirtæki í borg englanna.
Tónlistarmaðurinn Koi held-
ur útgáfutónleika í Bæjarbíói í
Hafnar firði á föstudag til að kynna
plötu sína Sum of All Things sem
kom út í september. „Ég byrjaði á
henni 2007 þegar ég bjó í Hollandi.
Síðan flutti ég heim síðasta haust
og kláraði plötuna,“ segir Koi,
eða Kjartan Orri Ingvason, sem
lýsir tónlistinni sem kántrískotnu
popp-rokki. Kjartan spilar á gítar
og munnhörpu á plötunni auk þess
að syngja. Til viðbótar kemur við
sögu á plötunni 21 annar hljóð-
færaleikari, enda notaðist Kjart-
an við blásturshljóðfæri, strengi
og ýmislegt fleira til að útkom-
an yrði eins góð og kostur er. Auk
tónleikanna í Bæjarbíói heldur
hann tónleika á Café Rosenberg á
þriðjudaginn. Bæði kvöldin koma
einnig fram Lára Rúnarsdóttir og
Hjörvar.
Kántrískotin
popptónlist
KOI Kjartan Orri Ingvason spilar í Bæjar-
bíói í Hafnarfirði til að kynna plötuna
Sum of All Things.
Dagslinsur
Kr: 2.490.-
Hamrahlíð 17 - Húsi Blindrafélagsins
105 Rvk. S: 552 2002