Veðrið - 01.04.1977, Blaðsíða 14

fékkst niðurstaðan 878 mb. Þá má nefna að hæð 700 mb þrýstingsflatarins í auga
Noru reyndist við fyrri mælinguna 2006 metrar eða nákvæmlega hin sama og
hæð sama flatar í Idu 15 árum áður. Metjöfnun við Idu verður ]jví vart dregin
í efa.
1 Monthly Weather Review septemberhefti 1976 greinir Charles R. Holliday
svo frá nýju heimsmeti lágþrýstings, meti sem að vísu víkur aðeins 1 mb frá hinu
fyrra, en um það fjallar einnig dr. Rodewald í aprílhefti Seeiuart 1977. Hinn
19. nóvember 1975 kl. 0843 GMT flaug veðurrannsóknaflugvél inn í auga felli-
bylsins June, sent þá var um 425 krn vestur af eyjunni Guam (nánar tiltekið á
12,8° N og 141,3° A) og kastaði þar niður veðurkanna. Reyndist loftþrýstingur
þar vera lægri en nokkru sinni áður liefur mælst við sjávarmál eða 876 mb. Hæð
700 mb þrýstingsflatar í auganu var einnig lægri en áður liefur mælst, 1984
metrar, 20 metrum lægri en í augum fellibyljanna Idu og Noru. Holliday færir
rök að því, að veðurkanninn hafi ekki haldist í sjálfu auga fellibylsins á neðstu
300 metrum svifs síns niður, heldur lent í steypiregni skýjaveggsins hringlagaða,
sem umlukti það. (Hið sama gerðist raunar einnig við mælingu á Noru 1973.)
Ella hefði loftþrýstingur við sjávarmál orðið nokkrum mb lægri, sennilega 873
mb, en það er sét niðurstaða, senr fengist hefði með því að reikna til frá hæð
700 mb flatarins 1984 m í miðju augans samkvæmt aðferð kenndri við C. L. Jordan.
En hann hefur fundið mjög góða fylgni, næstum línulega samsvörun, milli hæðar
700 mb (og 500 mb) þrýstiflatar og loftþrýstings við sjávarmál í augum felli-
bylja. Onnur könnunarflugvél flaug inn í auga June 6 klst. síðar og varpaði
einnig niður veðurkanna. Þá var hæð 700 mb flatarins 1999 m og loftþrýstingur
við sjávarmál reyndist 877 mb. Að þessu athuguðu verður því að telja hið nýja
heimsntet 876 mb staðfest.
Fellibylur þessi var auk eindæma lágþrýstings sérkennilegur um margt. Storm-
svið hans var fádæma víðáttumikið. Þannig náði svæði með 50 hnúta vindhraða
eða meiri (10 vindstiga veðurhæð og þaðan af meira) allt að 370 km út frá miðju.
Auga hans var óvenjulega lítið, aðeins 9 km í þvermál (auga Noru frá 1973 var
tæpir 15 km). Innsti hringveggur skýjanna umhverfis það var 9 km þykkur og
uppljómaður af eldingum, sem leiftruðu í sífellu. Eins og áður segir var könn-
unarflugvél stödd í auga bylsins kl. 0843 GMT en þá var myrkur skollið á þar.
Birtan af eldingunum umhverfis var svo skær, að unnt var að kanna sjólagið um
2000 metrum neðar. Utar ólmaðist svo annar sammiðja regnskýjahringur með
steypiregni, 48 km í þvermál, og um tíma hinn þriðji 74 km í þvermál. Slík skýja-
fyrirbæri, tveir eða þrír sammiðja hringir umhverfis augað, virðast helst koma
fyrir í afar djúpum hitabeltislægðum og þá samtímis því að ofviðrið nær hámarki.
Dýpkun fellibylsmiðjunnar var mjög ör eða 87 mb á 24 klukkustundum, þar af
52 mb á 11 klst., og ntældist áður greint lágþrýstingsmet tæpum tveim sólar-
hringum eftir að June breyttist úr hitabeltisstormsveip í fellibyl. í fullar 36
klukkustundir hinn 19. og 20. nóvember 1975 var loftþrýstingur við sjávarmál
í miðju fellibylsins Junc innan við 900 mb og fengust á því tímabili eftirfarandi
niðurstöður í röð: 890, 876, 877, 897 og 899 mb.
1 4 — VEÐRIÐ