Veðrið - 01.04.1977, Blaðsíða 24

Agúst. Mest var um suðaustan átt í ágúst með áframhaldandi óþurrkum
sunnan og vestan fands. Var þar mikið hrakið og flatt og sumt óslegið í mán-
aðarlok. Hins vegar var sólrík og góð heyskapartíð á Norður- og Austurlandi.
Þess var getið í veðurskeytabókinni frá Mánárbakka, að þar hafi sláttur hafizt
hálfum mánuði seinna en venjulega en jafnframt verið lokið hálfum mánuði
fyrr með ágætri verkun.
September. Hlýindin í ágúst entust út fyrstu vtkuna í september á Norður-
landi. Síðan varð svalara og eftir 20. var þar norðan átt og kuldatíð, síðustu
dagana með hríðarhraglanda. Með þessari norðan átt komu góðir þurrkkaflar
á Suður- og Vesturlandi. Náðist þá mikið af heyjum, að vísu lélegum. Uppskera
á kartöflum var5 rýr.
Október var miklur og góður um allt land. Svo segir í veðurskeytabókinni frá
Hellu: „Mjög góð tíð, hægviðrasamt og hlýtt. Kemur jietta sér vel fyrir búendur,
sem hafa fremur léleg ltey.“ Og frá Hvallátrum: „Mjög skemmtileg hausttíð og
gras fellur seint. Snjólaust í byggð og á fjöllum. Á Mánarbakka: „Góður og aldrei
snjóföl."
Nóvember var í lieildina sæmilega hagstæður meðalmánuður. Á Suður- og
Vesturlandi var mikil úrkoma, einkum fyrri hlutann, enda var suðlæg átl ríkj-
andi fram til 13. Aðfaranótl 14. gekk til norðan áttar með frosti, en 15. og 16.
voru köldustu dagarnir í mánuðinum. Síðari hlutann var áttin nokkuð breytileg
en flesta daga frost. Mánuðinum lauk svo með norðan hvassviðri, snjókomu og
jmngri færð á Norðurlandi.
Desember var umhleypinga- og stormasamur. Mikil og tir skipti úr frosti í
Jtíðu voru einkennandi, en vestlægar áttir tíðastar.
Eftirfarandi lýsingar á desember eru teknar úr veðurskeytabókum:
Frá Hvallátrum: Óstöðugur. Oft regn, snjór, frost og hiti sania sólarhringinn,
en aldrei verulegur snjór.
Hella: Sérstaklega umhleypingasamur, sífelldur snúningur. Stundum þíðviðri,
stundum frost.
Frá Hrauni á Skaga: Miklir umhleypingar, en mest suðvestan átt. Dálítil svell.
Mánárbakki: Frámunalega umhleypingasamt. Skaðar urðu talsverðir á jrökum
og slíku í vestan veðrinu 13.—14.
Enn meiri urðu þó skemmdirnar á Vestfjörðum. Þar skemmdust t. d. bryggjur
og hús á Suðureyri, í Onundarfirði og í Æðey.
24 — VEÐRIÐ