Fréttablaðið - 11.12.2009, Blaðsíða 58

11. DESEMBER 2009 FÖSTUDAGUR2
Þórunn Sigurðardóttir er
stjórnarformaður AGO, sem
mun sjá um starfsemi, rekstur
og markaðssetningu Tónlistar-
og ráðstefnuhússins.
Er búið að ákveða opnunardag og
opnunaratriði?
Nei, opnunardagur er ekki stað-
festur, en það styttist í það. Opnun-
aratriði verða áreiðanlega fleiri en
eitt og fleiri en tvö. Þegar stjórn-
andi hússins verður ráðinn, verð-
ur eitt af fyrstu verkum hans að
skipuleggja opnun.
Þið hafið skoðað sambærileg hús
í nágrannalöndunum. Hvað kom
út úr því?
Við höfum skoðað sambærileg hús
á Norðurlöndunum og þá einnig
hús sem eru á minni svæðum eins
og til dæmis í Bergen og Lahti. Það
var mjög athyglisvert og margt
sem nýtist okkur vel. Sérstaklega
vorum við að skoða rekstur þess-
ara húsa, sem er býsna flókinn og
þarf að vera rétt hugsaður frá byrj-
un. Bæði þessi hús eru vel rekin og
skynsamlega og við fengum mjög
góðar yfirferð á því hvernig þau
halda á málum.
Bæði húsin eru með sinfóníu og
ráðstefnur í sama húsi og í Berg-
en og Þrándheimi eru líka óperu-
sýningar.
Hvernig verður stjórnunarstrúkt-
úr hússins eftir opnun. Verð-
ur til dæmis sinfónían með fólk í
stjórn?
Við erum að vinna í stjórnunar-
strúkturnum núna og skoða mann-
aflaþörf og uppbyggingu starf-
seminnar. Hvort sinfónían verður
í stjórn hússins, það er ekki líklegt
í bili nema hún verði þá fjárhags-
lega ábyrg fyrir rekstri hússins
líka. En áreiðanlega mun hljóm-
sveitin eiga fulltrúa í listráði sem
verður einnig í húsinu.
Var rekstrarfyrirkomulag ákveð-
ið fyrir hrun og ef svo er hefur það
breyst? Hefur þurft að breyta hús-
inu og umgjörð þess vegna fjár-
hagsaðstæðna?
Við höfum fyrst og fremst verið
að yfirfara allar áætlanir og end-
urmeta þær. Það starf gengur vel
en var gríðarlega yfirgripsmik-
ið. Fyrst þurfi að fara yfir allar
forsendur og hafa þær klárar og
miðaðar við íslenskar aðstæður.
Ýmislegt var kannski ekki alveg
raunhæft og hefur þurft ákveðna
endurskoðun og „íslenskun“. Þegar
ríki og borg ákváðu að taka húsið
yfir og halda áfram með bygg-
inguna, var ákveðið að bjóða Ís-
lensku Óperunni að hafa aðsetur
í húsinu. Smávægilegar breyting-
ar voru gerðar til að mæta þeirra
óskum, en ekkert sem ekki er til
bóta fyrir húsið, eða er tekið af
sinfóníuhljómsveitinni. Við höfum
reynt að breyta ekki grundvallar-
þáttum í starfsemi hússins þrátt
fyrir kreppu, því við skulum muna
að húsið stendur en kreppan fer.
Húsið á að þjóna landsmönnum í
að minnsta kosti öld. Það er stór-
merkilegt að við skulum ekki hafa
átt neitt tónlistarhús og við erum
í raun eina Evrópuþjóðin sem telj-
umst sjálfstæð þjóð og eigum ekki
tónlistarhús. Það hefði því verið
hlálegt að klára ekki húsið. Bestu
húsin í Evrópu eru reist upp úr
miklum erfiðleikum, heimsstyrj-
öldum og kreppum og við ráðum
við þetta líka.
Verða salirnir reknir hver í sínu
lagi? Hvernig verður blásið lífi í
húsið?
Salirnir verða væntanlega reknir
allir saman og lífi blásið í þá með
lúðrum.
Verður húsið í alvörunni fyrir alla
tónlist?
Það er allt gert sem hægt er til að
gera húsið gott fyrir allar tegund-
ir tónlistar. Öll vinna hefur miðað
að því og að því að fá bestu lausn-
ir sem vitað er um í þessum geira
undir stjórn fremstu hljóðhönn-
uða heims, Artec. Ég sá til dæmis
rokktónleika í Lahti á dögunum, í
húsi sem er hliðstætt okkar húsi,
og það var alveg frábært að sjá
hvernig var hægt að umbreyta
salnum á augabragði.
Sjáum við fyrir hvað mun kosta
tónlistarfólk að nota tónlistarhús-
ið?
Við munum gæta þess að verð-
leggja húsið ekki út af markaðnum,
en því má ekki gleyma að í sölun-
um er allt sem menn þurfa og við
það verður miðað í verðlagningu.
Tækniþjónusta í húsinu verður
fyrsta flokks. Við gerum ráð fyrir
að fyrstu störf sem auglýst verða
verði störf ljósameistara og hljóð-
meistara og það verði síðar í vetur.
Verðin munu taka mið af verðum á
markaði hér í borginni.
Liggja fyrir pantanir vegna ráð-
stefnuhalds?
Það er mjög mikill áhugi á húsinu,
og pantanir eru margar, en allar
með fyrirvara enn sem komið er.
Ráðstefnuhaldið verður mjög stór
þáttur og mun bæta tekjugrunn
hússins verulega, enda er þarna
frábær aðstaða fyrir hvers konar
fundi og ráðstefnur. Ferðaþjón-
ustan og tónlistin verða í farsælu
hjónabandi í húsinu.
Nú er verið að gefa húsinu nafn í
dag. En salirnir? Fá þeir nöfn? Og
hvað á svo húsið að heita?
Nafnið verður afhjúpað 11. desem-
ber (í dag), en í framhaldi af því
gerum við ráð fyrir að salirnir fái
líka nöfn í samræmi við nafn húss-
ins. Við fengum yfir fjögur þúsund
tillögur að nöfnum á húsið og það
verður spennandi að sjá hvað verð-
ur endanlega nafnið (tillögur sjást
á næstu síðum).
Tónlistar- og ráðstefnuhús-
inu í Reykjavík gefið nafn
„Húsið á að þjóna landsmönnum í að minnsta kosti öld,“ segir Þórunn Sigurðardóttir.
F
RÉ
TT
A
BL
A
Ð
IÐ
/V
A
LL
I
Hér gefur að líta fyrsta tölu-
blað Hljómgrunns. Þessu fylgi-
riti Fréttablaðsins er ætlað að
koma út um það bil mánaðarlega
næsta árið og vera umræðuvett-
vangur fyrir tónlistarlífið í land-
inu í víðasta skilningi. Útgefandi
og ábyrgðaraðili blaðsins er Sam-
tónn, samtök hinna ýmsu félaga
tónlistarrétthafa – höfunda, flytj-
enda og útgefenda.
Blaðið er byggt á þeirri sann-
færingu að tónlistin sé mikil-
vægt svið í mannlífinu og mál-
efni tónlistarlífsins komi öllum
við. Hljómgrunni er ekkert tón-
listartengt óviðkomandi. Allar
stefnur og skoðanir munu kom-
ast að. Blaðið hefur bæði áhuga á
byrjanda í blokkflautuleik og ein-
leikara á píanó, á sama erindi við
áskriftarkorthafa Sinfóníunnar og
þann sem hlustar bara á Bylgjuna
í vinnunni.
Efnisáherslur munu þróast á
næstu mánuðum, en þó verður
tvennt í forgrunni. Annars vegar
viðburðayfirlit næstu vikna þar
sem allir sem standa fyrir tón-
leikum eða öðrum tónlistaruppák-
omum geta komið sér á framfæri
við áhugasama hlustendur. Hins
vegar hyggst blaðið helga hvert
tölublað þeim stórviðburðum tón-
listarlífsins sem í vændum eru
það sinnið. Þannig eru húsnæð-
ismál tónlistarinnar í forgrunni í
þessu tölublaði í tilefni af því að í
dag verður kunngjört hvað Tón-
listar- og ráðstefnuhöllin á hafn-
arbakkanum í Reykjavík mun
heita. Hljómgrunnur er stefnu-
mótavettvangur tónlistarmanna
og tónlistarunnenda. Hugmyndir,
efni og upplýsingar um viðburði
má gjarnan senda á hljomgrunn-
ur@gmail.com.
Við hlökkum til samstarfsins.
Pétur Grétarsson
Þorgeir Tryggvason
Hljómgrunnur
● Nýr vettvangur fyrir unnendur og iðkendur tónlistar.
Ragnar Bjarnason ásamt Louis Armstrong
þegar sá síðarnefndi kom hingað til lands árið
1965.
Söngvararnir Kristján Jóhannsson
og Diddú í hljóðveri árið 1985.
Eins og formaður Samtóns kunn-
gjörði þegar Íslensku tónlistar-
verðlaunin voru afhent síðasta
vor þá hefur fyrirkomulagi
þeirra verið breytt. Nú eru
þeir sem leggja fram diska
eða tónverk ekki lengur
krafðir um greiðslu, en það
hafði sætt gagnrýni. Nú ættu
því allir þeir sem gefa út tón-
list á árinu að geta tekið þátt.
Sem er mikilvægt, svo verð-
launin endurspegli sem
best gróskuna í íslenskri
tónlist.
Til að auðvelda enn þátt-
töku sem flestra þurfa þátttak-
endur ekki lengur að skila inn
eintökum fyrir alla dómnefndar-
menn, heldur verður innsent efni
aðgengilegt dómnefnd á sérstöku
svæði á Tónlist.is. Áfram þurfa þó
tvö eintök af hverjum diski að ber-
ast, enda er einn af verðlauna-
flokkunum besta umslagið. Til
að koma hljóðriti á framfæri
nægir að skrá það á Tonlist.is og
senda í framhaldi tvö eintök merkt
tónlistarverðlaununum á skrifstofu
FÍH, Rauðagerði 27 í Reykjavík.
Verðlaunahátíðin sjálf verður
í Þjóðleikhúsinu 3. mars og þar
munu gestir og aðrir landsmenn
sjá breytingar. Samningar standa
yfir um beina útsendingu athafn-
arinnar í Sjónvarpinu og fregnir
af því og öðrum útfærsluatriðum
verða birt á iston.is.
Og allir með!
● Íslensku tónlistarverðlaunin með breyttu sniði
Hljómgrunnur 1. tölublað, desember 2009 Útgefandi: Samtónn Ritstjórn: Pétur Grétarsson og Þorgeir Tryggvason Ábyrgðarmaður: Ásmundur Jónsson Ljósmyndir: Fréttablaðið og Ljósmyndasafn Reykjavíkur
Hljómgrunnur er umræðuvettvangur um íslenska tónlist og tónlistarlíf. Hugmyndir, efni og athugasemdir sendist á hljomgrunnur@gmail.com.
● KAUPIN Á EYRINNI Þar sem áður stóð Faxaskáli Eimskipafélags-
ins rís nú langþráð skemma yfir íslenska tónlist – import/export. Held-
ur eru tónlistargrósserar tvístígandi nú um stundir þegar kemur að því
að heimsækja kaupstefnur í tónlist. En þó að varan sé ferskari en nokkru
sinni er býsna kostnaðarsamt að leggja út í óvissuna sem ríkir á markaðs-
torgum tónlistarinnar. Gleymum samt ekki að nú frekar en nokkru sinni
telja eintökin sem fara á erlenda markaði. Midem, Popkomm, Womex,
Jazzahead og margar fleiri slíkar ráðstefnur úti í heimi eru lífsnauðsynleg
tækifæri til að halda að heimsbyggðinni spriklandi nýrri tónlist. Virðisauki
hennar er í fjölbreyttu formi. Seldar plötur skila beinhörðum peningum.
Spilamennska á tónlistarhátíðum stendur vonandi undir ferðalögunum á
þær og skilar sér óbeint í aukinni reynslu og upplifun strauma og stefna
í listgreininni. Útbreiðsla íslenskrar tónlistar til heimsbyggðarinnar dreg-
ur líka til okkar erlenda gesti sem eru forvitnir um land og þjóð. Svo má
ekki gleyma því hversu gaman við höfum af því að fylgjast með íslensk-
um útrásarvíkingum á erlendri grundu.
Tveir drengir úr skólahljómsveit á tónleikum árið 2006. Hljómsveitin Stuðmenn spilar í Menntaskólanum við
Hamrahlíð árið 1997.