Fréttablaðið - 16.12.2009, Blaðsíða 28

28 16. desember 2009 MIÐVIKUDAGUR
„Hvernig er hægt að hafa mismun-
andi samninga um útblástur í þró-
uðu ríkjunum sem stýrast af pól-
itík?“ Svo spurði Stavros Dimas,
framkvæmdastjóri umhverfis-
mála hjá Evrópusambandinu, á
blaðamannafundi í gær. Það duld-
ist engum að hann beindi spjótum
sínum að Bandaríkjunum og hann
fórnaði höndum um leið og dæsti.
Slík þreytumerki eru farin að sjást
á ýmsum fulltrúum hér, en allt er
enn á huldu með samninga.
Tillögur Evrópusambandsins eru
mjög metnaðarfullar, en lagt er til
að iðnríkin dragi úr útblæstri sínum
um 30 prósent árið 2020, miðað við
árið 1990. Sambandið hefur ein-
hliða skuldbundið sig til að draga
úr útblæstri um 20 prósent, en er
tilbúið að fara í 30 prósent ef tekst
að semja þar um. Þá vill samband-
ið að þróunarríki dragi að meðaltali
úr útblæstri um fimmtán til þrjátíu
prósent á sama tíma.
Andreas Calgren, umhverfis-
ráðherra Svíþjóðar, en Svíar eru í
forsæti Evrópusambandsins, sagði
aðspurður að sambandið mundi
ekki vera tilbúið að ganga lengra
en uppgefin tuttugu prósent ein-
hliða. Nota þyrfti þau auka tíu pró-
sent, sem sambandið er tilbúið til
að bæta við, til samninga og að
beita önnur ríki þrýstingi. Annars
væri verið að selja þennan aukanið-
urskurð ódýrt.
Hann minnti á að lagasetning
Evrópusambandsins hefði undan-
farinn áratug tekið mið af Kyoto-
bókuninni. Nú vildi sambandið
ganga lengra.
Evrópusambandið hefur lagt
mikla áherslu á að sömu reglur
gildi um öll iðnríki. Svo er ekki nú,
þar sem Bandaríkin og fleiri ríki
hafa neitað að staðfesta Kyoto. Þá
hefur sambandið lagt til að farið sé
hratt í breytingar. Náist samkomu-
lag hér í Kaupmannahöfn, hefjist
löndin handa þegar í stað við að
draga úr losun. Komið verði á fót
sjóði til að styðja ríki strax af stað
í því skyni.
Tillögur Evrópusambandsins
gera einnig ráð fyrir að árið 2020
hafi minnkun regnskóga dregist
saman um helming og algjörlega
stöðvast í síðasta lagi tíu árum
síðar.
Evrópusambandið hvetur
til 30 prósenta samdráttar
Fulltrúar Evrópusambandsins reyna nú að fá önnur iðnríki til að samþykkja 30 prósent samdrátt í út-
blæstri gróðurhúsalofttegunda. Óvíst um árangur. Ákalla Bandaríkin um að leggja meira af mörkum.
Loftlagsráðstefnan í Kaupmannahöfn
Tillögum Evrópusambandsins má
gróflega skipta í fernt:
1. Komið verði í veg fyrir að hita-
stig verði meira en 2° hærra en
fyrir iðnbyltingu. Til þess að það
náist þurfa: a) iðnríkin að draga
úr losun gróðurhúsalofttegunda
um þrjátíu prósent árið 2020
miðað við 1990 og b) þróun-
arríkin að draga að meðaltali
um fimmtán til þrjátíu prósent
miðað við sömu forsendur.
Koma verður upp sjóði til að
styðja ríki í þessari viðleitni.
2. Þó ekki náist samningar í
Kaupmannahöfn verður að
leggja grunnlínurnar að nýju
samkomulagi sem tekur við af
Kyoto-bókuninni, en hún rennur
út 2012. Setja verður markmið
um losun, alþjóðleg viðmið
í flutningum á landi, lofti og
sjó og taka á skógarhöggi, svo
dæmi séu tekin.
3. Hefjast verður handa strax að
ráðstefnu lokinni. Alþjóðlegar
stofnanir verða að leggja línurn-
ar og eftirlitsstofnanir að setja
upp kerfi.
4. Eitt kerfi fyrir heiminn. Sameina
verður þær reglur sem ríki fara
eftir, sem eru í dag mismunandi
eftir því hvort Kyoto-bókunin
hefur verið staðfest eður ei.
TILLÖGUR ESB
Yvo de Boer, yfirmaður lofts-
lagsmála hjá Sameinuðu þjóð-
unum, reyndi
ekki að koma
sér undan
ábyrgð þegar
hann var
spurður hverju
langar biðraðir
við skráningu
sættu. „Kennið
mér um,“ sagði
hann.
Enn biðu
fjölmargir í gær eftir að geta
staðfest skráningu sína og kom-
ist inn í Bella Center. Mun meira
skipulag var þó á hlutunum en
á mánudag. De Boer sagði að
ákveðið hefði verið að leyfa mun
fleirum að skrá sig en kæmust í
höllina, búist hefði verið við að
fólk kæmi og færi yfir vikurn-
ar tvær. Það segir sig hins vegar
sjálft að þegar reynt er að koma
46 þúsund manns inn í 15 þús-
und manna höll verður eitthvað
undan að láta.
Allt of margir skráðir:
Kennið mér
um biðraðirnar
YVO DE BOER
Al Gore, fyrrum varaforseti
Bandaríkjanna, sagðist bjart-
sýnn á að í Kaupmannahöfn
næðist að samþykkja drög að
alþjóðasamningi sem yrði síðan
undirritað-
ur í Mexíkó
á næsta ári,
þegar 16. lofts-
lagsráðstefna
Sameinuðu
þjóðanna verð-
ur haldin.
Gore sagð-
ist vonast eftir
að Bandarík-
in samþykktu
metnaðar-
full lög í loftslagsmálum á 40
ára afmæli Earth Day, en það
verður 22. apríl 2010. Skömmu
áður hafði Arnold Schwarzen-
egger haldið tölu í Bella Cent-
er og verið tekið sem hetju, en
hann hefur náð góðum árangri
í umhverfismálum sem ríkis-
stjóri Kaliforníu. Hann lagði
áherslu á að hreyfingar byrjuðu
hjá fólki, ekki ríkisstjórnum, og
einstaklingar myndu halda sínu
góða starfi áfram, þrátt fyrir að
ekki tækist að ná samkomulagi í
Kaupmannahöfn.
Schwarzenegger vel tekið:
Gore telur að
drög verði til
ARNOLD
SCHWARZENEGGER
VILJA SAMRÆMT MARKMIÐ Andreas
Calgren, umhverfisráðhera Svíþjóðar,
og Stavros Dimas, framkvæmdastjóri
loftslagsmála hjá ESB, lögðu áherslu
að markmið allra iðnríkjanna þyrftu að
vera sameiginleg. FRÉTTABLAÐIÐ/KÓP
LÖGREGLUÞJÓNN FAÐMAÐUR Tveir trúðklæddir mótmælendur reyndu sitt besta til
að létta lund þessa lögregluþjóns í Kaupmannahöfn. NORDICPHOTOS/AFP
Ban Ki-moon, aðalritari Samein-
uðu þjóðanna, minnti fulltrúa
á loftslagsráðstefnunni á að nú
væri þeirra að ná samkomulagi.
Ekki gengi að vera með of harð-
ar kröfur, tími þess að þrýsta
á veikari aðila í samningavið-
ræðum væri liðinn og tími sam-
komulags
runninn upp.
Í gær var
haldin opn-
unarhátíð,
þótt fulltrú-
ar hér hafi
setið á rök-
stólum síðan 7.
desember. Þau
tignarmenni
sem tóku til
máls voru öll sammála um eitt:
samkomulag yrði að nást. Karl
Bretaprins minnti viðstadda á að
drykkjarvatn og loftgæði hefðu
ekkert með þjóðerni að gera.
Karl hefur stofnað sjóð til að
koma í veg fyrir minnkun regn-
skóganna.
Framkvæmdastjóri SÞ:
Tími málamiðl-
ana er núna
BAN KI-MOON
Bólusetning gegn svínainflúensunni A(H1N1) hefst að nýju
í dag, miðvikudaginn 16. desember, á heilsugæslustöðvum
um land allt í kjölfar þess að nýrri sendingu bóluefnis var
dreift til stöðvanna. Þeir ganga fyrir við bólusetningu sem
skráð hafa sig á biðlista.
Jafnframt er tekið við nýjum pöntunum vegna
bólusetningar á þeim heilsugæslustöðvum sem hafa ekki
ráðstafað fyrir fram öllu bóluefninu sem barst þeim nú.
Því er beint til heilsugæslustöðva að gefa skýrar
upplýsingar á heimasíðum sínum og við símsvörun á
hverjum stað um gang bólusetningarinnar og helstu
tímasetningar. Þetta er afar mikilvægt því staða mála er
mismunandi á heilsugæslustöðvunum. Þannig verður unnt
á sumum stöðvum að bólusetja fleiri í desember en eru
þar á biðlista en á öðrum heilsugæslustöðvum dugar þessi
nýjasta sending bóluefnis ekki til að bólusetja alla þá sem
hafa skráð sig. Í einhverjum tilvikum kemur því röðin ekki
að fólki á biðlistum fyrr en í janúar.
• Bóluefni verður næst dreift um landið 6. janúar 2010 og
verður tekið við pöntunum í þá sendingu eftir áramótin.
Þráðurinn tekinn upp að nýju
við bólusetningu
gegn inflúensufaraldrinum
Nánari upplýsingar um bóluefnið og bólusetningu vegna svínainflúensu A(H1N1) er að finna á influensa.is.
Tilkynningar og upplýsingar um viðbúnað vegna inflúensu A(H1N1) eru á influensa.is og á almannavarnir.is.
Landlæknisembættið
sóttvarnalæknir
Ríkislögreglustjórinn
almannavarnadeild