Fréttablaðið - 18.12.2009, Blaðsíða 47

FÖSTUDAGUR 18. desember 2009
Ný sending á frábæru
jólatilboðsverði
SNAIGÉ gerð RF-32
119.900 159.900
Þetta er skápur sem margir hafa beðið eftir, stór 233 ltr. kælir
að ofanverðu og góður 54 ltr. frystir að neðanverðu.
NÝJA KÆLISKÁPALÍNAN FRÁ
Vörur frá Ópal Sjávarfangi fást í: Fjarðakaupum, Hagkaupum, Inspired by Iceland, Kaskó, Krónunni,
Melabúðinni, Nettó, Nóatúni, Samkaupum Strax, Samkaupum Úrval, Sparversluninni og 10-11.
Nýtt!
ósurnar eru
komnar!
Ljúffengar með laxinum
Inn kirkjugólfið streymir fjöldi himneskra herskara
í hvítum kyrtlum og með kertaljós, syngjandi
jólasálma. Fyrir framan altarið sitja Jósef og María
og hjá þeim standa guðspjallamaðurinn, nokkrir
fjárhirðar og Gabríel erkiengill.
Á fjórða sunnudag í aðventu munu tólf ára krakkar
úr Fossvogsskóla flytja fagnaðarerindið fyrir sóknar-
börn Bústaðakirkju í þrítugasta og fimmta sinn. Auð-
vitað eru það ekki alltaf sömu krakkarnir heldur nýr
árgangur í hvert sinn, krakkar sem hafa séð helgi-
leikinn bæði í skólanum og kirkjunni frá því þeir voru
litlir.
Óskar S. Einarsson, skólastjóri í Fossvogsskóla,
hefur verið starfandi við skólann nánast frá stofnun
hans árið 1971 og segir helgileikinn ríka og mikil-
væga hefð í skólastarfinu. „Helgileikurinn var fyrst
sviðsettur árið 1974. Þá hafði Fossvogsskóli verið
starfræktur í þrjú ár, opinn og framsækinn skóli þar
sem mikil áhersla var lögð á leikþætti og að túlka
námsefnið á leikrænan hátt. Okkur langaði til að gefa
krökkunum tækifæri til að koma fram fyrir fleiri og
höfðum samband við sr. Ólaf Skúlason, síðar biskup,
sem þá var sóknarprestur í Bústaðakirkju. Hann tók
vel í það að jólaguðspjallið yrði flutt af nemendum
Fossvogsskóla í fjölskyldumessu á fjórða sunnudag í
aðventu og síðan hefur það verið hefð,“ segir Óskar. Í
ár eru það eru umsjónarkennarar tólf ára nemenda,
Agla Ástbjörnsdóttir og Sigurbjörg Alfonsdóttir sem
hafa veg og vanda af uppfærslunni þar sem fjörutíu og
fimm krakkar leggja sig fram við að koma fagnaðar-
erindinu til skila. „Það er fast verkefni tólf ára nem-
enda að sjá um helgileikinn og sýna hann fyrir alla
nemendur skólans á jólaskemmtun og svo í kirkjunni.
Við höfum séð gegnum tíðina að það skiptir gríðarlega
miklu máli fyrir krakkana að fá að vera með,“ segir
Óskar. „Þau eru búin að sjá þetta frá því þau voru sex
ára og bíða spennt eftir því að komi að þeim.“ Og allir
vilja vera með. „Við reynum að finna hlutverk fyrir
alla. Kórar og englar geta verið ansi fjölmennir í stór-
um árgöngum en vitringarnir voru því miður ekki
nema þrír,“ segir Óskar, „Stundum hafa þau skipst á,
kannski verið tveir kórar eða tveir englahópar sem
skiptast á að leika í skólanum og kirkjunni.“ Óskar
segir að helgileikurinn sjálfur hafi lítið breyst í þessi
þrjátíu og fimm ár. „Inngangur inn og forsagan hafa
hins vegar breyst. Einu sinni var byrjað í baðstofu
á aðfangadagskvöld þar sem lesinn var húslestur
sem þróaðist svo út í jólaguðspjallið en undanfarin
ár hefur upphafið orðið nútímalegra og fleiri sögur
sagðar, meðal annars til að búa til fleiri hlutverk,“
segir Óskar. Spurður hvort einhver hlutverk séu eftir-
sóttari segir hann að það sé engin spurning. „Það er
mikil spenna og eftirvænting þegar valið er í hlutverk
og auðvitað mismikil ánægja með hlutskipti eins og
gengur. María og Jósef eru eftirsóknarverðustu hlut-
verkin og ótrúlegt hvað þau eru til í að taka það að
sér. Ennþá hefur enginn skorast undan þeim hlutverk-
um.“ Helgileikurinn verður fluttur í Bústaðakirkju
á sunnudaginn í fjölskyldumessu sem hefst klukkan
ellefu. Ljósmyndari Fréttablaðsins fékk að kíkja á
æfingu á miðvikudaginn.
Þrír vitringar og fjöldi engla
Erkiengillinn Gabríel boðar fjárhirðunum fögnuð.
Einbeiting og hátíðleiki skín úr hverju andliti – þó að þetta sé
bara æfing.
STÓRAUKIÐ ÁHORF
Á FRÉTTIR STÖÐVAR 2 OG ÍSLAND Í DAG!
Tölurnar tala sínu máli. Um leið og við þökkum
áhorfendum frábærar viðtökur, bendum
við auglýsendum á þennan skýra valkost.
* Skv. rafrænum mælingum frá Capacent í 12-80 ára aldurshópi,
meðaláhorf á mínútu fyrstu 8 mánuði ársins.
40%36%
Áhorf á Ísland í dag
hefur aukist um
40% milli ára
Áhorf á fréttir
hefur aukist um
36% milli ára