Fréttablaðið - 18.12.2009, Blaðsíða 102

62 18. desember 2009 FÖSTUDAGUR
> FRÆNDI Í JÓLAGJÖF
Kim Kardashian segir að systursonur sinn sé hin full-
komna jólagjöf. Systir Kim, Kourtney Kardashian, fæddi
lítinn dreng 14. desember síðastlið-
inn og segir Kim alla fjölskylduna
vera í skýjunum. Drengurinn hefur
hlotið nafnið Mason Dash Disick
og er fyrsta barnabarn móður
þeirra systra. „Mamma er orðin
amma. Eins mikið og hún segist
ekki þola að vera kölluð amma
vitum við að hún elskar það
innst inni,“ sagði Kim í viðtali
við fjölmiðla vestanhafs.
folk@frettabladid.is
Bonito ehf. Friendtex,
Faxafen 10, 108 Reykjavík, sími: 568 2870 - www.friendtex.is
Jólasveinninn getur keypt
Friendtex bangsa til styrktar
Krabbameinsfélaginu
hjá okkur á 1.000.- krónur
Opið í dag mán-fös kl. 11-18, lau 11-16
Lokað Þorláksmessu og aðfangadag
Útsala
30–50% afsláttur!
Mikið úrval af fallegum fatnaði
Ungfrú Ísland, Guðrún
Dögg Rúnarsdóttir, er ný-
komin heim eftir sex vikna
ævintýri í Suður-Afríku þar
sem hún tók þátt í keppn-
inni Ungfrú heimur.
Guðrún Dögg segir að það hafi
verið mjög góð reynsla að taka
þátt í keppninni en engu að síður
erfitt. „Við fengum ekki mikinn
svefn. Við vorum alltaf uppstríl-
aðar og fínar allan daginn. Þetta
var rosalega mikil keyrsla,“ segir
hún. „En þetta var líka rosalega
gaman. Ég fékk að sjá helling af
hlutum sem ég hefði ekki fengið
að sjá nema að hafa farið út,“ segir
hún og nefnir safarí- og dýra-
garðsferð þar sem hún sá fíla, ljón
og alls kyns skemmtileg dýr.
Stúlkurnar heimsóttu einnig
Soweto-fátækrahverfið í Jóhann-
esarborg, sem tók heldur betur á
taugarnar. „Það var rosalega erf-
itt að sjá það. Maður áttaði sig á
því hvað maður hefur það gott
á Íslandi. Þótt það sé kreppa þá
hefur maður húsaskjól og mat
sem þetta fólk hefur ekki,“ segir
hún. „Þarna úti er fólk ekki með
rennandi vatn, rafmagn eða kló-
sett. Það á ekki neitt. Ég lenti í
því að það kom tólf ára strákur
upp að mér og bað mig um pening
fyrir mat. Það var alveg svaka-
lega erfitt fyrir mig og ég brotn-
aði bara saman á staðnum.“
Guðrún Dögg bætir við að hún
kunni betur að meta fjölskyldu
sína á Akranesi eftir hina sex
vikna dvöl í Suður-Afríku. „Mér
semur svo vel við báðar systur
mína eftir að ég kom heim. Við
vorum alltaf að rífast,“ segir hún
og hlær. „Maður er miklu þakklát-
ari fyrir það sem maður hefur.“
Hún eignaðist margar vinkon-
ur meðal hinna fegurðardísanna í
keppninni sem hún ætlar að halda
áfram sambandi við, þar á meðal
ungfrú Ísrael sem var herberg-
isfélagi hennar. Sú stúlka ætlar
meira að segja að koma í heimsókn
til Íslands í sumar. Kaiane Aldor-
ino frá Gíbraltar, sem var kjörin
ungfrú heimur, var einnig ein af
bestu vinkonum Guðrúnar. „Ég er
þvílíkt ánægð með að hún vann.
Hún er rosalega ekta. Þetta er góð
stelpa sem er ekkert að þykjast
því sumar stelpurnar settu bara
upp leikrit. Hún var alveg rosa-
lega góð stelpa og átti algjörlega
skilið að vinna þetta.“
Guðrún komst ekki í gegnum
niðurskurðinn í keppninni en
varð samt ekkert fyrir vonbrigð-
um. „Maður getur ekki horft á
þetta þannig. Þeir skáru þetta svo
rosalega mikið niður, alveg frá 112
stelpum niður í 16 þannig að lík-
urnar eru ekki miklar á að maður
komist áfram. Ég man bara að
við vorum ógeðslega fegnar eftir
þetta því þetta var búið að vera
svo lengi í gangi.“
Í byrjun næsta árs stefnir hún á
að fara með móður sinni út fyrir
landsteinana á rúnt um módel-
skrifstofur, þar á meðal eina sem
er í London. „Ég ætla að kíkja út
og sjá hvernig þetta fer. Þetta er
rosalega virt skrifstofa og ljós-
myndarinn sem er með hana er
rosalega þekktur,“ segir hún en
vill ekkert gefa frekar upp um
málið að svo stöddu.
freyr@frettabladid.is
Brotnaði saman í Soweto
HJÁ BLETTATÍGRI Guðrún Dögg Rúnars-
dóttir, Ungfrú Ísland, hjá blettatígri í
Suður-Afríku.
MEÐ UNGFRÚ HEIMI Guðrún Dögg ásamt ungfrú heimi, Kaiane Aldorino frá Gíbralt-
ar.
Tímaritið People vill meina að
Elin Nordegren, eiginkona Tiger
Woods, hafi ákveðið að skilja við
kylfinginn strax eftir jól. Ástæð-
an fyrir því að hún mun ekki flytja
út fyrr er sú að hún vill að börn-
in fái að njóta jólanna með báðum
foreldrum.
„Hún hefur gert upp hug sinn.
Það var ekki erfitt fyrir hana að
taka ákvörðun, hann mun aldrei
breytast,“ hafði tímaritið eftir
heimildarmanni. Að auki hefur
verið staðfest að Nordegren hefur
átt í viðræðum við lögfræðinga
sína undanfarið og mun hún ætla
að fara fram á að kaupmálinn
sem hjónin gerðu með sér verði
gerður ómarktækur. Á fimmtu-
daginn sáust einnig flutningabílar
við hús þeirra hjóna í Flórída sem
styrkir enn frekar sögusagnir um
skilnað.
Tímaritið US Weekly heldur því
jafnframt fram að Woods og Rachel
Uchitel eigi enn í ástarsambandi og
fyrr í vikunni ferðaðist Uchitel til
Flórída og dvaldi aðeins steinsnar
frá snekkju kylfingsins. „Tiger
sendir henni enn smáskilaboð og
hefur sagt henni að hann ætli að
yfirgefa eiginkonu sína og þarfnist
hennar,“ var haft eftir vini Uchitel.
Það hefur einnig vakið furðu fjöl-
miðla að Uchitel sé eina hjákonan
sem hefur fengið greitt fyrir þag-
mælsku sína og hafa menn velt
fyrir sér af hverju það sé.
Elin skilur við Tiger
SKILNAÐUR YFIRVOFANDI Elin Nordegren ætlar að skilja við mann sinn strax eftir jól.
Samkvæmt heimildum er Tiger enn í sambandi við eina hjákonu sína.
Hljómsveitin Ullarhattarnir heldur
sína tólftu Þorláksmessutónleika
á Nasa næstkomandi miðvikudag
þar sem spiluð verða jólalög í bland
við þekktar dægurperlur. „Þetta er
búið að vera ótrúlega vinælt,“ segir
Eyjólfur Kristjánsson. „Í hittifyrra
lentum við í svo miklum þrenging-
um að við ákváðum að fara með
þetta á Nasa. En í fyrra var skelfi-
legt veður á Þorláksmessu. Það
var ekki mikið af fólki í bænum en
okkar hörðustu aðdáendur brutu sér
leið í gegnum veðrið og mættu. Það
var mikil stemning.“
Leynigestur þá var Geir Ólafsson
og að sjálfsögðu verður nýr leyni-
gestur í ár. „Hann á örugglega eftir
að koma skemmtilega á óvart. Ég hef
það fyrir víst að þessi leynigestur
hafi aldrei sungið jólalag á ævi sinni,
þannig að þarna verður brotið blað í
ferli þessa ágæta leynigests,“ segir
Eyjólfur. Aðrir meðlimir í Ullar-
höttunum eru Stefán Hilmarsson,
Jón Ólafsson, Jóhann Hjörleifsson
og Friðrik Sturluson.
Tónleikar Ullarhattanna hefjast
rétt eftir að búðir loka á Þorláks-
messu upp úr klukkan 23 en húsið
opnar kl. 22. Miðaverð er 2.500 krón-
ur og forsala fer fram á Nasa milli
klukkan 13 og 16 alla daga fram að
tónleikunum. - fb
Fyrsta jólalag leynigestsins
ULLARHATTARNIR
Ullarhattarnir halda sína tólftu Þorláks-
messutónleika á Nasa á miðvikudagskvöld.
MYND/PÁLL BERGMANN
Gítarleikarinn John Frusciante
er hættur í hljómsveitinni Red
Hot Chili Peppers. Hann segist á
heimasíðu sinni í raun hafa hætt
fyrir ári. „Þegar ég hætti í hljóm-
sveitinni fyrir rúmu ári vorum við
komnir í frí um óákveðinn tíma,“
skrifaði Frusciante. „Það var
engin dramatík eða reiði í gangi og
hinir strákarnir voru mjög skiln-
ingsríkir. Þeir skilja að ég vil gera
það sem gerir mig hamingjusam-
an og þannig líður mér líka gagn-
vart þeim. Tónlistin sem ég aðhyll-
ist núna hefur einfaldlega leitt
mig í aðra átt,“ skrifaði hann og
bætti við: „Mér þykir mjög vænt
um hljómsveitina og það sem við
gerðum en núna langar mig að
gera mína eigin tónlist.“
Þetta er í annað sinn sem Frusci-
ante yfirgefur Red Hot Chili Pepp-
ers. Síðast hætti hann árið 1992,
þremur árum eftir að hann gekk
til liðs við sveitina. Hann átti erfitt
með að venjast frægðinni og lagðist
í mikla fíkniefnaneyslu. Árið 1998
fór hann í meðferð og gekk í kjöl-
farið aftur til liðs við sína gömlu
félaga. Frusciante hefur tekið upp
fimm hljóðversplötur með Red Hot
Chili Peppers, þar á meðal hinar
vinsælu Blood Sugar Sex Magik og
By The Way. Síðasta plata sveitar-
innar, hin tvöfalda Stadium Arcad-
ium, kom út árið 2006.
Frusciante var kjörinn átj-
ándi besti gítarleikari allra tíma
af tímaritinu Rolling Stones árið
2003. Orðrómur er uppi um að Josh
Klinghoffer, sem hefur spilað á
sólóplötum Frusciante, sé þegar
genginn til liðs við Chili Peppers.
Aftur hættur í Chili Peppers
RED HOT CHILI PEPPERS
John Frusciante (lengst til vinstri)
hefur sagt skilið við félaga sína í
Red Hot Chili Peppers.
Jennifer Lopez segist ekki eyða
nærri því jafn miklum tíma í
líkamsrækt nú til dags og hún
gerði áður fyrr. Í viðtali við
tímaritið Allure segir söngkon-
an að það fylgi starfi sínu að
hugsa um línurnar. „Hluti af því
að vera í bransanum er að vera
í góðu formi og líta vel út. Ég er
samt ekki sama skrímslið og ég
var áður fyrr þegar kemur að
líkamsrækt,“ segir J-Lo.
Þá segist hún hafa þurft að
hafa mikið fyrir að þjálfa upp
sönghæfileika sína. „Ég var ekki
eins og Marc Anthony maður-
inn minn, sem opnaði munninn
þriggja ára gamall og var með
algjöra englarödd. Það var ekki
svoleiðis hjá mér,“ segir hún.
Sjaldnar í ræktinni