Vikan - 21.12.1967, Blaðsíða 14

Litla - Ljét
Nýr íslenzkur söngleikur fyrir börn, sem sjónvarpifl sýndi nýlega.
Einu sinni fyrir langa löngu siðan bjuggu
fimm systur í litlu þorpi. Fjórar þeirra
voru fríðar og föngulegar og vissu vel
að þær voru það. Þær voru meira að
segja ekkert að leyna því, heldur sögðu þær
hverjum sem heyra vildi hve óskaplega sæt-
ar þær væru. En sú fimmta, Litla-Ljót, var
eitthvað álíka útlits og nafn hennar gaf til
kynna. Ekki voru systur hennar samt að vor-
kenna henni þetta ólán, heldur hrjáðu þær
hana og þrælkuðu á allar lundir og stríddu
henni á ljótleika hennar. Og allir þorpsbúar
veittu þeim fulltingi sitt við þetta andstyggð-
ar athæfi. En svo kom að því að hátíð var
haldin í þorpinu. Allir áttu að taka þátt í
henni nema Litla-Ljót. Hún reikaði þá út í
skóg og hitti fjórar nornir, sem héldu til hjá
töfralind. Þær létu hana þvo sér úr lindinni,
og þá brá svo við að hún varð fallegasta og
bezt búna stúlkan í þorpinu. Þegar hún sagði
systrum sínum frá þessu, þustu þær þegar út
að lindinni, ruddu nornunum frekjulega frá
og fóru að þvo sér, til að verða eins fallegar
og Litia-Ljót var orðin. En vatnið hafði nú
eitthvað önnur áhrif á þau. Það gerði þær
grettnar og svartar í framan. Þar með var
útlit systranna allra orðið í samræmi við
innræti þeirra.
Þetta er efnisþráður söngleiksins nýja, sem
barnatími sjónvarpsins — Stundin okkar —
sýndi nýlega. Höfundur hans er Haukur
Ágústsson, kennari við Langholtsskólann, og
sáu nemendur skólans um flutninginn. Með
aðalhlutverkið, Litlu-Ljót, fór Eyrún Antons-
dóttir, en systur hennar léku Kolbrún Bessa-
dótt.ir, Linda Róbertsdóttir (dætur leikaranna
Bessa Bjarnasonar og Róberts Amfinnsson-
ar), Ásgerður Flosadóttir og Sigurveig Sig-
urðardóttir.
Útsetningu sönglaga og hljómsveitarstjórn
annaðist Magnús Ingimarsson. Söngstjóri var
Stefán Þengill Jónsson, sviðsmyndina gerði
Björn Björnsson og upptöku stjómaði Tage
Ammendrup. Leikstjórn í sjónvarpssal hafði
á hendi Hinrik Bjarnason, stjórnandi Stund-
arinnar okkar.
Hér á opnunni birtast nokkrar myndir, er
Kristján Magnússon tók við upptöku söng-
leiksins.
★