Vikan - 25.09.1969, Qupperneq 3

31. árgangur - 39. tölublaS - 25. september 1969
VIKAN
I ÞESSARI VIKU
Hvað er orðið um rómantíkina? Lifir
hún eða hefur hún gefið upp öndina í argi
og þvargi nútíma þjóðfélags? Ætli
það lifi ekki enn í gömlum glæðum og
tunglið skíni enn giatt, þótt Armstrong hafi
sporað það út. VIKAN tók menn tali á
förnum vegi og spurði þá: Hvað
er rómantík? Meðal þeirra sem svara er
Þórbergur Þórðarson, rithöfundur.
Við höfum þegar birt myndir af vetrar-
tízkunni frá Austurríki. Nú er röðin
komin að París. I þessu blaði birtum við
myndir af ærið frumlegum og sér-
kennilegum kjólum og kápum, sem
franski tízkuteiknarinn Courréges hefur gert.
Það er ekkert stúlkubarn í öllum heiminum,
sem er betur verndað en hin níu ára
gamla Kumari í Katmandu, höfuð-
borg Nepals. Hún er lifandi gyðja, líklega
sú eina í heiminum. En hið guðdómlega
vald hennar er tímabundið. Um leið og
hún missir einn einasta dropa blóðs,
verður hún miskunnarlaust rekin út á götuna.
í NÆSTU VIKU
Það ber ekki allt upp á sama daginn,
segir máltækið, og sannaðist það bezt
á hinum fræga rithöfundi, Jules Verne. Hug-
myndaflug hans er nú nær allt orðið
að veruleika. Það er komið í Ijós að ferð
hans til tunglsins árið 1865 er í öllum
meginatriðum nauðalik nýafstaðinni tunglför
Bandaríkjamanna. Við sýnum fram á þetta
í máli og myndum í næstu Viku.
Erlendis þykir sjálfsagður liður í uppeldi
barna að fara með þau í dýragarðinn
á sunnudögum. Hér á landi er enginn slíkur
garður til, og eini staðurinn þar sem
hægt er að sýna börnum undur dýrarikisins
er á náttúrugripasafninu. Vikan bauð
nokkrum börnum að heimsækja safnið og
segir frá þvi í myndafrásögn.
Harmleikur Sharon Tate og Polanskis hefur
hefur vakið heimsathygli enda var
Sharon í hópi efnilegustu leikara ungu
kynslóðarinnar og Polanskis er tvímælalaust
einn athyglisverðasti kvikmyndaleikstjóri,
sem fram hefur komið hin siðari ár.
I næsta blaði birtum við ítarlega frásögn
af harmleiknum, ásamt mörgum
myndum af þeim hjónum.
í FULLRI ALVÖRU
AO SEGJA NEI
I Hafnarfirði hefur lengi verið svo ástatt, sem í
mörgum öðrum kaupstöðum vors lands, að þeir
sem hafa ætlað að gera sér glaðan dag með
brjóstbirtu, hafa orðið að verða sér úti um sína
eigin flösku. Það er í samræmi við þá megin-
reglu, að ef menn langi til að kaupa sér áfengi,
verði þeir að kaupa mikið og hafa það sterkt.
Nú hefur veitingamaður einn sótt um að fá
að selja slatta í glas að hætti vínveitingahúsa.
Slíkt leyfi væri brot á meginreglunni en á sér
þó hliðstæðu í Reykjavik til dæmis, svo varla
er stætt á að neita því beint. Hér verður því að
fara aðra leið.
Sú leið er næsta augljós: Láta fara fram al-
menna atkvæðagreiðslu um málið. Þá mæta þeir
fylktu liði og láta engan vanta, sem eru á móti
áfengi. Þeir hafa aldrei viðurkennt, að úr því
að áfengi er til og verður til, sé það nokkru
skárra í einni mynd fremur en annarri. Þess
vegna segja þeir alltaf nei í öllum tilvikum, þeg-
ar áfengi er annars vegar, nema ef vínbann er
til umræðu. Þeir segja líka nei, þegar tillaga
til bættrar vinumgengni er borin upp. Tiltölu-
lega fáir gallharðir vínmenn og nokkrir ungling-
ar um tvítugt koma til að segja já, en afgangur-
inn situr heima. Það þarf þvi varla að leiða mikl-
um getum að úrslitum „allsherjaratkvæðagreiðsl-
unnar."
Nokkuð er mér sama, hvort Hafnfirðingar hafa
vinveitingahús eða ekki. En ekki get ég að þvi
gert, að mér finnst hálfgerður óþarfi að gera
málið svona viðamikið og kostnaðarsamt — rétt-
um yfirvöldum hefði verið í lófa lagið að segja
nei upp á eigin spýtur og spara. Er það ekki
hið eina, sem gildir nú til dags?
S.H.
VIKAN Útgefandi Hllmlr hf. Ritstjórl: SigurBur
Hreiðar. MeSritstjóri: Gylfi Gröndal. BlaSamaSur:
Dagur Þorleifsson. Útlitsteikning: Halldóra Hall-
dórsdóttir. Dreifing: Óskar Karlsson. Auglýsinga-
stjóri: Jensína Karlsdóttir. — Ritstjórn, auglýsingar,
afgreiðsla og dreifing: Skipholti 33. Símar: 35320 —
35323. Pósthólf: 533. Verð i lausasölu kr. 50.00.
ÁskriftarverS er 475 kr. fyrir 13 tölublöS ársfjórB-
ungslega, 300 kr. fyrir 26 tölublöS missirlslega, eða
170 kr. fyrir 4 tölubiöð mánaðarlega. Áskriftar-
gjaldið grciðist fyrirfram. Gjalddagar eru; Nóvem-
bcr, febrúar, maí og ágúst eða mánaðarlega.
39. tbi. VTKAN 3