Vikan - 25.09.1969, Blaðsíða 33
STJÖRNUSPÁ*^
m
yttg/r
Hrútsmerkið (21. marz — 20. apríl):
Næstu dagar nokkuð óljósir. Kona, sem þú hefur
lengi verið fjarvistum veldur óþægindum. Þú færð
góðar fréttir með póstinum. Líkur eru á löngum
vinnudegi og ekki alltaf friðsömum.
Nautsmerkið (21. apríl — 21. ma():
Þú átt erfiðan keppinaut í starfsgrein þinni. Farðu
gætilega. Ef þú fylgist vel með geturðu kollvarpað
áformum, sem sett eru til höfuðs þér. Fjármálin
nokkuð ruglingsleg.
Tvíburamerkið (22. maí — 21. júní):
Verkum þínum er vel tekið, en samband þitt við
yfirboðarana er ekki nægilega gott. Þú telst lán-
samur maður, átt góða fjölskyldu og trygga vini;
líklega færðu áþreifanlega að sanna það bráðum.
Krabbamerkið (22. júnt — 23. júlQ:
Samband tveggja persóna veldur þér áhyggjum, en
vegna umhverfis þíns skaltu hafast sem minnst að.
Þig langar að skipta um atvinnu, en hefur ekki
efni á því að sinni. Þú hefur mikað að gera heima.
Ljónsmerkið (24. júl( — 23. ágúst):
Ef þú ert einhleypur er ástæða til að vara þig við
vali á félögum. Sértu hins vegar á föstu skaltu um-
gangast þína kæru með varúð. Þú hlýtur vinning
sem veitir þér talsverða skemmtun.
Meyjarmerkið (24. ágúst — 23. september):
Ókunnugur maður sem vill þér vel hefur mikil af-
skipti af málum þínum. Láttu þér annt um að
halda vináttu hans. Þú færð skemmtilega gjöf, en
henni fylgir all mikil vinna af þinni hálfu.
Vogarmerkið (24. september — 23. október)
Þú færð alvarlega prófraun að glima við ef þú
hunzar stöðugt ráðleggingar gefnar af besta vilja.
Þú verður að taka ákvörðun sem skiptir framtíð
þína miklu. Kvöldunum væri vel varið til lestrar.
Drekamerkið (24. október — 22. nóvember):
Þú átt við nokkra erfiðleika að etja. Persóna sem
þér er kær krefst þess að þú leggir mikið á þig;
sameiginlegra hagsmuna vegna. Þú færð bráðsnjalla
hugmynd, en hún verður timafrek.
Bogamannsmerkið (23. nóv. — 21. desember):
Þú nálgast lokamark þitt af mikilli festu. Haltu
sambandi við fjölskylduna sem beztu, því hún á
mikinn þátt í að draumar þínir rætast. Smá von-
brigði, en þú ert maður til að taka þeim.
Steingeitarmerkið (22. desember — 20. janúar):
Tilfinningarnar varna þér að meta hlutina réttilega.
Gerðu þér sem bezta grein fyrir ábyrgð þeirri er á
þér hvílir. Óvæntir atburðir haga því þannig til að
þú getur ekki ferðazt eins og þú ætlaðir þér.
Vatnsberamerkið (21. janúar — 19. febrúar);
Þú ert fremur óhress yfir framtakssemi kunningja
þíns; hann framkvæmir einmitt það sem þú hafðir
hugsað fyrir þig sjálfan. Þú færð fremur litið næði
til að sinna verkefnum þínum.
Fiskamerkið (20. febrúar — 20. marz);
Þú nýtur hylli glæsilegrar persónu, sem reynist þér
hollur ráðgjafi. Láttu hverjum degi nægja slna
þjáningu. Verkefnum þinum er óhaganlega deilt
niður á þann tima sem þú hefur yfir að ráða.
H AUST
T í Z K A N
<11969
Alltaf fjöl-
breitt úrval,
en þó aldrei
meira en í
haust.
Okkar fag er
Tízkan
Vönduð vinna
Vönduð snið
Þegar þér
leitið að
haustfatnað-
inum í ár,
spyrjið þá
um Slimma
©
DÚKUR hf.
BUXUR
PILS &
DR AGTIR
FRÁ
r~
I
Þér spariO með áskrift
UIKAN
Skipholti 33 - sími 35320
39. tbi. VIKAN 33