Vikan - 09.10.1969, Blaðsíða 26

Þessi VOLVO skákar þeim, sem segir frá í töflunni. Hann er 31
árs að aldri og hefur rúllað sem svarar níu ferðum umhverfis
jörðina. Alltaf í eigu sama manns.
Samanburður sá, sem Vikan birti í
suinar á varahlutaverði nokkurra bíl-
tegunda, hefur vakið mikla athygli.
Nokkrir hafa þó ekki lesið skilgreining-
una, sem fylgdi, nógu gaumgæfilega, því
þeir álitu það verð sem tilgreint var,
bindandi um aldur og ævi að því er virð-
ist, og brugðust hinir verstu við, er í
Ijós kom um einstaka hluti sumra teg-
unda, að verð þeirra liefur hækkað fl'á
því að könnunin var gerð. Aftur á móti
hafa engar kvartanir borizt yfir þeim
hlutum, sem hafa lækkað frá því Vikan
gerði lista sinn.
Nokkru eftir að varahlutaverðið birt-
ist, barst okkur í hendur listi frá sænsku
bílaprófuninni, yfir meðalaldur þeirra
bíla sem gengu úr sér á hverju ári frá
1963 til 1968. Þar kemur í ljós, að end-
ing hinna ýmsu bílategunda er nokkuð
jöfn frá ári til árs, þó um nokkurn mun
sé að ræða. Fjórar tegundir af þeim 27,
sem hér eru taldar upp, virðast eftir töflu
þessari að dæma hafa farið heldur versn-
andi en hinar ýmist staðið í stað eða
batnandi. Hæstan meðalaldur öll árin
hafa þeir Volvoar, sem söfnuðust til feðra
sinna, en Volkswagen og Mercedes Benz
bítast um næsta sæti og veitir þó Volks-
wagen öllu betur. Lestina rekur Mosk-
vitch.
Vitaskuld gildir sænska könnunin ekki
fvrir Tsland, meðfram vegna þess, að hér
fer ending bíla örugglega meira en í
Svíþjóð eftir því, hve auðvelt er og ódýrt
að halda þeim við, „gera þá upp“. í
sambandi við lista þennan hinn sænska
verður því könnun varahlutaverðs aftur
tímabær og kann hún að gera nokkurn
mun á meðalaldri lógaðra bíla á Islandi
og í Svíþjóð.
CHRYSLER stendur sig hvað bezt af þeim bílum amerískum, sem hér eru tilgreindir.