Vikan - 29.01.1970, Blaðsíða 14

Húsið við Aðalstræti 16 stendur nú eitt, síðan Uppsalir voru
rifnir. Þetta sögufræga hús, sem kallað var „Lóskurðarstofan"
var reist árið 1752. f því bjuggu landfðgetar 1798—1828 og var
það þá nefnt „Landfógetahús". 1830—1850 var þarna barnaskóli.
Jón Guðmundsson, ritstjóri Þjóðólfs, eignaðist húsið skömmu
síðar eða 1875, og var það þá mikil andleg menningarmiðstöð.
Bétt fyrir aldamótin var húsið stækkað og gerðar á þvi ymsar
breytingar.
„Bærinn er skrí
hann er fullur
„Bærinn er skrítinn, hann er fullur af húsum," segir Tómas
Guðmundsson skáld í einu af kvæðum sínum. Og mörg þess-
ara húsa eru komin til ára sinna og eiga sér langa og merki-
lega sögu, sem æ færri kunna skil á. Gömlu húsunum hefur
fækkað iskyggilega á siðustu árum. Hvert af öðru verður að
víkja fyrir köldum og háreistum glerhöllum nútímans. —
Margan tekur sárt að sjá á bak svo mörgum gömlum og
frægum húsum, og hefur verið reynt að bjarga nokkrum
þeirra með því að flytja þau upp að Árbæ. Ugglaust verður
ekki hjá því komizt að rýma sums staðar til og hljóta þá
einhver sögufræg hús að verða eyðileggingunni að bráð. En
það verður seint nógsamlega brýnt fyrir Reykvikingum að
virða og fara vel með gömul hús, þessar talandi minjar um
sögu höfuðstaðarins. — VIKAN fékk Þorstein Gunnarsson,
arkitekt og leikara, til að aka með Ijósmyndara blaðsins um
bæinn og taka myndir af gömlum og sögufrægum húsum.
Þorsteinn veitti okkur einnig nokkrar upplýsingar um hvert
hús, en ekki verður saga þeirra rakin nákvæmlega að þessu
sinni. Húsin eru valin af handahófi, en eiga það öll sameigin-
legt að geyma hvert sitt brotið af sögu höfuðstaðarins, og eru
þvi sannarlega þess virði, að á þeim sé vakin athygli.
¦..,¦¦.¦¦¦¦¦..¦¦.¦
¦'-¦:--:---v'--Áv:-<'-<\---y>.
WL. „,