Vikan - 03.03.1977, Síða 41

„Já, hann hafði fengið sér góðan
kvöldverð, en aðeins drukkið lítið
eitt,” svaraði Rapa lögregluforingi.
,,Já, einmitt,” sagði ég og mér
létti. Ég hefði ekki getað afborið
það, ef faðir minn hefði látist vegna
eigin vanrækslu.
En hvers vegna fannst mér enn
eitthvað þurfa skýringar við. Ég
var gráti næst og treysti mér ekki
til þess að bera fram fleiri spurning-
ar. Þó langaði mig að vita, hvort
hann hafði verið einn um borð.
Lögregluforinginn reis nú á fæt-
ur, lagði eitthvað á borðið og sagði:
„Mér datt í hug, að þú vildir fá
þetta.”
Þarna á borðinu lá lykill og við
hann var festur merkimiði með
nafninu Prescott.
„Ef þetta er lykillinn að bónda-
býlinu,” sagði ég, „þá vantar mig
heimilisfangið.”
„Það er ekkert heimilisfang, en ef
þú ferð veginn frá Xaghra og út að
Ramlaflóa, þá kemurðu að troðningi
til vinstri handar. Þar eru akrar á
báða vegu og við endann á þessum
troðningi er bóndabýlið. Þar er
ekkert annað hús og unhverfis býlið
vaxa olífutré og þyrnótt perutré. Ef
þú vilt skal ég gjarnan aka þér
þangað.”
„Þú ert mjög hugulsamur,”
sagði ég, „en ætli ég kjósi ekki
fremur að fara ein.’
„Þú þarft á bíl að halda,” sagði
Rapa. „Við erum með MG-bíl föður
þíns, en við höfum ekki lokið við að
rannsaka hann til fulls. Eftir einn
eða tvo daga ættirðu hins vegar að
geta fengið hann.”
„Hvers vegna þurfið þið á honum
að halda?”
Það virtist ekkert geta slegið
lögregluforingjann út af laginu og
hann sagði: „Jafnvel venjubundin
rannsókn getur tekið sinn tíma.”
Mér fannst svar hans engan
veginn fullnægjandi, en lét það
kyrrt liggja. Rapa lögregluforingi
myndi hvort eð var ekki fást til
þess að segja mér annað en það,
sem hann kærði sig um.
„Fer enginn áætlunarbíll til
Xaghra?” spurði ég.
„Jú, að visu, en leiðin þangað.er
löng og auk þess er mjög heitt í
veðri á daginn. Ef þú kærir þig ekki
um að aka sjálf geturðu fengið
bílstjóra með bilaleigubílnum, ell-
egar þú gætir tekið venjulegan
leigubíl."
„Þakka þér fyrir upplýsingarnar.
Ég ætla að fara seinna, kannski
oftir hádegi.”
Um leið og lögregluforinginn
bjóst til að fara, sagði hann: „Láttu
mig endilega vita, ef ég get orðið
þér að einhverju liði. Eftir að þú
hefur litið á húsið, er kannski ýmis-
legt, sem þig langar að spyrja nánar
um.”
„Hefur þú komið þangað?”
„Já, ég komst ekki undan þvi, en
þar var hvergi skilaboð að finna.”
Það var ekki fyrr en Rapa lög-
regluforingi var farinn, að ég áttaði
mig á því, hvað hann átti við með
orðinu skilaboð. Hann var auðvitað
að hugsa um einhvers konar sjálfs-
morðsorðsendingu. Sjálfsmorð?
Faðir minn? Það var blátt áfram
óhugsandi. Ég fór upp á herbergi
og settist út á svalir meðan ég
hugleiddi ferð mína til Xaghra. Ég
var að bræða það með mér, hvort ég
ætti að taka bílaleigubíl eða venju-
legan leigubíl. Ég hafði ekki komist
að neinni niðurstöðu, þegar bankað
var á dyrnar. Framhald í næsta blaði
ITT
LITSJÓNVARPSTÆKI
,R pN N
Vt? lX\*i
ITT sjónvörp eru að sjálfsögðu með köldu kerfl.
VIDOM KERFI ITT byggir litsjónvarpstæki sín upp á einingum og við hverja einingu
er tengt ljós. Þegar bilun verður í einingu slökknar ljósið. Þetta auðveldar mjög
viðgerðir, þannig að 90% viðgerða fer fram í heimahúsum.
ITT hefur í sinni þjónustu 25.000 manns sem eingöngu vinna við rannsóknir
og tilraunir. Þetta tryggir að nýjasta tækni er ávallt notuð í tækjum frá ITT.
ITT hefur á litsjónvarpstækjum sínum sérstakan takka, sem sjálvirkt, samræmir bestan
lit og skarpleika myndar.
ITT er búið sjálfvirku öryggi, sem virkar þannig að ef rafmagnsspennan fer upp eða
niður fyrir æskilega spennu, þá slökknar á tækinu,
og fer það ekki í gang aftur fyrr en spennan er orðin eðlileg. Þetta kemur
í veg fyrir að viðkvæmir hlutir skemmist.

HAFNARSTRÆTI 17
SÍMÍ 20080
9.TBL. VIKAN 41